Isai 15:2 - Bible azumeina

² Suma Dibon-na a djak akulo kur gong nga fileina yam yima ndingâ á tchina, suma Mowap-ma a nga tchi yam Nebo ki Medeba, a wel yazi woyo, a tchau dudumazi woi pet mi.

Isai 15:2 Kruisverwysings

2 Samuel 10:4

Ata yi máma Hanun mi yo azungeîna hi David-na, mi welezi dudumazi woi abo tutu, mi ngad’azi baru mazina woi avun ad’uzi djudjum. Bugola, mi yagazi akulo.

1 Sunda Hamuleinid’a 19:4

Ata yi máma Hanun mi yo azungeîna hi David-na, mi welezi dudumazi woi abo tutu, mi ngad’azi baru mazina woi ad’uzi djudjum mi. Bugola, mi yagazi akulo.

Wana ni mbaktumba hi Job-pa 1:20

Ata yi máma Job mi tchol akulo, mi haû baru mam mba ngola woi atamu, mi kar yam mbei karb’ahl, mi ge tam kä andaga mi grif kä,

Isai 14:31

Ang vun agre’â, ang tchi tchi ma hohoud’a, ang azì ma ngolâ, ang tchi wulula. Agi suma Filistê-na zla tagi pet, agi mbud’ugi heheb’ek, kayam andosâ nga mi djï abo ma norâ, aduk mazi djangûna, sama d’es sei ata yam ma tcholina nga d’i.

Isai 15:3

A nga tit ir palumba ki baru d’a dodora ataziya, a nga yor tazi akulo yam azuweina, yam yima suma a tok tazi kuana mi. Nge nge pî nga mi tchiya, simina nga mi djang kä iramu.

Isai 16:12

Suma Mowap-ma a nga kau tazi á djak akulo ata yima nding ma a tinim iram vama á i kur gong mazi d’a fileina á tchen alo mazina, wani bei fe va ba.

Isai 16:7

Suma Mowap-ma a nga tchi yam taziya, nge nge pî nga mi tchi tchi ma hohoud’a, a nga tchi yam fangasuna hades guguzlu ma a lum avo Kir-Hares-sâ, a nga tchi ki hur ma hata ngola.

Isai 22:12

Salad’a Ma didin ma ad’engêm kal petna mi yagi kur bur máma ná tchina, ná yor tad’a, ná welegi yagi woyo, ná tchugugi baru d’a dodora atagi mi.

Isai 3:24

Azi mba ar zla d’a le ni mbul ma his ma afufuîna ta, a le ni mbul ma bud’a; azi mba ar zla d’a djin d’i’â furîd’a ta, a djin ni ziyona; yazi mba d’i ar zla d’a ti se djifîd’a ta, ti mba d’i yot ni woyo; azi mba ar zla d’a tchu’î baru d’a ngol la djifîd’a ta, a mba tchu’î baru d’a dodora ataziya; azi mba ar zla d’a a mbut tazi djifîd’a ta, a mba mbut ni tazi hohoud’a.

Jeremi 3:21

A nga hum dela yam ahuniyô suma fuyogeina. Ni tchina ki tchen nda hud’a hi Israel-lîd’a, kayam azi mbut lovot mazi d’a gunda kur tit mazid’a, a mar rei yam an Ma didina Alo mazina mi.

Jeremi 47:2

Ma didina mi dala: Gola! Mbina mi tcholï abo ma norâ, mi mbut alum ma djang ma mi kus seina. Mi kus sei yam ambasa kahle suma kurutna, yam azì ma nglona ki suma a nga kaka kuruma. Suma a nga tchiya, suma a nga kaka kur ambasina pet a nga tchi horâ.

Jeremi 47:5

Suma Gaza-na a wel wa yazi woi á dodora. Suma Askalon-na a seng wa silil. Agi suma aragi nga kaka yam andaga d’a papanid’ina, ni mindja ba, agi mba aragi tagi bei b’asa ge?

Jeremi 48:1

Wana ni zla d’a Ma didin ma ad’engêm kal petna, Alona hi Israel-lîna, mi dat yam suma Mowap-mid’a. Mi dala: Ni zla d’a hohoud’a yam azì ma Nebo-na, kayam a b’lagam mbei da’. Suma kur azì ma Kiriyatayim-ma a mbut zulona, kayam a hlum da’. Suma a nga kur gong nga fiyaka á ndjolina a mbut zulona, kayam a b’lagat tei da’.

Jeremi 48:18

Agi suma kaka avo Dibon-na, agi tchugugï asegi kä woi kur subur magid’a, agi i kagagi sä yam andaga d’a sod’a, kayam mam ma b’lak Mowap-ma nga mi djï kagiya, nga mi b’lak azì magi ma ad’eng ma ngunguna woyo.

Jeremi 48:31

Ni kayam ndata ba, an nga ni tchi yam azì ma Mowap-ma, an nga ni tchi yam azì ma Mowap-ma ki zla tam pet, an nga ni tchi yam suma Kir-Heres-sâ.

Jeremi 48:35

Ma didina mi dala: An nga ni dap suma Mowap suma a nga i ata yima ndingâ á ngal dubang ma his djivid’ina malo mazinina woyo.

Jeremi 49:3

Agi suma Hesbon-na, agi tchagi wulula, kayam a b’lak wa azì ma Aï-na woi da’. Agi yugunei suma Raba-na, agi tchigiya, agi djinigi baru ma ndjondjorona furugi d’igi d’i’â na. Agi tchigi horâ, agi ringîgi kur gulumuna abo hî, abo hî, kayam Milkom, a im wa magomba ki mam suma ngat buzuna ki mam suma nglona mi.

Jeremi 7:29

Ma didina mi dala: Agi suma Juda-na, agi ngad’agi tumus sa kagi d’a fuyogei d’a tak kei ala agi tinigi tagi irat vad’u d’a, agi tchugut teyo, agi i gagi horâ akulo yam ahuniyô suma fuyogei suma va nga kazi d’uo na. Agi nandjaf ma nga mi djon ayî manina; an nga ni minigi d’uo d’a, an nga ni aragi woyo.

Ezekiyel 27:31

A mba wel yazi woi kangû, a mba tchuk dodora ataziya, a mba tchi tchi ma hohoud’a kuruzi krovo zlapa ki yor ta d’a kal teglesa kang mi.

Ezekiyel 30:2

Ang gor sana, ang djok vuna, ang dala: Salad’a Ma didina mi dala: Agi tchigi tchi ma hat hurâ ala: Alë! Ni bur ma me na ge?

Ezekiyel 7:18

A mba tchuk dodora ataziya, mandarâ mba mi vaziya, a mba hle irazi akulo abo zulona d’i, a mba dap yazi wela woi pet mi.

Sunda hi suma hi Levi-nid’a 13:40

Le sana tumus sa kamba tor reyo ni, ni yam mba yod’a; mi ni yed’et.

Sunda hi suma hi Levi-nid’a 21:5

Ar suma ngat buzuna a wel yazi d’oze apei dudumazi d’oze a zi tazi á tak kei ala azi nga kur yor tad’a d’i.

Amos 8:10

Vun til magina, an mba ni mbud’umî yor tad’a; sawal magid’a pet, an mba ni mbud’ut ni hor ma ged’a. Nge nge pî mba mi djin baru d’a dodora furumu, suma pet a mba wel yazi woi d’igi sana mi tchi yam gorom ma abom tuna na. Dabid’a hahle ndazinid’a ni bur ma b’lak hurâ.

Ndumba 21:28

Kayam akud’a ti ndeï Hesbon, sinat nga d’i trâ azì ma ngolâ hi Sihon-na, ti ngal azì ma Ar-Mowap-ma woi ki suliyom suma yam yima nding ma halum ma Arnon-na woi mi.

Ndumba 21:30

Ami yed’ezi ki yeû mamid’a, ami b’lagami azì ma Hesbon-na woi gak mbami kur azì ma Dibon-na, ami b’lagami yina woi gak mbami kur azì ma Nofa-na, gak mbami kur azì ma Medeba-na mi.

Ndumba 32:3

Ambas sa Atarot-ta, d’a Dibon-nda, d’a Jazer-ra, d’a Nimra-d’a, d’a Hesbon-nda, d’a Elale-d’a, d’a Sebam-mba, d’a Nebo-d’a ki d’a Beyon-nda

Ndumba 32:38

Nebo ki Bäl-Meyon suma a djogozi simiyêzina ki Sipma mi, a tin simina mi azì ma nglo ma a minima.

Gat ta a hat á mbàd’id’a 14:1

Moise mi de kua ala: Agi ni Ma didina Alo magina groma, agi ngad’agi tagi kahle suma sïna d’oze welegi yagi woi yam mat ma tchid’a d’i.

Gat ta a hat á mbàd’id’a 34:1

Moise mi tchol hur ful la Mowap-pa, mi djak akulo yam ahina d’a Nebo-d’a, mi i akulo yam ahina d’a Pisga d’a ngagad’a yam Jeriko d’ara yat ta ked’iwurenga. Ma didina mi tagam ambasa pet,