Isai 17:1 - Bible azumeina

¹ Wana ni zla d’a Ma didina mi dat yam Damas-sa, mi dala: Gola! Damas a mba ndumut aduk azina d’i, wani mba d’i arî djimngil ma b’laka.

Isai 17:1 Kruisverwysings

Ad’u Tinda 14:15

Abram mi wal ir sum mama teteng á dur ayîna ki sed’ezi andjege. Azi kal kaziya, a digizi gak a tchuguzi kur azì ma Hoba ma nga abo na norâ hi Damas-sîna.

Ad’u Tinda 15:2

Abram mi hulong dum ala: Salad’a Ma didina, djivid’a an mba ni fat kur ahle suma ang mba handjina ni me ge? Goron nga d’i; sama mba mi tan djona nazong mana Eliyezer ma Damas-sâ.

1 Amuleina 11:24

Kid’a David mi tchi azigarâ hi salama Hadadezer-râ woid’a, Rezon mi tok suma adesâ ad’umu, mi mbut ma ngol mazina, a i Damas, a kak sä kua. Mi mbut amulâ avo Damas.

2 Amuleina 16:9

Amul ma Asiri-na mi hum zla mamba, mi i dur ayîna kambas sa Damas-sa, mi hlad’u, mi yo suma kurâ, mi izi magomba Kir, mi tchi Resin ndeyo.

1 Sunda Hamuleinid’a 18:5

Kid’a suma Siri suma Damas-sâ a mba á ndjun Hadadezer amul ma Soba-nid’a, David mi tchi sum mazina 22.000.

2 Sunda Hamuleinid’a 28:23

Mi hahle suma ngat buzuna malona hi suma Damas ma nga mi durum ayînina, mi dala: Nalona hamulei suma Siri-na ba, nga mi ndjunuziya, an i ni hum he d’a hawad’a ngat buzuna, kayam mi ndjununu. Hina wani, mi mba ki b’laka kam ki Israel-lâ pet mi.

2 Sunda Hamuleinid’a 28:5

Kayam ndata, Ma didina Alo mama mi hum abo amul ma Siri-na. Suma Siri-na a kus kamu, a yo sum mama ablaud’a, a i ki sed’ezi Damas. Mi hum abo amul ma Israel-lâ mi, mi kus kam kus sa ngola.

Isai 10:9

Azì ma Kalno-na mi ni d’igi azì ma Karkemis-sâ na d’uo zu? Azì ma Hamat-na mi ni d’igi azì ma Arpat-na na mi d’uo zu? Azì ma Samari-na mi ni d’igi azì ma Damas-sâ na mi d’uo zu?

Isai 13:1

Wana ni zla d’a sun nda Ma didina mi ndat tei ir Isai Amot goroma yam Babilon-nda:

Isai 15:1

Wana ni zla d’a a dat yam suma Mowap-mid’a: Gagazi, kur andjege d’a tud’a a b’lak azì ma Ar ma Mowap-ma woyo, mi mbut vama hawana; gagazi, kur andjege d’a tud’a a b’lak azì ma ngol ma Kir ma Mowap-ma woyo, mi mbut vama hawana mi.

Isai 19:1

Wana ni zla d’a a dat yam Ezipte-nid’a: Gola! Ma didina mi djak akulo yam d’ugul la djang heîd’a, nga mi djï avo Ezipte. Alona hi Ezipte-na pet nga mi zlak avoromu, Ezipte-na huruzi mi ka mbina mi.

Isai 25:2

Kayam ang mbut azì ma ngolâ d’igi mola hahinad’id’a na, azì ma ngol ma ad’engâ, ang b’lagam mbeyo, azì ma ad’eng ma ngunguna handjaf suma dingîna, ang b’lagam mbei mi. Sama mba mi hulong mi minim akulona nga d’uo d’a.

Isai 37:26

Ang Sanakerip, ang we djiviya! Ni an Ma didina ba, ni min ahle ndazina dedei. An nga hurun á lahle ndazina navok dedei. Ki tchetchemba, an nga ni lazi wana. Ni an ba ni hang lovota á to azì ma nglo ma ad’eng ma ngunguna kä woyo.

Isai 7:16

Avok ka gor máma bei mi djeng mi noî tchod’a mi man djivid’id’a, leud’a hamulei suma mbà suma ang nga lazi mandarazi wana, mba d’i ar djona.

Isai 7:8

kayam Damas nazì ma ngol ma Siri-na, Resin mi te ni kat ndat hol, Samari nazì ma ngol ma Efraim-ma, Peka mi te ni kat ndat hol mi. Ar bizad’a dok karagaya yam vahl, a mba b’lak suma Efraim-ma woyo, a mba ndumuzi andjafâ bugol luo d’a. Le agi tinigi hurugi yam Ma didina d’uo ni, agi ndak á tchologi avorozi d’i.

Isai 8:4

Avok ka gor máma bei mi we á yabum ala Iba d’oze yasum ala Yogo d’a, a mba hurum ndjondjoî d’a Damas-sa kahle suma a yozi avun ayîna avo Samari-na, a mba i ki sed’ezi avok amul ma Asiri-na.

Jeremi 49:2

Ni kayam ndata ba, an mba ni mba ki siwela hayî ma durîd’a kur azì ma Raba ma hi suma Amon-nina. Mba mi arî djona, azì ma gurei ma nguyuma a mba ngalam mbei kakud’a mi. Ata yi máma Israel-lâ a mba hle va mazi ma azi tum djona adjeuna. An Ma didina ni de na.

Mise 1:6

Ma didina mi dala: Kayam ndata, an mba ni mbut azì ma ngol ma Samari-na d’igi mola hahina d’a kur asinenid’a na, an mba ni mbud’umî yima pe guguzlud’a, an mba ni durum ahina mamba woi kur hora, an mba ni aram ad’um mba ged’a woi abu mi.

Mise 3:12

Ni kayam agi ba, a mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Zakari 9:1

Wana ni zla d’a Ma didina mi ngop ki suma kur ambas sa Hadrak-kina, ti mba yam suma Damas-sâ mi. Kayam Ma didina iram nga tinda yam suma pet d’igi iram nga tinda yam Israel-lâ pet na mi.

Sunda hi suma a sunuzinid’a 9:2

mi djobom ala mi hum mbaktumba yam gongîyo suma toka hi Juif suma Damas-sâ, kayam le mi fe suma ding suma a nga tit kur lovota hi Salad’id’a, le ni andjofâ d’oze aropma ni, mi yozï mi mbazi Jerusalem ki djinda.

Gat ta a hat á mbàd’id’a 13:16

Agi togogi ahle suma agi yogizina hurazina d’ad’ar, agi ngalagi azì máma kahle suma agi yozina pepet woi kakud’a avok Ma didina Alo magina. Azì máma mba mi arî azì ma b’laka ki iram fafat; ar sa mi minim akulo d’uo d’a.