Isai 2:5 - Bible azumeina

⁵ Agi suma hi Jakob-ma, agi mbeyegïya. Ei tid’i kur b’od’a hi Ma didinid’a.

Isai 2:5 Kruisverwysings

Sawal la giled’a 36:10

Kayam angî sidei arid’a, arid’a tcholï natangû; ni kayam b’o manga ba, ami nga wami b’od’a.

Sawal la giled’a 89:15

D’ingêra ki sariya d’a ka d’a irata nad’u ged’a hi leu mang nga ted’id’a, o mang nga didinda ki gagazid’a a nga tit avorongû.

Sawal la giled’a 89:16

Ma didina, suma a nga le furîd’ina ni suma a nga gilengâ, a nga tit kur b’od’a avorongû.

Isai 2:3

Andjaf suma ablaud’a a mba i kua, a mba dala: Agi mbeyegïya! Ei i djagei akulo yam ahinad’a hi Ma didinid’a, kur gong nga kud’ora hAlona hi Jakob-mid’a kayam mi had’ei gat mamba. Ar ei tid’i kur lovot mam mba mi tageizid’a. Kayam gata mba d’i tcholï ni Siyon, zlad’a hi Ma didinid’a mba d’i tcholï ni Jerusalem mi.

Isai 58:1

Agi eregi ad’ugi akulo, agi bagi d’i, agi eregi ad’ugi akulo d’igi sana mi bu adifa na, agi tagagi sum mana tchila mazid’a, agi tagazi tchod’a hi suma hi Jakob-mid’a mi.

Wana ni Zla d’a Djivi d’a Luc mi b’irita 1:79

á b’o yam suma a nga kaka kur nduvunda ad’u angus matnina, á tini asei kur lovot ta b’leng nga halasa mi.

Efes-sâ 5:8

Kayam adjeu agi ni kur nduvunda, wani ki tchetchemba, agi zlabagi tu ki Salad’a, agi ni kur b’od’a. Kayam ndata, agi tid’igi d’igi suma a nga kur b’od’ina na.

1 Jean 1:5

Wana ni zla d’a ami humumizi avun Jesus Christ sa ami nga dagizi woid’a mi: Nala, Alona ni b’od’a, nduvunda nga kurum mbi.

1 Jean 1:7

Wani le ei nga tid’i kur b’od’a d’igi mam tamba nga mi tit kur b’od’a na ni, ei lei darigïd’a aduk teya, buzuna hi Goroma Jesus-na nga mi mbuzi woi yed’et kur tcho meid’a pet mi.