Isai 16:12 - Bible azumeina

¹² Suma Mowap-ma a nga kau tazi á djak akulo ata yima nding ma a tinim iram vama á i kur gong mazi d’a fileina á tchen alo mazina, wani bei fe va ba.

Isai 16:12 Kruisverwysings

1 Amuleina 11:7

Kur atchogoi ndata Salomon mi min yina tu, mi tinim iram vam yam ahinad’a abo ma ir Jerusalem-ma. Mi min yima ngal ahle suma ngat buzuna mi Kemos alo ma ndjendjed’a hi suma Mowap-mina yam yima nding máma, mi min yam Molok alo ma ndjendjed’a hi suma Amon-nina tu mi.

1 Amuleina 18:29

Kid’a afata leng da d’a, azi nga yi Bäl akulo kua, azi tchi ki hur ma hata gak fladege d’a azi hahle suma ngat buzuna kuad’a, wani sa hulongôzi nga zlad’a de tu d’oze vama simat tu d’uo.

2 Amuleina 19:12

Kid’a abuyon suma avorona a b’lak Gozan ki Haran ki Resef ki Telasar azì ma ngolâ hi suma Eden-na, alona handjaf sum ndazina mi sud’uzi woi zu?

2 Amuleina 3:27

Ata yi máma amul ma Mowap-ma mi ve gorom ma ngol ma mba mi vrak tamula blangâma, mi hum vama ngat buzu ma ngala yam gulumuna hazinina. Kayam ndata, Israel-lâ huruzi zal ngola. Kayam ndata, a tchol a hulong avo hataziya.

Zla d’a d’ogolâ 1:28

Ata yi máma agi mba yanu, wani an mba mi humugi d’i; agi mba halanu, wani agi mba fan nduo mi.

Isai 15:2

Suma Dibon-na a djak akulo kur gong nga fileina yam yima ndingâ á tchina, suma Mowap-ma a nga tchi yam Nebo ki Medeba, a wel yazi woyo, a tchau dudumazi woi pet mi.

Isai 16:13

Wana ni zla d’a Ma didina mi dat yam suma Mowap-ma avok deid’a.

Isai 26:16

Ma didina, ata yima ami nga kur ndakina, ami halangû, ata yima ang ngobomina, ami tcheneng ala ang ndjunumiya.

Isai 37:38

Bur tu mi i kur gong nga kud’ora halo mama Nisrok-ka á tchenda. Groma mbà, ma dingâ a yum ala Adramelek, ma dingâ a yum ala Sareser, a tchum ki mbigeu d’a fiyaka, a ring kur andaga d’a Ararat-ta. Gorom ma dingâ a yum ala Esar-Hadon mi vrak tamula blangâmu.

Isai 47:13

Ndak kau tak ngola á djop suma a nga wahle suma akulo suma a nga we tchitchiud’a suma a nga de woi yam til ma mi deî awilinina. Ar azi tchol akulo á sud’uk kei kur ahle suma a mba ka’â.

Jeremi 10:5

Alo ma hina na mi ni d’igi agu ma sana mi pum aduk asinena á dik aluweinina na, nga mi de zla d’uo mi. Sana mi hlumî hle, kayam nga mi tit kayam tam mbi. Ar agi lagizi mandaram mbi, kayam mi we nga á le vama tcho mi sa d’uo mi na, mi ndak á le vama djivi mi sa d’uo mi.

Jeremi 48:13

Suma Mowap-ma a mba mbut zulona yam alo mazina Kemos d’igi Israel-lâ a mbut zulona yam alo ma Betel ma azi tin huruzi kama na.

Jeremi 48:35

Ma didina mi dala: An nga ni dap suma Mowap suma a nga i ata yima ndingâ á ngal dubang ma his djivid’ina malo mazinina woyo.

Jeremi 48:46

Ni zla d’a hohoud’a yam ang azì ma Mowap-ma! Suma hi Kemos-sâ a dap wa woyo, kayam grong suma andjafâ ki grong suma aropma, a yoziya wa magomba.

Jeremi 48:7

Agi suma Mowap-ma, kayam agi tinigi hurugi yam sun magid’a, yam ndjondjoî magid’a mi, a mba yogi agi tagid’a! Alo magina Kemos, a mba im magomba zlapa ki mam suma ngat buzuna ki mam suma nglona mi.

Ndumba 21:28

Kayam akud’a ti ndeï Hesbon, sinat nga d’i trâ azì ma ngolâ hi Sihon-na, ti ngal azì ma Ar-Mowap-ma woi ki suliyom suma yam yima nding ma halum ma Arnon-na woi mi.

Ndumba 22:39

Baläm mi i ki Balak, a mbaza Kiriyat-Husot.

Ndumba 22:41

Tcha yorogod’a Balak mi ve Baläm, mi djak ki sed’em akulo ata yima a yum ala Bamot-Bäl-lâ. Nata yima a we Israel-lâ brutna.

Ndumba 23:14

Mi i ki sed’em abagei hur ful ma Sofim-ma yam ahina d’a Pisga-d’a yat ta ked’iwurenga, mi min yima ngal ahle suma ngat buzuna kid’iziya, mi hamuhlâ tu ki gamlâna tu yam yima ngal ahle suma ngat buzu ma lara ge gagang.

Ndumba 23:28

Balak mi i ki Baläm akulo yam ahina d’a Peyor-ra yat ta ked’iwurenga ata yima gol sä hur fulâ woina.

Ndumba 24:17

An wumu, wani nga ni tchetchem mbi, an golomu, wani mi nga go d’i. Tchitchiud’a ti ndeï ad’u andjafâ hi Jakob-ma, totogo d’a tamula ti ndeï aduk Israel-lâ, ti to suma Mowap-ma fefed’eziya, ti to suma hi Set-na pet mi.