Isai 13:8 - Bible azumeina

⁸ A mba le mandarâ, ndaka ki pupuluka hi hliu tad’id’a mba d’i laziya, a mba tcha tata d’igi atcha d’a nga d’i tcha tata á vutid’a na, a mba gol ir tazi ki mandarâ, irazi mba d’i tchor hleud’a d’igi akud’a na.

Isai 13:8 Kruisverwysings

2 Amuleina 19:26

Suma kuruma ad’engêzi ndak á tchol avorong ngi. A le mandarâ ngola, a mungôr mi. Azi mbut ni d’igi asu ma abageina na, azi mbut ni d’igi asu ma d’uf akulo awilina na, azi ni d’igi geme ma deî yam gongîyona akulo ma mi so woi bei mi tin tengêlem ba na mi.

Sawal la giled’a 48:7

Ata yi máma a nga zlaga, a zlak d’igi atchad’a nga d’i zlak abo vuta na,

Isai 26:17

Ma didina, ami avorong ni d’igi atcha d’a ti nde vuta d’a ti gun kä abo tata ted’a d’a ti nga d’i tchid’a na.

Jeremi 13:21

Ndak mba d’i de nana fata suma ndak had’azi á mbut buniyô’îna a mba mba á te kaka ge? Ndak mba d’i fe ndaka d’igi atcha d’a ti nde vutid’a na d’uo zu?

Jeremi 30:6

Agi djobogi tagiya, agi gologiya, na ni mandjufâ mi ndak á vut tchu? Ni kayam me ba, an we andjofâ a tin abozi furuzi d’igi atcha d’a nga d’i lá vutid’a na ge? Ni kayam me ba irazi d’i mbut hapa hina patlas ke?

Jeremi 4:31

Kayam an nga ni hum del la tchina d’igi atcha d’a nde vutid’a na, an hum tchina d’igi atcha d’a ti vut vut ta weid’a ti tchi abo tat ta ted’id’a na. Ni del gor wei d’a Siyon nda nga d’i zam tat ti mat abot ti dala: An nga kur djop vuna, an nga ni puk kä abo suma tchi suma d’a.

Jeremi 46:5

Ma didina mi de kua ala: Ni kayam me ba, an wazi a nga zlak ke? A dadak kazigaziya. Mazi suma gangrang suma durâ a tchuk susub’ok. A hazigaziya, a nga ring bei mbut irazi blogozi ba. Mandarâ mi vazi ata yina pet.

Jeremi 48:41

A mba hlazì ma Keriyot-na, A mba yo azì ma ad’eng ma ngunguna mi. Kur bur máma suma gangrang suma Mowap-ma, huruzi mba mi b’lak d’igi atcha d’a hurut nga mi tat á vutid’a na.

Jeremi 49:22

Gola! Andjaf suma a mba sir kä yam azì ma Bosra-na d’igi b’aruna mi b’er gigingâm mbei mi sir kä na. Kur bur máma suma gangrang suma Edom-ma, huruzi mba mi b’lak d’igi atcha d’a hurut nga mi tat á vutid’a na.

Jeremi 49:24

Suma Damas-sâ a mbut amangeîd’a, a hazigazi á ringâ, a nga zlak abo mandarâ. Pupuluka ki ta d’a ted’a nga d’i tazi d’igi atcha d’a nde vutid’a na.

Jeremi 50:43

Amul ma Babilon-na mi hum zla ndata, abom mi mbut amangeîna kekeb’e, mi nga mi tcha tata d’igi atcha d’a ti nde vutid’a na.

Jeremi 51:30

Suma dur suma Babilon-na a ar bei dur ayîna, a ar kaka kur azì ma ad’eng ma ngunguna. Mazi suma gangrangâ a mbut amangeîd’a, a mbut ni d’igi aropma na. Suma djangûna a nga dozi aziyazi akud’a, a kus kawei mam ma murgulina woi mi.

Wana ni mbaktumba hi Oze-d’a 13:13

Ndaka mba d’i nde kazi ni d’igi vuta ti nde yam atchad’a na. Azi ni d’igi gor ma yam nga d’uo na na. Ata yima yam ma vuta nda’â, nga mi ndeï woi kur asum mbi.

Joel 2:6

Suma pet a nga zlak avoroziya, irazi d’i mbut tei mbolol mi.

Nahum 2:10

Agi hurumugi bege d’a hapa, agi hurumugi lora, kayam ndjondjoî d’a bei dabid’a ti nga, ndjondjoîd’a hahle suma guzuzi kal tegles suma tetengâ a nga mi.

Jean 16:21

Le atchad’a hurut nga mi tat á vuta ni, ndat nga kur ndaka, kayam yi mat ma vuta mba wa. Le ti vut wa gorâ woi da ni, ti dok djib’er yam ndak mata d’uo d’a, kayam ti nga ki hur ma hapma, kayam ti vut wa sana woi kur duniyad’a.

1 Tasaloni’â 5:3

Fata suma a dala: B’leng nga halasa ki djivid’a a nga d’a, ata yi máma na wat, bad’a mba d’i nde kazi d’igi vuta ti nde yam atcha d’a wirâ na, a mba prut tei d’uo mi.