Isai 20:2 - Bible azumeina

² Kur atchogoi ndata Ma didina mi de zlad’a avun Isai Amot goroma ala: Ang iya, ang i fok baru d’a dodor ra ang djinit furunga katuguru ma ang tchugum asengâ woyo. Isai mi le hina, mi tit bei baruna atamu, bei atuguruna asem mi.

Isai 20:2 Kruisverwysings

2 Samuel 15:30

David mi hle lovot ta yam ahina d’a Olif-fa, mi zlup barud’a kamu, nga mi tchiya, nga mi tit bei atuguruna asemu. Suma pet suma a nga ki sed’ema a zlup barud’a kaziya, a nga tchi mi.

2 Samuel 6:20

David mi hulong avo hatam á b’e vunam yam sum mama. Mikal Saul goromba, ti ndeï ti ngavamu, ti dum ala: Ni subur ra me ini kang ang amul ma Israel-lâ hina ba, ang nga lü avok yuguneina hazungeî mangâ barud’a fel lei atang d’igi sama hawana na ge!

2 Amuleina 1:8

Azi hulong dum ala: Sa máma ni ki baru d’a ngol la tumusa atamu, d’ik ma ba’â djinda furum mi. Amulâ mi dazi ala: Ni Elie ma Tisbe-na.

Sawal la giled’a 30:11

Ma didina, ang humunu, ang wan hohowonu; Ma didina, ang ndjununu!

Buzuk ka Abud’a 3:5

Alona mi dum ala: Ang hud’ï ka hî d’i, ang pat atuguruna woi asengû, kayam yima ang nga tchola kua wana nandaga d’a an tinit irat vata.

Isai 1:1

Mbaktum ndata nga d’i de zla sun nda teteng nga Alona mi ndat tei ir Isai Amot goroma yam leu d’a Juda-d’a kazì ma ngol ma Jerusalem-mid’a. Mi ndumuzi woi ni kur atchogoid’a hi Oziyas ki Jotam ki Ahas ki Ezekiyas amulei suma Juda-nid’a.

Isai 13:1

Wana ni zla d’a sun nda Ma didina mi ndat tei ir Isai Amot goroma yam Babilon-nda:

Isai 37:2

Ata yi máma na wat mi sun ma ngol ma yam azì ma amulina Eliyakim ki ma b’ir mbaktumba hamulîna Sepna ki suma nglo suma ngat buzu suma dedeina gen ma djok vun Alona Isai Amot goroma, a tchuk baru d’a dodora atazi mi.

Jeremi 48:37

Kayam nge nge pî, mi wel yam mbeyo, nge nge pî mi wel dudumam mbeyo, nge nge pî mi b’as tamu, a djin baru d’a ndjondjorod’a furuzi mi.

Ezekiyel 24:17

Ang oî ni kä kurung krovo, ang yor tang yam matna d’i, ang d’ut kadamul manga kangû, ang tchuk atuguru mangâ asengû, ar ang d’ut dudumang ngei d’i, ar ang tavu ma a yum yam matnina d’uo mi.

Ezekiyel 24:23

Agi mba d’ud’ugi kadamul magid’a kagiya, agi mba tchugugi atuguru magina asegiya, agi mba tchigi horâ d’i, agi mba tchigi d’i. Wani agi mba id’igi abo tcho magid’a, agi mba zamagi tagiya.

Ezekiyel 4:1

Ma didina mi dan kua ala: Ang gor sana, ang hle derengel ma lubuna, ang tinim kä avorongû, ang tin angus azì ma ngol ma Jerusalem-ma atamu.

Ezekiyel 4:5

An mba ni ndumung burâ ngad’a yam biza d’a azi le tchod’a kura, nala, 390. Ni hina ba, ang mba zi tchod’a hi Israel-lîd’a kangû.

Mise 1:11

Agi suma Safir-râ, agi igi magomba ki gandilad’a ki zulona, suma Sänan-na a nga so tazi á buzuk kei abu d’i. Tchi ma hohou ma nga avo Bet-Esel-lâ, mba mi aragi lovota á ngei tagi kua d’i!

Mise 1:8

Kayam ndata, an Mise mba ni tchiya, an mba ni ge horâ, an mba ni tit asen hawa bei atuguruna, an mba ni er ad’un akulo d’igi hâna na, an mba ni oî d’igi arigeta na mi.

Zakari 13:4

Kur bur máma suma djok vuna a mba le zulona á djok vuna woi yam ahle suma a nde tazi woi irazina, a mba tchuk baru d’a ngol la tumusa á mbut ir suma d’uo d’a.

Matiye 16:24

Ata yi máma, Jesus mi de mi mam suma hata ala: Le sana mi min á tit ad’unu ni, ar mi noî tamu, mi hlagu mam ma b’ala kamu, mi tit ad’unu.

Matiye 3:4

Jean baru mam mba tchuka ni tumus djambala, d’i’â nga djinda furum mi. Te mama nabureina kayuma.

Jean 21:7

Kayam ndata, ma hat ma Jesus mi le kam heîna, mi de mi Pierre ala: Ni Salad’a. Kid’a Simon Pierre mi hum ala ni Salad’a d’a, mi kleû baru mama atamu, kayam mam mi gandilad’a, mi ge tam kä á mbiyo.

Sunda hi suma a sunuzinid’a 19:16

Sama nga ki muzuk ma tcho máma, mi lak ataziya, mi kal kazi pet. A buzuk ringâ woi kur azì máma ki gandilad’a ki mbuleina ataziya.

Sunda hi suma a sunuzinid’a 21:11

Mi yo d’i’â hi Paul-lâ, mi djin asem kabomu. Mi dala: Muzuk ma bei tchod’a ba na mi de woi ala: Juif suma Jerusalem-ma a mba djin sala d’ik máma hina, a mba hum abo andjaf suma dingâ mi.

Josue 5:15

Ma ngol ma dur ayîna hi Ma didinina mi de mi Josue ala: Ang pat atuguru ma asengâ woyo, kayam yima ang nga tchola kua wana ni yima a tinim iram vama. Josue mi pat atuguruna woi mi.

Vama ndum mbeina 11:3

An mba ni sun man suma glangâsâ mbà, a mba tchuk baru d’a ndjondjorod’a ataziya, a mba djok vun Alona woi burâ dubu yam kikis mbà yam dok karagaya.

1 Samuel 19:24

Mi fok baru ma atama woyo, nga mi djok vun Alona avok Samuel, mi bur kä andaga gandila kur falei ndata gak andjege. Ni hina ba, a nga dala: Saul pî, mi nga aduk suma djok vun Alona mi zu?