Isai 20:3 - Bible azumeina

³ Bugol bizad’a hindi, Ma didina mi dala: D’igi azong mana Isai mi tit bei baruna atam bei atuguruna asem biza d’a hindi na, wana ni vama taka ki vama atchapma yam suma Ezipte-na ki suma Etiyopi-na mi.

Isai 20:3 Kruisverwysings

Isai 19:4

Salad’a Ma didin ma ad’engêm kal petna mi de kua ala: An mba ni he Ezipte-na abo ma te yam ma asa’atna; amul ma hurum akud’a bibiliuna mba mi te kaziya.

Isai 37:9

Ata yi máma amul ma Asiri-na mi hum ala Tirhaka amul ma Etiyopi-na mi mba atam á durâ. Ata yima mi hum zla ndatina, mi tchuk sunda ata Ezekiyas

Isai 43:3

Kayam an Ma didina nAlo magina. An Ma tin tan irat vat kagi Israel-lîna ni magi ma suta. An he Ezipte á wurak kagiya, an he Etiyopi ki Seba á vrak blangâgi mi.

Isai 8:18

Gola! An ki gron suma Ma didina mi handjina, ami ni vama taka ki vama atchap ma mi tcholï ata Ma didin ma ad’engêm kal pet ma nga kaka yam ahina d’a Siyon-nda aduk Israel-lîna.

Jeremi 13:1

Ma didina mi dan ala: Ang i gus d’ik ma lalavatna, ang djinim furungû, wani ayô ang mbuzumu.

Ezekiyel 12:6

Ang yo ahlena keleng kä irazi na, ang nde kandjeged’a, ang zlup ahlena woi irangû, ang gol ambasa d’i. Kayam an min ala ang mbut ni vama taka yam Israel-lâ.

Ezekiyel 30:4

Ayî ma durâ mba mi mba yam Ezipte-na, a mba zlak abo mandarâ gak Etiyopi. Suma a mba tchi Ezipte-na, a mba hurumuzi ndjondjoî mazid’a, a mba b’lagazi ambas mazid’a woi mi.

Ezekiyel 30:6

Ma didina mi dala: Suma a ndjun Ezipte-na a mba puk kä, ad’eng mat ta ti subur tat kata mba d’i dap peyo. Tinï ad’ud’a Mikdol dei gak Asuwan a mba tchazi woi avun ayîna. An Salad’a Ma didina ni de na.

Ezekiyel 4:1

Ma didina mi dan kua ala: Ang gor sana, ang hle derengel ma lubuna, ang tinim kä avorongû, ang tin angus azì ma ngol ma Jerusalem-ma atamu.

Ezekiyel 4:3

Ang hle taza ma kaweina, ang tinim d’igi gulumuna na adigagi kazì ma ngol máma, ang i irang kam á durâ, ang nguyum kä. Wana ni vama taka yam Israel-lâ.

Sofoni 2:12

Ma didina mi dala: Agi suma Etiyopi-na, an mba ni tchagi woi avun ayîna.

Zakari 3:8

Ang ma ngol ma ngat buzuna Josue, ang ki ndrong suma nga kaka avorong wana, agi humugiya, agi sumala ni vama taka yam sut ta nga d’i mbad’a na. An nga ni mba kazong man ma a yum ala Agu ma hud’ura na.

Ndumba 14:34

Agi lagi burâ á d’u ambasa ni dok fid’i, agi mba zigi aneka hi tcho magid’a bizad’a dok fid’i mi; bur ma lara pî ni ngad’a yam bizad’a gagang. Hina wani, agi mba wagi ala ni ndaka á kak djangûna ki sed’enu.