Isai 20:1 - Bible azumeina

¹ Kur biza d’a ma ngolâ hi azigar suma Asiri-na mi mba mi nde azì ma Asdot ma yam ambas sa Filistê-d’ina yam vun ma hed’a hi Sargon amul ma Asiri-nina, mi hlumu.

Isai 20:1 Kruisverwysings

2 Amuleina 18:17

Wani kid’a amul ma Asiri-na mi nga Lakis-sa, mi geï ma ngolâ hi azigar mama ki ma kama zlapa ki ma avunama, zlapa ki azigarâ ablaud’a á i Jerusalem. Kid’a azi mba avun azinid’a, a mba tchol avun yima b’irlim ma mbina nga tchola kuana avun lovot ta i kur asine ma suma a mbus baruna kuana.

2 Sunda Hamuleinid’a 26:6

Mi nde abu á dur ayîna ki suma Filistê-na. Mi to gulumun ma Gat-na ki ma Japne-na ki ma Asdot-na kä woyo, mi min azì ma nglona kur ambas sa Asdot-ta, kur azì ma Filistê ma dingâ mi.

Isai 14:31

Ang vun agre’â, ang tchi tchi ma hohoud’a, ang azì ma ngolâ, ang tchi wulula. Agi suma Filistê-na zla tagi pet, agi mbud’ugi heheb’ek, kayam andosâ nga mi djï abo ma norâ, aduk mazi djangûna, sama d’es sei ata yam ma tcholina nga d’i.

Jeremi 25:20

An hum mangoyogei suma a nga kaka avo Ezipte-na, mamulei suma yam ambas sa Us-sa pet kamulei suma yam ambas sa Filistê-d’a pet, mi suma Askalon-na, mi suma Gaza-na, mi suma Ekron-na ki suma a ar kaka Asdot-na pet mi.

Amos 1:8

An mba ni tchi suma a nga kaka Asdot-na woi pet ki ma nga mi tamula Askalon-na woi mi. An mba ni hulong abon ni tum suma Ekron-na, suma Filistê suma a arâ a mba dap pei mi. An Salad’a Ma didina ni de na.

Josue 11:22

Sama Anak mi ar nga yam ambasa hi Israel-lîd’a d’i; a arî avo Gaza ki Gat ki Asdot hol.

1 Samuel 5:1

Filistê-na a hle zandu’â hAlonina, a hlumï yam ahina d’a Ebenezer-ra, a im avo Asdot,

1 Samuel 6:17

Wana nahle suma lor suma a hle tazi d’igi tugud’ei d’a a yat ala emorota na suma Filistê-na a hazi he d’a hawad’a mi Ma didina yam zla d’a vazid’ina: tu yam azì ma ngol ma Asdot-na, tu yam azì ma ngol ma Gaza-na, tu yam azì ma ngol ma Askalon-na, tu yam azì ma ngol ma Gat-na, tu yam azì ma ngol ma Ekron-na mi.