Isai 21:2 - Bible azumeina

² Vama tcho ma kal teglesâ mi nde tam mbei iranu. Ma mbut ira nga mi mbut ir suma, ma b’lak yina nga mi b’lak yina mi. Ma didina mi dala: Agi suma Elam-ma, agi igiya! Agi suma Mede-na, agi i nguyugi azina á durâ! An nga ni d’el vun zam tad’a mi.

Isai 21:2 Kruisverwysings

Ad’u Tinda 10:22

Sem groma ba wana: Elam, Asur, Arpaksat, Lut ki Aram.

2 Amuleina 17:6

Kur biza d’a zlengâ d’a Ose nga mi tamulid’a, amul ma Asiri-na mi hlazì ma ngol ma Samari-na, mi yo Israel suma kurâ mi izi magomba, mi izi Asiri, mi tchuk suma dingâ kur ambas sa Hala-d’a, mi tchuk suma dingâ kur Gozan avun alum ma Habor-râ, mi tchuk suma dingâ kur azì ma nglo ma Mede-na mi.

Sawal la giled’a 119:158

An nga ni gol suma mbut ira is, kayam a ngom nga vun mang ma hled’a d’i.

Sawal la giled’a 12:5

ki suma a nga dala: Ami mba kuzumi ayîna ki vunamiya, ami nga ki vunami á de zlad’a; ni nge ba, mba mi te kami ge na mi.

Sawal la giled’a 25:3

Suma a tin huruzi kangâ pet a mba mbut zulona d’i; suma a mba mbut zulonina ni suma a le suma tchod’a bei zlat ba na.

Sawal la giled’a 60:3

Alo mamina, ang arami woyo, ang b’rawami woi yayak, ang hurung zal kamiya, wani ki tchetchemba, ang hulongômi blangâmina.

Sawal la giled’a 79:11

Ar ang hum yor tad’a hi suma a yozi dangeinina; kad’eng manga ang sut suma a nga avun matnina woyo.

Zla d’a d’ogolâ 13:15

Sama wad’ud’a nga mi mba ki sumad’a, wani lovota hi suma mbut irid’a ti i ni sana kur bad’a.

Isai 11:11

Kur bur máma Ma didina mba mi mat abom kua yam á mbàd’a á prut mam suma ad’uzi mba d’i ar abo suma Asiri-na, abo suma Ezipte-na, abo suma Patros-sâ, abo suma Etiyopi-na, abo suma Elam-ma, abo suma Sinar-râ, abo suma Hamat-na, abo suma a nga kaka yam tila halum ma ngolîd’a woi mi.

Isai 14:4

Ata yi máma agi mba hlagi sawal la lasa mamul ma Babilon-na ala: Ni me na ge? Ma djop vun suma mi nga d’uo d’ä? Ma le suma kad’engina mi nga d’uo mï?

Isai 14:7

Suma yam andagad’ina ki zla tazi pet, a kak ki halasa, a nga hle sawala ki hur ma hapma.

Isai 22:6

Agi suma Elam-ma, agi yogi yeûd’a kakulud’u, suma a nga kur pus ma dur ayîna ki suma djang akulumeina a nga i avogovogo. Azigar suma Kir-râ a buzuk mboriyo mazina woi abu mi.

Isai 24:16

Ami nga humumi sawala avun dabid’a handagad’id’a ala: Hei ngola mi Ma d’ingêrâ! Wani an nga ni dala: An ba wa woyo, an ba wa woyo! Ni zla d’a hohoud’a kanu! Suma mbut ira a nga mbut ir suma, suma mbut ira a nga mbut ir suma ngola!

Isai 33:1

Ni zla d’a hohoud’a yam ang ma b’lak suma dingâ bei sa mi b’lagang ang ba na, yam ang ma nga mbut ir suma dingâ bei sa mi mbud’ung ang irang ba na. Fata abong dap á b’lak suma dingîd’a, a mba b’lagang ang mi. Fata ang ar bei mbut ir sumid’a, a mba mbud’ung ang irang mi.

Isai 35:10

Ni hina ba, suma Ma didina mi tchuguzi akulona a mba hulongîya, a mba mba kur Siyon ki sawal la bangâna avunaziya, a mba le furîd’a gak didin. A mba le hur ma hapma, a mba aî mi. Hur ma wurana ki zam tad’a a mba kal leyo.

Isai 47:6

Gola! An hurun zal adjeu ata sum mana, an mbut man suma an tazi djonina zulona, an haksi hur abogu. Ndak wazi nga hohowozi d’i, ndak ge djuk mak ma ane’â kel momorogeina.

Jeremi 25:25

An hum mamulei suma Zimri-na, mamulei suma Elam-ma kamulei suma Mede-na pet mi.

Jeremi 31:20

Ma didina mi dala: Efraim goron ma an le kam heîna ni goron ma tan lan djivid’a kama. Ata yima lara ma an nga ni ngoboma, an nga ni djib’er kam teteu, an nga ni hat hurun kam ngola, an nga ni ar bei wum hohowom mbi.

Jeremi 31:25

Kayam an mba ni had’enga mi suma a seîna, an mba ni hop suma a nga lá matnina mi.

Jeremi 45:3

Ang dala: Ndaka nga kanu, kayam Ma didina nga mi mba ki ndak ka dinga kan yam ahle suma tan nga d’i tan abozina. An ni seî wa á muzuka, an ndak á tuk tan ndi.

Jeremi 49:34

Wana ni zla d’a Ma didina mi dat mi ma djok vun Alona Jeremi yam suma Elam-ma kid’a Sedekiyas amul ma Juda-na mi tin ad’ud’a á tamulid’a.

Jeremi 49:35

Ma didin ma ad’engêm kal petna mi dala: Gola! An nga ni kus agu yeûd’a hi suma Elam-ma d’ala nad’eng mazid’a d’a woyo.

Jeremi 50:14

Agi suma yet yeûd’a pet, agi ndjaragi á dur suma Babilon-na, agi nguyugizi kä d’uhl, agi yed’egiziya, agi arazi bei yeta ki yeûd’a d’i, kayam azi le tchod’a avok Ma didina.

Jeremi 50:34

An ma tchuguzi akulona ni ma sib’ika. Simiyên ala Ma didin ma ad’engên kal petna. An mba ni ndjun kaziya, ambasa ti kak ki halasa, an mba ni mbut suma a nga kaka Babilon-na mandarâ mi.

Jeremi 51:11

Agi gurugi sï yeû magid’a, agi yogizi kur aziyad’u. Ma didina mi djiu wa hur amulei suma Mede-na akulo, kayam mi nga hurum á b’lak Babilon ndei da’, kayam natchugul la sad’a hi Ma didina d’a mi sat yam gong mam mba kud’orid’a.

Jeremi 51:44

An mba ni ngop Bel alo ma avo Babilon-na, an mba ni pat vama mi ligima woi avunamu, andjaf suma a mba i gevem mbuo d’a. Gulumun ma Babilon-na tamba mi to wa kä woyo.

Jeremi 51:53

Ladjï Babilon ti djak gak ti i akulo, ladjï ti min azì mat ma ad’eng ma ngunguna gak nga mi giget tuo pî, suma b’lak yina a mba durut yam vun man ma hed’a. An Ma didina ni de na.

Hor ma tchina 1:22

Ar asa’at mazid’a ti nde woi avorong pet, ar ang lazi d’igi ang lan an yam tcho manda pet na. Gola! An nga ni zam tan ngola, an nga ni fe ndaka kurun krovo.

Daniel 5:28

PERES ad’ut nala Wala: Leu manga a walat kä mbà á he abo tu mi suma Mede-na, abo tu mi suma Perse-na mi.

Daniel 5:9

Kayam ndata, amulâ Baltazar mi mbut mandarâ ngola, mi tchuk susub’ok, mam suma nglona djib’er mazid’a ti b’lak mi.

Daniel 8:2

Vama an wum ata yima vana nde tam mbei irana ba wana: Kid’a an nga ni gol vama nde tam mbei irana tua d’a, an gol wani, an navo Sus kur azì ma ngol ma kur andaga d’a Elam-mbina, ata yima an nga ni gol vama nde tam mbei irana tua na. Gol wani, an navun alum ma Ulai-na.

Daniel 8:20

Gamlâ ma ang wum ma adivim mbàna azi namulei suma Mede-na kamulei suma Perse-na.

Vama ndum mbeina 13:10

Wani sama a ngam yam dangeinina, mba mi i kur dangeina; sama a ngam á tchid’a ki mbigeu d’a fiyakina, a mba tchum ki mi. Wana ni ve tad’a hi suma hAlona suma a he gagazid’ina.

1 Samuel 24:13

Ma didina mba mi kei sariyad’a adigeya, mba mi sän atchugulun ki sed’engû. Wani anu, an mba ni tin abon atang ngi.