Isai 2:6 - Bible azumeina

⁶ Ma didina, ang ar mang suma hi Jakob-ma woyo, kayam azi nga tuwal fileina ngola d’igi suma abo ma yorogona na, a nga djop fileina d’igi suma Filistê-na na, kayam azi zlap darigïd’a kandjaf suma dingâ mi.

Isai 2:6 Kruisverwysings

2 Amuleina 1:2

Bur tu amulâ Ahaziya mi nga avo Samari kur gong mam mba yam ndrata akulod’a, mi tchoï ir fenetred’a, mi nde kä, mi dak ngola. Ata yi máma mi sun suma kur azì ma Ekron-na, mi dazi ala: Agi i djobogi Bäl-Zebup alo ma Ekron-na ala na ni kur dak ndata, an mba ni tchol akulo, d’oze ni tchol luo zu?

2 Amuleina 17:20

Kayam ndata, Ma didina mi noî andjaf Israel-lâ woi ki zla tazi pet, mi mbud’uzi zulona mi hazi abo suma á hurumuzi ahle mazina, gak mi digizi woi dei ki sed’emu.

1 Sunda Hamuleinid’a 10:13

Saul mi mit ni yam tcho mam mba mi lat avok Ma didinid’a, kayam mi ngom nga zlad’a hi Ma didinid’a d’i. Mi mit ni yam djop pa mi i djopa avun suma azuleinid’a mi.

2 Sunda Hamuleinid’a 15:2

Mi nde mi i fe Asa, mi dum ala: Amulâ Asa, agi ki suma Juda-na ki suma Benjamin-na pet, agi humugiya! Ata yima agi nga ki Ma didinina, mam nga ki sed’egiya. Le agi halamu ni, agi mba fumu. Le agi aram mbeyo ni, mam mba mi aragi woi mi.

2 Sunda Hamuleinid’a 24:20

Ata yi máma Muzu’â hAlonina mi mba yam Zakari ma ngat buzuna Jehojada goroma, mi tchol akulo avok suma, mi dazi ala: Alona mi dala: Ni kayam me ba, agi tchilagi yam vun ma hed’a hi an Ma didinina ge? Agi mba fagi djivid’a d’i. Kayam agi noyôn an Ma didina woyo, an mba ni noyôgi woi mi!

Nehemi 13:23

Kur biza ndata tata an we Juif suma dingâ a vik gro arop suma Asdot-na, suma Amon-na ki suma Mowap-ma.

Sawal la giled’a 106:35

wani azi zlap tu ki sed’eziya, a nga hat sun mazi d’a azi lata mi.

Buzuk ka Abud’a 22:18

Mbeî agi tchagi suma djop fileina woyo.

Buzuk ka Abud’a 34:16

Ar agi vigizi grozina mi grogina tala azi mbud’uzi ndjendjed’a á tuwal alo mazina d’oze á lobozi vunazi á mbud’uzi ndjendjed’a kalo mazina d’uo mi d’a.

Zla d’a d’ogolâ 6:1

Gorona, le ang hle vunang mi sama dingâ yam balâ hi ndrangîna, le ang he tang yam sama dingâ,

Isai 14:29

Agi Filistê-na pet, agi lagi furîd’a ala totogo d’a a togi ki d’a ti kus seyo d’i. Kayam ata har ra guguina mageid’a mba d’i vud’ï kua, andjavam mba mi vut ni dragon ma pira mi.

Isai 8:19

Suma hiuna a nga dala: Agi tchenegi suma a nga djop ki suma azuleinina ki suma a nga de zlad’a yam vama nga mi mbana suma a nga kud’us tazi d’oze a de zlad’a kä kuruzi krovona. A de kua ala: Suma a ndak á djop alo mazina d’oze á djop suma azuleina yam suma a nga ki irazina d’uo zu? Le a dagi hina ni,

Jeremi 10:2

Ma didina mi dala: Ar agi tid’igi bugol andjaf suma dingâ d’i, ar agi lagi mandarâ abo ahle suma simat suma a tcholï akulona d’igi andjaf suma dingâ a nga le mandarâ abozi hina d’i.

Jeremi 12:7

Ma didina mi dala: An noî gong man nda kud’ora woyo, an ar sum mana woyo, an he suma an le kazi heîna abo man suma djangûna mi.

Hor ma tchina 5:20

Ni kayam me ba, ang mar kami woi ki irang hina fafat ke? Ni kayam me ba, ang arami woi bizad’a ablaud’a hina ge?

Sunda hi suma hi Levi-nid’a 19:31

Ar agi mbud’ugi iragi ata suma a nga djop ki muzuk ma tchonina d’oze suma a nga djop yam ahle suma a mba le avina d’i. Ar agi halazi tala agi mbud’ugi tagi ndjendjed’a ki sed’eziya d’a d’i, kayam an ni Ma didina Alo magina.

Sunda hi suma hi Levi-nid’a 20:6

Le sana mi i avun suma a nga djop ki suma azuleinina d’oze suma a nga de zlad’a yam ahle suma a nga mbana á mbut tam ndjendjed’a ki sed’eziya ni, an mba ni mbut iran ata sa máma, an mba ni pad’am mbei aduk sum mama.

Mise 5:11

An mba ni dap magi suma kumana woyo, a mba fe sama mi djop ki tchitchiud’ina avo hatagi d’uo mi.

Mise 5:12

An mba ni to filei magina kahina magi d’a tcheta woyo, agi mba kud’urogi ahle suma agi minizi kabogina d’uo d’a.

Sofoni 1:8

Ma didina mi dala: Kur bur ma ngat buzu máma an mba ni ngop suma nglo suma avok sumina kamulâ groma ki suma pet suma a nga tit bugol alona hi suma dingîna.

Ndumba 23:7

Baläm mi de zla mam mba d’ogola, mi dala: Balak mi yanï woi Aram, amul ma Mowap-ma mi tchugunï asen kä woi yam ahina d’a abo ma yorogonid’a ala: Ang mbeï gan andjafâ hi Jakob-ma vuna! Ang mbeï zal hurung yam Israel-lâ!

Romê-na 11:20

Gagazi, Alona mi kazi woi ni kayam azi he nga gagazid’a d’i, wani ang nga kua ni yam he gagazi manga. Kayam ndata, ang gol tang djiviya, ang subur tang ngi, wani ang ka’î ki mandarâ.

1 Samuel 6:2

Azi djop mazi suma ngat buzuna ki suma djopa ala: Agi damiya, ami lami ni nana ki zandu’â hi Ma didinina ge? Agi damiya, ami lami ni nana á hulongôm yam ambas mamba ge?