Isai 21:3 - Bible azumeina

³ Kayam ndata, furun nga mi tanu, ndaka nga d’i lan d’igi ndaka ti latcha d’a vuta na, tcha d’a tatad’a ti d’elen bei hum zlad’a, mandarâ mi d’elen á we yina mi.

Isai 21:3 Kruisverwysings

Sawal la giled’a 48:6

Ata yima azi goloma, azi le atchap, a le mandarâ, a ringâ.

Isai 13:8

A mba le mandarâ, ndaka ki pupuluka hi hliu tad’id’a mba d’i laziya, a mba tcha tata d’igi atcha d’a nga d’i tcha tata á vutid’a na, a mba gol ir tazi ki mandarâ, irazi mba d’i tchor hleud’a d’igi akud’a na.

Isai 15:5

An nga ni tchi kurun krovo yam Mowap, kayam sum matna a ring gak a i Sowar, gak a mba Eglat-Selisiya. Azi nga tchi irazi glovot ata yima a nga djak akulo Luhit-na, a nga tchi wulula irazi kur glovot ta i Horonayim-mba abo b’lak ka d’i mba kazid’a.

Isai 16:11

Kayam ndata, an nga ni hle sawala ki delen akulo ki hur ma hata yam suma Mowap-ma d’igi tchina hadingîna na, an nga ni tchi yam suma Kir-Hares-sâ mi.

Isai 16:9

Kayam ndata, an nga ni tchi ki suma Jazer-râ yam guguzlu d’a Sipma-d’a, simina nga mi djang kä iran d’igi mbina na yam agi suma Hesbon-na ki suma Elale-na mi. Kayam wulul la ayîna ti tcholï ni yam magi suma dut guguzlu magid’a ki magi suma fet awuna mi.

Isai 26:17

Ma didina, ami avorong ni d’igi atcha d’a ti nde vuta d’a ti gun kä abo tata ted’a d’a ti nga d’i tchid’a na.

Jeremi 4:19

Hurunu! Hurunu! Hurun nga mi tan kurun krovo bobor, vunadigan nga d’i tumunu, an ndak á bad’a d’i, kayam an nga ni hum tchina hadifina ki tau d’a ayîna.

Jeremi 48:41

A mba hlazì ma Keriyot-na, A mba yo azì ma ad’eng ma ngunguna mi. Kur bur máma suma gangrang suma Mowap-ma, huruzi mba mi b’lak d’igi atcha d’a hurut nga mi tat á vutid’a na.

Jeremi 49:22

Gola! Andjaf suma a mba sir kä yam azì ma Bosra-na d’igi b’aruna mi b’er gigingâm mbei mi sir kä na. Kur bur máma suma gangrang suma Edom-ma, huruzi mba mi b’lak d’igi atcha d’a hurut nga mi tat á vutid’a na.

Jeremi 50:43

Amul ma Babilon-na mi hum zla ndata, abom mi mbut amangeîna kekeb’e, mi nga mi tcha tata d’igi atcha d’a ti nde vutid’a na.

Jeremi 6:24

Ablau suma a dala: Ata yima ami humumi zla ndatina, tami d’i tchuk susub’ok, pupuluka nga d’i lami d’igi vuta ti latchad’a na.

Habakuk 3:16

An hum hina, wani vunadigan ndi pad’a. Kid’a an hum siwel ndatid’a, vunan nde zlaka, tan ndi tchuk susub’ok, asen mi nde zlaka kikib’i mi. An ni kak tchugot á djup bur ma ndak ma ang Alona mba ka sariyad’a yam suma a mba mba á lami tchod’ina.

Jean 16:21

Le atchad’a hurut nga mi tat á vuta ni, ndat nga kur ndaka, kayam yi mat ma vuta mba wa. Le ti vut wa gorâ woi da ni, ti dok djib’er yam ndak mata d’uo d’a, kayam ti nga ki hur ma hapma, kayam ti vut wa sana woi kur duniyad’a.

Gat ta a hat á mbàd’id’a 28:67

Yorogo agi mba dagi ala: Ladjï ni fladege ni d’ö ge, fladege agi mba dagi ala: Ladjï ni yorogo ni d’ö ge, abo mandar ma mba mi oî kurugi abo ahle suma agi mba wagizi ki iragina.

1 Tasaloni’â 5:3

Fata suma a dala: B’leng nga halasa ki djivid’a a nga d’a, ata yi máma na wat, bad’a mba d’i nde kazi d’igi vuta ti nde yam atcha d’a wirâ na, a mba prut tei d’uo mi.