Isai 19:12 - Bible azumeina

¹² Faron, mang suma ne ndazina a nga ni lara ge? Ar azi had’ang ka tchetchem, ar a tagang vama Ma didina mi nga hurum kam á lum ki Ezipte-nina.

Isai 19:12 Kruisverwysings

Isai 14:24

Ma didin ma ad’engêm kal petna mi gun tam ala: Gagazi, vama an djib’erem kuruna mba mi le hina, vama an nga hurun kama mba mi le hina mi.

Isai 44:7

Ni nge ba, d’igi an na ge? Ar mi de, ar mi van ad’ud’a, dedeid’a an tchuk sumid’a: ar mi de woi yam ahle ndazina, yam ahle suma a nga mbana mi.

Isai 5:21

Ni zla d’a hohoud’a yam suma a nga yi tazi ala azi ni suma ned’a, a nga gol tazi ala azi ni suma wad’ud’a na mi!

Jeremi 2:28

An mba ni hulongôgi humba fata ndaka mba kagid’a ala: Alo magi ma agi minima, mi nga ni lara ge? Le mi ndaga ni, ar mi tchol akulo mi sud’ugiya, kayam agi suma Juda-na, agi nga kalona ngad’a yam azì magi ma nglona gagang.

Abdiyas 1:8

An Ma didina nga ni dagiya: Kur bur máma an mba ni dap suma ne suma yam ambas sa Edom-mbina woyo, an mba ni ar sama wad’ud’a yam ahina mamba tu d’i.

Romê-na 9:17

Kur mbaktum mamba, Alona mi de mamul ma Ezipte-na ala: An tining amula ná tak ad’eng manda woi atangû, kayam simiyên mi wet tei yam andagad’a pet.

1 Korente-na 1:20

Ki tchetchemba, sama ned’a mi nga ni lara ge? Sama hat suma mi nga ni lara ge? Sama tchi tuguyo ma kur atchogoi d’a wandina mi nga ni lara ge? Alona mi tagei nga ala ned’a hi duniya d’a wanda ni lilid’a d’uo zu?

Suma ka sariyad’a 9:38

Zebul mi hulong dum ala: Zla d’a ang dat fatid’a, ti nga ni lara ge? Ang dami ala: Abimelek ni nge ko ba, ei lum sunda ge d’uo zu? Ni suma ang golozi isâ d’uo zu? Ki tchetchemba, ang i atam durâ da’!