Isai 21:8 - Bible azumeina

⁸ Mi er ad’um akulo ala: Salana, an nga tchola ata yi man ma ndjola faleya, an nga tchola ata yi man ma ndjola andjege dei gak yima fod’a.

Isai 21:8 Kruisverwysings

2 Sunda Hamuleinid’a 20:24

Ata yima suma Juda-na a mbaza ata yima nding ma sana ndak á we sä woi hur fulîna, a mbut irazi á gol suma mimiyâk ndazina. A gol wani, mad’a suma mi nga samba kä didi, sa tu pî mi sut ti.

Sawal la giled’a 127:1

Ni sawala hi Salomon nda suma a djak Jerusalem á lü vun tilîna a hlata. Le Ma didina mi min nga azina d’uo ni, suma min azina a tchi tazi ni hawa. Le Ma didina mi ngom nga azì ma ngolâ d’uo ni, suma a ngomoma a kak ndjola ni hawa mi.

Sawal la giled’a 63:6

An mba ni hop pei kahle suma djivina d’igi te ma djivi ma mbulâ na, an mba ni le furîd’a, an mba ni gileng mi.

Isai 5:29

A tchi ni d’igi azlod’a na, a oî ni d’igi azlo ma azungeîna na, a nga to beîd’a a nga vik ahlena, a nga i ki sed’eziya, wani sama mi mba á prud’uzi abozina nga d’i.

Isai 56:10

Suma ndjola hi Israel-lîna pet ni suma duka, a ni suma bei wed’a. Azi pet nadurei suma ngela, a ndak nga á bud’a d’i; azi ni suma adïd’a dazina; a burî kä, a tcho’î sena vam tu.

Isai 62:6

Ndak Jerusalem, an tin wa suma ndjola yam gulumun ma’â. Azi mba ba vunazi falei d’oze andjege d’i; agi suma nga gagi hum Ma didina yam ahle suma a le ki Jerusalem-mina, agi tugugi tagi d’i.

Jeremi 25:38

Ma didina mi ar yam ma kaka woi d’igi azlona mi ar domi mama woi na, ambasa ti mbut djona, ti b’lak kei abo ayî ma durâ, abo ayî mam ma bibiliuna.

Jeremi 4:7

Gola! Azlona mi nde woi kur domi mama. Ma b’lak andjaf suma mi nde wa woi avo hatam á b’lak suma, nga mi djï á b’lak ambas magid’a woyo, á to azì magi ma nglona kä woi ndjandjap, a mba fe sama kak kur ri.

Jeremi 49:19

Ma didina mi dala: Gola! An mba ni ndeï d’igi azlona mi ndeï aduk agud’a avun alum ma Jurdê-na á lat suma pola na. Atogo hina zak an mba ni dik suma Edom-ma, an mba ni tin ma an manama kaziya. Ni nge ba, mi hle tam d’igi an na ge? Ni nge ba, mba mi han vuna ge? Ni ma pol ma lara ba, mba mi tchol avoron nge?

Jeremi 50:44

Ma didina mi dala: Gola! An mba ni ndeï d’igi azlona mi ndeï aduk agud’a avun alum ma Jurdê-na á lat suma pola na. Atogo hina zak an mba ni dik suma Babilon-na, an mba ni tin ma an manama kaziya. Ni nge ba, mi hle tam d’igi an na ge? Ni nge ba, mba mi han vuna ge? Ni ma pol ma lara ba, mba mi tchol avoron nge?

1 Pierre 5:8

Ar agi kagagi ki ndjola, agi kagagi iragi sik, kayam Diable magi ma djangûna nga mi tit d’igi azlo ma nga mi tchi á hal nge ma mam vum á mutnina na.