Isai 16:7 - Bible azumeina

⁷ Suma Mowap-ma a nga tchi yam taziya, nge nge pî nga mi tchi tchi ma hohoud’a, a nga tchi yam fangasuna hades guguzlu ma a lum avo Kir-Hares-sâ, a nga tchi ki hur ma hata ngola.

Isai 16:7 Kruisverwysings

2 Amuleina 3:25

Azi b’lak azì ma nglona kä woyo, a dur ahuniyôna kur asine ma azi nga zumuma gak ahinad’a oî woi hur asinena, a tos ir mbiyo ma laud’a woi pet, a ka agu ma vuta woi pet mi. Wani azì ma Kir-Hares-sâ mi arî mam hol, wani azigar suma dur ahinad’a a mba nguyum a durumu.

1 Sunda Hamuleinid’a 12:40

Ndrozi sumazi suma hi Isakar-râ ki suma hi Zabulon-na ki suma hi Neftali-na, a mba kahle suma tena ki korona ki djambala ki koro ma akulumei akulumeina kamuzleina mi. A mba kafuta, ades tulum ma sod’a, ades guguzlu d’a sod’a, mbulâ, amuzleina kaho’â ablaud’a, kayam Israel-lâ a nga ki furîd’a ngola heî.

1 Sunda Hamuleinid’a 16:3

Mi b’rau tena mablaud’a hi Israel-lîd’a pet, andjofâ karopma, nge nge pî mi hum avungô ma gureina ki hliu ma sora kades guguzlu d’a sod’a mi.

Isai 16:11

Kayam ndata, an nga ni hle sawala ki delen akulo ki hur ma hata yam suma Mowap-ma d’igi tchina hadingîna na, an nga ni tchi yam suma Kir-Hares-sâ mi.

Isai 8:19

Suma hiuna a nga dala: Agi tchenegi suma a nga djop ki suma azuleinina ki suma a nga de zlad’a yam vama nga mi mbana suma a nga kud’us tazi d’oze a de zlad’a kä kuruzi krovona. A de kua ala: Suma a ndak á djop alo mazina d’oze á djop suma azuleina yam suma a nga ki irazina d’uo zu? Le a dagi hina ni,

Jeremi 48:20

A mba hulong dala: Azì ma Mowap-ma mi mbut wa zulona, kayam a b’lagam wa woyo. Agi tchagi wulula, agi tchigiya, agi dum zlam mbei avun alum ma Arnon-na ala: Azì ma Mowap-ma mi b’lak wa woyo.

Jeremi 48:31

Ni kayam ndata ba, an nga ni tchi yam azì ma Mowap-ma, an nga ni tchi yam azì ma Mowap-ma ki zla tam pet, an nga ni tchi yam suma Kir-Heres-sâ.