Isai 2:11 - Bible azumeina

¹¹ Suma yam mba ad’enga a mba hulongôzi yazi kä, suma a subur tazina a mba grif kä mi. Ni Ma didina tu ba, a mba suburum kur bur máma.

Isai 2:11 Kruisverwysings

2 Samuel 22:28

Ang tanga nga sut suma a nga kur hohoud’ina, wani ang nga hulong suma a hle yazi akulona yazi kä.

Sawal la giled’a 18:27

Sama yed’etna, ang nga tagam yed’et manga, sama nga mi le sun nda ata yat tuo d’ina, ang nga simid’am sun nda ata yat tuo d’a mi.

Sawal la giled’a 18:28

Ang nga sut suma a nga kur hohoud’ina, wani ang nga hulong suma a hle yazi akulona yazi kä.

Sawal la giled’a 20:8

Suma dingâ a tin huruzi ni yam pus mazi ma dur ayîna, suma dingâ a tin huruzi ni yam akulumei mazina, wani ei tini huri ni yam Ma didina Alo meina.

Sawal la giled’a 46:10

Nga mi d’el vun ayîna gak avun dabid’a handagad’id’a, nga mi kus yeûd’a kasapa woyo, nga mi ngal pus ma dur ayîna woi mi.

Sawal la giled’a 46:11

Alona mi dala: Agi bagiya! Ar agi wagi ala an nAlona. An nga ni te yam suma, ni te yam andagad’a mi.

Sawal la giled’a 94:2

Ma ka sariyad’a yam andagad’ina, ang tchol akulo, ang he suma yam mba ad’enga wurak mazid’a yam sun nda azi lata.

Zla d’a d’ogolâ 16:5

Suma subur tazina pet ni vama ndjendjed’a ir Ma didina; gagazi, ei wei woi tetet ala mam mba mi ngoboziya.

Zla d’a d’ogolâ 30:13

Suma dingâ a nga, ni suma yam mba ad’enga, a nga gol suma ki irazi sod’a woi ngrazang.

Isai 10:12

Wani fata Salad’a mi ndak vun sun mamba pet yam ahina d’a Siyon-nda ki d’a Jerusalem-mbid’a, mba mi ngop amul ma Asiri-na yam hur mam ma ngolâ, yam yam mam mba ad’enga mi.

Isai 12:1

Kur bur máma ang mba dala: Ma didina, an nga ni gilengû, kayam hurung zal kanu, wani hurung vat tei kanu, ang b’lengên hurun mi.

Isai 12:4

Kur bur máma agi mba dagi ala: Agi gilegi Ma didina, agi dagi woi yam simiyêmu, agi tagam sun mam mba nglo d’a mam lata woi aduk andjaf suma. Ar agi wagi ala simiyêmî Ma kal papana.

Isai 13:11

Ma didina mi dala: An mba ni ngop suma yam andagad’ina yam asa’at mazid’a, an mba ni ngop suma asa’atna yam tchila mazid’a, an mba ni hulong suma yam mba ad’enga yazi kä, an mba ni hulong suma subur tazi suma te yam suma kad’engina yazi kä mi.

Isai 14:15

Wani a zud’ung wa kä ata yima azuleina ad’u zula ad’ut ta dabi d’a yiyika.

Isai 2:17

Suma yam mba ad’enga a mba hulongôzi yazi kä, suma a subur tazina a mba grif kä mi. Ni Ma didina tu ba, a mba suburum kur bur máma.

Isai 23:9

Ni Ma didin ma ad’engêm kal petna ba, mi nga hurum hina á hulong yam suma yam mba ad’eng suma a nga subur tazina kä, á hulong yam suma pet suma a nga hazi ngola ka hî yam andagad’ina yazi kä mi.

Isai 24:21

Kur bur máma Ma didina mba mi ngop ahle suma sä akulona, mba mi ngop amulei suma yam andagad’a ka hina mi.

Isai 25:9

Kur bur máma a mba dala: Alo meina ba wana, ni mam ba, ei tini huri kamu. Ni mam ba, mi sud’iya. Ni Ma didina ba, ei tini huri kamu. Ar ei lei hur ma hapma, ar ei lei furîd’a yam sut mamba mi!

Isai 26:1

Kur bur máma a mba hle sawal la wanda yam andaga d’a Juda-d’a, a mba dala: Ami nga kazì ma ad’eng ma ngunguna á ndjunumiya. Ma didina mi ge gulumuna kamu, mi hulong mi ge gulumuna kam kua.

Isai 28:5

Kur bur máma Ma didin ma ad’engêm kal petna mba mi mbut navaval la wiled’a ki djum mba subura yam mam suma a arâ.

Isai 29:18

Kur yi máma suma ngela a mba hum zla d’a kur mbaktumbid’a. Ata yi máma suma duka a buzuguzï woi kur nduvunda ata yima wura ma i’îli’â, a mba we yina.

Isai 30:18

Kayam ndata, Ma didina nga mi djup á vagi sumad’a, mba mi tchol akulo á wagi hohowogi mi, kayam Ma didina nAlo ma d’ingêrâ. Suma a tin huruzi kama pet a nga le furîd’a!

Isai 30:23

Ma didina mba mi sagi alona yam awu ma agi mba zaram kä na. Awu ma andagad’a mba d’i wulugizina mba mi mbut ni te ma djivi ma d’or sumina. Kur bur máma agi pologi d’uwar magina ata yima te hat ma vivid’i’â mi.

Isai 37:23

Ang ngulî nge? Ang kra’î nge? Ang er ad’ung akulo a lazî nge? Ang hle yang akulo ni yam nge? Ni an Alo ma tin tan irat vat yam Israel-lîna.

Isai 4:1

Kur bur máma aropma kid’iziya a mba ve mandjuf ma tuna, a mba dum ala: Ami halami te mamina ni yam tamiya, ami halami baru mamina ni yam tami mi, wani ar a yami ni ki simiyêng go. Hina wani, ang mba hlami zulo mamina woi kamiya.

Isai 40:23

Ni ma mi hulong suma nglona yazi kä, mi mbud’uzi ni va d’uo na, mi mbut suma ka sariya suma yam andagad’ina vama hawa ya’â mi.

Isai 52:6

Ni kayam ndata ba, sum mana a mba wan simiyênu. Kur bur máma a mba wala an ma nga ni de zlad’ina ni an ba wana.

Jeremi 12:9

Sumala ni mana na, a mbut ni d’igi alei ma te hliu ma ndala ki buzuna ma aluwei suma te hliuna a nguyuma na kan ndju? Agi i togogï amburei suma abageina pet, agi mbeyezï ata yima tena!

Jeremi 9:24

Le sana mi min subur tam ala mam mi ma ned’a ni, ar mi wanu, ar mi wala an ni Ma didin ma nga ni le djivid’a, nga ni ka sariya d’a d’ingêra, ni Ma d’engzeng ma yam andagad’ina mi. Wana ni sama an tan lan djivid’a heî kama. An Ma didina ni de na.

Ezekiyel 38:14

Kayam ndata, ang gor sana, ang djok vuna, ang de mi Gok ala: Salad’a Ma didina mi dala: Gagazi, kur atchogoi d’a man suma Israel-lâ a mba kak ki halasid’a, ang mba i atazi durâ.

Ezekiyel 38:19

Kur yungôr mana, kur ayî man ma aku ma bibiliuna, an nga ni dang ngei mbak ala: Kur bur máma andaga d’a Israel-la mba d’i yir gigidji.

Ezekiyel 39:11

Ata yi máma an mba ni he yina á ka zula mi Gok yam andaga d’a Israel-la kur hora hi suma titid’a, ti nabo ma yorogona hapo d’a Matna. Zul ndata mba d’i d’el lovota mi suma tita. Ni kua ba, a mba tos Gok kablau mamba pet. A mba yi hor ndata ala Hora hablaud’a hi Gok-ka.

Ezekiyel 39:22

Kur bur máma Israel-lâ a mba wala an ni Ma didina Alo mazina ki irazi fafat.

Daniel 4:34

Nebukanezar mi de kua ala: Bugol biza d’a kid’iziyad’a an hle iran akulo, djib’er manda ti mba. Ata yi máma an le Alo ma sä akulo ma kal teglesâ mersi, an gilemu, an subur mam ma bei matna ba ma nga mi te yamba gak didin ma nga mi te leud’a kur atchogoid’a katchogoid’ina.

Wana ni mbaktumba hi Oze-d’a 2:16

Kayam ndata, an mba ni lobot ni i ki sed’et abagei hur fulâ, an mba ni b’lengêt hurud’u.

Wana ni mbaktumba hi Oze-d’a 2:18

Ma didina mi de kua ala: Kur bur máma ndak mba d’i yan ala ndjuvunu, ndak mba d’i yan ala Bäl ma salana d’uo d’a.

Wana ni mbaktumba hi Oze-d’a 2:21

An mba ni arî ma d’umu’â ki iran fafat, an mba ni arî ma d’umuk ki gagazid’a ki d’ingêra ki sumad’a ki we hohoud’ina mi.

Joel 3:18

Kur bur máma süm guguzlud’a mba mi djangî kä yam ahuniyôna, ambira mba d’i djangî kä akulo yam yima ndingâ, toliyon nda Juda-d’a pet mba d’i lau mbina, mbina mba mi lawï kur gong nga kud’ora hi Ma didinid’a, mba mi rap yam hor ra Sitim-mba.

Amos 9:11

Ma didina mi dala: Kur bur máma an mba ni hulong min yima kaka hi David ma mi dris kä woina akulo, an mba ni min ir gulumun ma tcho woina akulo, an mba ni min yima b’lak keina akulo, an mba ni minim d’igi adjeud’a na.

Abdiyas 1:8

An Ma didina nga ni dagiya: Kur bur máma an mba ni dap suma ne suma yam ambas sa Edom-mbina woyo, an mba ni ar sama wad’ud’a yam ahina mamba tu d’i.

Mise 2:3

Kayam ndata, Ma didina mi dala: Gola! An nga ni nga hurun á mba ki ndaka yam agi andjaf ma hina na. Agi mba fud’ugi yagi woi d’i, agi mba tid’igi yagi akulo herengêleng nguo mi, kayam yi máma ni yima ndaka.

Mise 4:6

Ma didina mi dala: Kur bur máma an mba ni veï suma dileîd’a atanu, an mba ni togï suma a yozi magombina, ki suma an lazi tchod’a adjeuna mi.

Mise 5:10

An mba ni b’lagagi azì magi ma nglo ma kur ambas magid’ina woyo, an mba ni b’lagagi azì magi ma ad’eng ma ngunguna woi pet mi.

Sofoni 3:11

Kur bur máma zulona mba mi lagi yam sun nda pet ta agi lata ki sun nda tcho d’a agi lat avoronda d’uo d’a. Ata yi máma an mba ni walagi woi kahle suma a zud’ugi á subur tad’ina, agi mba suburugi tagi yam ahina man nda a tinit irat vata d’uo d’a.

Sofoni 3:16

Kur bur máma a mba de mi suma Jerusalem-ma ala: Ar agi lagi mandar ri, a mba de mi suma Siyon-na ala: Ar abogi mi ngrap pi.

Zakari 9:16

Kur bur máma Salad’a Alo mazina mba mi sud’uzi d’igi ma pola mi sut d’uwar mama na, azi mba wile yam ambas mamba d’igi ahina d’a guzut kal tegles sa ata kadamulid’a na.

Wana ni Zla d’a Djivi d’a Luc mi b’irita 18:14

Jesus mi dala: An nga ni dagiya, sa máma mi i avo hatam mi mbut sama d’ingêrâ kal Fariziyê máma. Kayam sama hle yam akulona, a mba hulongôm yam kä; sama mi ge yam kä na, a mba hlum yam akulo mi.

2 Korente-na 10:17

Kayam d’igi mbaktumba hAlonid’a ti de na ala: Sama min subur tama, ar mi subur tamî yam sun nda Ma didina mi lata.

2 Korente-na 10:5

kahlena pet suma a nga le yam mba ad’enga á kak djangûna ki wed’a hAlonid’ina, ami nga mbud’umi djib’er ra lara ge pet kä á ge yat kä ad’u Christ.

2 Tasaloni’â 1:10

Kur bur máma suma hAlonina a mba suburumu, suma he gagazid’ina pet a mba humu. Agi nga adigazi mi, kayam agi hagi gagazid’a yam glangâs ma ami lagizina.

1 Pierre 5:5

Hina mi, agi azungeîna, ar agi gagi yagi kä ad’u suma nglona. Agi pet lagi sunda aduk tagi ki lulumad’a, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.