Isai 19:16 - Bible azumeina

¹⁶ Kur bur máma Ezipte-na a mba mbut ni d’igi aropma na, a mba zlaga, a mba le mandarâ ata yima a mba gol Ma didin ma ad’engêm kal petna mi hlabom kam akulo á ngobozina.

Isai 19:16 Kruisverwysings

Sawal la giled’a 48:6

Ata yima azi goloma, azi le atchap, a le mandarâ, a ringâ.

Buzuk ka Abud’a 11:6

Ezipte-na a mba tchi tchi ma ngol ma a tchim nga yazi tu d’uo na, a mba tchi tchi ma ngol ma hina na bugol luo mi.

Isai 10:32

Ini, ini a tchol kä Nop, abozi mi nga zid’a kazi akulo á ngop ahina d’a Siyon-nda, nala, yima nding ma Jerusalem-ma.

Isai 11:15

Ma didina mba mi so vun alum ma ngol ma Ezipte-na woyo, mba mi tin abom yam alum ma Efrat-na, mba mi fom kad’engêmu, mba mi wad’am á walam ad’u kid’iziya. Hina, suma a mba tit hurum kä katuguru mazina aseziya.

Isai 13:2

Ma didina mi dala: Agi hlagi drapo d’a taka akulo yam ahina d’a va nga kat tuo d’a, agi eregi ad’ugi akulo kad’u, agi lagi abogi ala ar a kal avun agre’â hi suma nglonina!

Isai 30:17

Ata ngopa hi sama tunid’a, suma dubu a mba ringâ, ata ngopa hi suma vahlîd’a, agi mba ringîgi gak agi mba aragi ni d’igi agu ma fiyak ma ar tchola akulo yam ahinad’a vam tuna na, d’igi vama tak ma yam yima ndingîna na mi.

Jeremi 50:37

Ar a dur akulumei mazina ki pus mazi ma dur ayîna, ar a dur suma pet suma a yozï ad’u andjafâ teteng suma a nga kurutna, ar a mbut aropma. Ar a dur mazi suma ndjondjoîna, a hurumuziya.

Jeremi 51:30

Suma dur suma Babilon-na a ar bei dur ayîna, a ar kaka kur azì ma ad’eng ma ngunguna. Mazi suma gangrangâ a mbut amangeîd’a, a mbut ni d’igi aropma na. Suma djangûna a nga dozi aziyazi akud’a, a kus kawei mam ma murgulina woi mi.

Abdiyas 1:9

Agi suma Teman-na, mandarâ mba mi ve grang magi suma durâ, azigar suma kur ambasina pet, a mba tchazi woi mi.

Nahum 3:13

Azigar mangâ a mbut ni d’igi aropma na kurungû. Vun agre’â hambas mangina mi mal lei hotot mi mang suma djangûna, akud’a ti ngal wa kawei ma murguli ma avun agrek mangîna woyo.

Zakari 10:11

A mba djak alum ma ndaka, a mba wat abilâ halum ma ngolîna, galilei ma yiyi’â halum ma Nil-lîna pet mba mi so woyo. Subur tad’a hi Asiri-nid’a mba d’i hulong kä, ad’enga hi suma Ezipte-nid’a mba d’i dap peyo.

Zakari 2:13

Ar nge nge pî mi kak ki vunam ma du’â avok Ma didina, kayam nga mi nde woi ata yam ma kak ma a tinim iram vama.

Zakari 2:9

An mba ni hlabon akulo á ngop andjaf máma. Azi mba mbut vama hurumba handjaf suma a nga lazi sundina. Kur bur máma agi mba wagi ala ni Ma didin ma ad’engêm kal petna ba, mi sununïya.

1 Korente-na 2:3

Kayam ndata, an kak adigagi d’igi sama amangeîna na ki mandarâ ki zlak ka ngola mi.

2 Korente-na 5:11

Kayam ami suma nga lami mandara Salad’ina, ami nga halami suma ala a mbut huruziya. Wani Alona wami tetet; an wala agi wami kurugi woi tetet mi.

Hebre-na 10:31

Ni vama mandar ma ngolâ á ndabo Alo ma arina.