Isai 17:12 - Bible azumeina

¹² Alë! Suma ablau suma mimiyâ’â delezi nga d’i ngir kä d’igi mbiyo alum ma ngolâ delem nga d’i ngir kä na, andjaf suma vunazi nga mi tchi wü d’igi abilâ halum ma ngolîna vunam nga mi tchi wü na.

Isai 17:12 Kruisverwysings

Sawal la giled’a 18:4

An nga ni gile Ma didina, kayam me ata yima an yuma mi sud’un ndei abo man suma djangûna.

Sawal la giled’a 29:3

Dela hi Ma didinid’a nga d’i zlakulo yam mbina ngungur, Alo ma subura nga mi breî alo ma breîd’a, Ma didina nga mi te yam mbiyo ma nglona.

Sawal la giled’a 83:2

Alo mana, ang kak hina mudjuk ki, Alo mana, ang kak bei de zlad’a d’i, ang kak hawa tchugot tuo mi.

Isai 13:4

Agi humugi siwel la yam ahuniyôna ndata, ni d’igi ablau suma a to’â na. Agi humugi sora handjaf suma a tcholï kur leud’a teteng a tok ndazina. Ma didin ma ad’engêm kal petna nga mi kal á gol b’rang nga nga d’i i á dur ayînid’a.

Isai 28:17

An mba ni hle gagazid’a d’igi regle ma nga ahlena na, an mba ni hle d’ingêra d’igi nivo ma gol gongîyona na mi. Mogoina mba mi pleyêgi yima ka zla ma agi ngeyegi tagi kuana woyo, mbina mba mi hle yi magi ma aboi ma agi kagagi kuana woi mi.

Isai 54:17

Ahle suma sïna pet suma a zlazi kak á durîna a mba lak va tu d’i; suma pet suma a mba tchol á kak sariyad’a ka’â, ndak mba d’i kus kaziya. Ma didina mi dala: Wana ni djo ma an Ma didina mba ni hum mi azungeî manina, wana ni d’ingêr ra an mba ni hazizid’a mi.

Isai 8:9

Agi andjaf suma, agi eregi ad’ugi akulo, wani agi mba mbud’ugi mandarâ. Agi suma sä yam andagad’a dedeid’ina, agi tinigi humagiya, agi humugiya, agi minigi tagi á dur ayîna, wani agi mba mbud’ugi mandarâ.

Isai 9:5

Kayam mba d’i vud’i gorâ, Alona mba mi hei gorâ. Mba mi tinim á te yamba, mba mi yum ala Ma suma a le atchap kama, Ma de d’alâ, Alo ma ad’engêm kal petna, Abu d’a didinda, Amulâ hi halasina.

Jeremi 6:23

A nga ki yeûd’a kasapa aboziya, Azi ni suma murud’umba suma bei we hohowa suma delezi nga d’i ngir kä d’igi alum ma ngolâ vunam mi tchi wü na na. A nga yam akulumei mazina akulo, a ndjar á dur ayîna d’igi sama tuna na á duruk ndak Siyon.

Ezekiyel 43:2

Ata yi máma an we subura hAlona hi Israel-lîd’a ti tcholï abo ma yorogona. Ti nga d’i siwel d’igi mbiyo alum ma ngolâ vunam nga mi tchi wü na, wile mata nga d’i b’o yam andagad’a mi.

Daniel 7:2

Daniel mi dala: Kur andjeged’a vana nde tam mbei iranu. An gola, an we simet ma ata abo ma fid’inina nga mi sir yam alum ma ngolâ kad’enga.

Mise 4:11

Ki tchetchemba, andjaf suma ablaud’a a tok wa kagi á durâ, a nga dala: Ar azì mazi ma ngolâ mi b’lak keyo, ei golei b’laka hi Jerusalem-mba.

Ndumba 10:35

Ata yima zandu’â mi tchol á id’ina, Moise mi dala: Ma didina, ang tchol akulo! Ar mang suma djangûna a ndjoî woyo, ar suma a noyôngâ a ring ngei avorong mi!

Wana ni Zla d’a Djivi d’a Luc mi b’irita 21:25

Jesus mi had’azi kua ala: Suma a mba wahle suma simata nata afata azi ki tilâ ki tchitchiud’a. Yam andagad’a ka hî, andjaf suma a mba fe ndaka, a mba tcha tata abo siwela halum ma ngolîd’a, abo abil ma ngolâ mi.

Vama ndum mbeina 17:1

Bugola, ma dingâ tu aduk malaika suma kid’iziya suma a nga ki angulei suma kid’iziyana abozina, mi dan ala: Ang mbeya; an mba ni tagang sariya d’a a mba kat yam atcha d’a gaulang nga ngol la aziyat mi nga minda avun alum ma tetenga.

Vama ndum mbeina 17:15

Malaikana mi dan kua ala: Mbiyo ma ang wum ma atcha d’a gaulangâ ti nga kaka kuana, ni suma, nablaud’a, nandjaf suma, ni vun ma de ma tetengâ mi.