Isai 2:10 - Bible azumeina

¹⁰ Ang kal kur zul ahuniyôna, ang tos tang aduk andaga d’a gugud’upa woi dei abo mandarâ hi Ma didinina, abo wiled’a hi ngol mambid’a mi.

Isai 2:10 Kruisverwysings

Wana ni mbaktumba hi Job-pa 31:23

Kayam ndaka ti tcholï nata Alona, an nga ni le mandarâ, an ndak nga va avok ngol mam mba kal teglesa d’i.

Wana ni mbaktumba hi Job-pa 40:13

Asogomî d’igi kawei ma murguli ma hleuna na, asok ma pepeyema mi ni d’igi kawei ma murguli ma wurana na mi.

Sawal la giled’a 145:12

Azi mba tak suma yam andagad’ina sun nda ad’eng nga ang lata, ki subur ra kal papa d’a ang nga te ki yambid’a mi.

Sawal la giled’a 90:11

Ni nge ba, mi wad’enga hi hur mang ma zalid’a ge? Sama mi ringîng mandarangâ, ni mam ba, mi wayî mang ma djulula.

Isai 10:3

Agi mba lagi ni nana kur bur ma ndaka mba d’i mba ki b’lak ka mba d’i tcholï ata yima deinid’a ge? Agi mba ringîgi ni gen nge á fagi ndjunda ge? Agi mba aragi ndjondjoî magid’a ni lara ge?

Isai 25:11

Kur zul ndata a mba mat abozi d’igi sama nusa mi mat abom á nusa na, wani Ma didina mba mi hulongôzi yam mazi d’a ad’enga kä ki sun nda azi nga lat kabozid’a.

Isai 42:22

Gola! Nandjaf suma a yozi ahligiyezi a hurumuzina. Azi pet ni suma a tchuguzi kä kur zulina, a nga ngeid’a kä kur gongîyo suma dangeina ata yima nduvunda. Azi mbut ni vama hurumba, wani sama prud’uzi woina nga d’i, a yozi ahligiyeziya, wani sama mi dala: A hulongôziziya na nga d’i.

Jeremi 10:10

Wani Ma didina nAlo ma gagazina, nAlo ma arina, namul ma didina. Le hurum zala ni, suma yam andagad’ina a nga zlak avoromu. Andjaf suma a ndak á ve tazi avok ayî mam ma bibiliuna d’uo mi.

Jeremi 10:7

Angî amulâ handjaf sumina. Ni nge ba, mi lang ang mandarang nguo ge? Ang ndaga sana mi lang mandarangû, kayam aduk suma ned’a handjaf sumina pet, kur leu mazid’a pet mi, sama mi hle tam d’igi ang na na nga d’i.

Jeremi 13:9

Mi dan ala: Ni hina ba, an mba ni b’lak yam mba ad’enga hi suma Juda-na ki yam mba ad’eng nga ngola hi suma a nga kaka Jerusalem-mid’a woyo.

Wana ni mbaktumba hi Oze-d’a 10:8

Yima nding ma teteng ma a tinim iram vam ma Bet-Aven ma Israel-lâ a le tchod’a kuana, a mba b’lagam mbeyo. Kekerezeuna kaweid’a a mba deî ata yi mazi ma ngal ahle suma ngat buzu ma tetengâ. A mba de mahuniyôna ala: Agi ngeyemiya, a mba de mi yima nding ma tetengâ ala: Ang dris kä kamiya.

Nahum 3:11

Ang azì ma ngol ma Ninif-fâ, ang mba gurut d’igi suma a gurut ki sümina na, ang mba ngeya, ang mba ngei tang abo mang suma djangûna mi.

Wana ni Zla d’a Djivi d’a Luc mi b’irita 12:5

Wani an nga ni dagi yam sama agi lum mandarama. Ar agi lagi ni mandara Alo ma le mi tchagiya wa ni, mi nga kad’enga á tchugugi aduk aku d’a Jahanama-d’ina. Gagazi, an nga ni dagiya, agi lagi ni mandara mamu.

Wana ni Zla d’a Djivi d’a Luc mi b’irita 23:30

Kur bur máma suma a mba de mahuniyôna ala: Agi tchugugï kä kamiya. A mba de mi yima ndingâ ala: Ang ngeyemiya!

2 Tasaloni’â 1:9

Alona mba mi ka sariya d’a didinda kaziya. Sum ndazina a mba tchol lei dei avok Ma didina abo subura had’eng mambid’a.