Isai 15:7 - Bible azumeina

⁷ Kayam ndata, a yo ahle mazina ad’uzi d’a ara, a i kahle suma a ngomozina sä abo toliyon nda Da’ara woi hî.

Isai 15:7 Kruisverwysings

Isai 10:14

An yo ndjondjoîd’a hi sumid’a d’igi sana mi yo asena kur azì aleina na, an yo andagad’a pet bei sa mi yo djedjerem akulo atan ba, bei sa mi ngo vunam á dan zla ba, d’igi sana mi yo ase alei ma a aram mbeina na mi.

Isai 10:6

An sunuzi ata andjaf ma le sun nda ndjendjed’ina, an hazi lovota á kak djangûna ki suma a nga zalan huruna á hurumuzi ahligiyeziya, á yozi ahligiyezi kad’enga, á mired’ezi kä d’igi suma a miret lubuna kä kasezi na mi.

Isai 15:8

Wulul mazid’a ti nde sä woi ir haga d’a Mowap-pa pepet, tchi mazi ma hohoud’a mi i gak mi nde sä woi Eglayim, tchi mazi máma mi nde sä woi Ber-Elim mi.

Isai 30:6

Gola! D’uwarâ nga mi i kahlena huyogom sirad’a kur lovot ta i abo ma sutnid’a. A nga tit kur yima hohoud’a ki yima ndaka. Ni yima azlod’a kazlona ki mageid’a ki dragon ma pira nga kua na. A nga zi ahle suma ndjondjoîna ki korona ki djambala mi suma a ndak á le vama djivi mi suma d’uo na,

Isai 5:29

A tchi ni d’igi azlod’a na, a oî ni d’igi azlo ma azungeîna na, a nga to beîd’a a nga vik ahlena, a nga i ki sed’eziya, wani sama mi mba á prud’uzi abozina nga d’i.

Jeremi 48:36

Ni kayam ndata ba, an nga ni tchi kurun krovo yam suma Mowap-ma d’igi taulâd’a ti tchi na, an nga mi tchi kurun krovo yam suma Kir-Heres-sâ d’igi taulâd’a ti tchi na mi, kayam ndjondjoî d’a azi togota, ti b’lak wa woyo.

Sunda hi suma hi Levi-nid’a 23:40

Kur bur ma avok máma agi yogi vud’agu ma djivina kabo amulongeîna kabo agu ma d’ufa kabo da’ara mi. Agi lagi furîd’a avogon an Ma didina gak burâ kid’iziya.