Isai 13:7 - Bible azumeina

⁷ Kayam ndata, suma pet abozi mi mbut amangeîd’a, vunadigazi ti pat fefek mi.

Isai 13:7 Kruisverwysings

Sawal la giled’a 58:7

Alo mana, ang kuzuzi siyazi woi avunaziya. Ma didina, ang kus aging azlo máma woyo.

Buzuk ka Abud’a 15:15

Amulei suma Edom-ma, mandarâ mi vazi ngola; suma gangrang suma dur ayî suma Mowap-ma a nga zlaga. Suma Kanan-na pet a tchuk susub’ok.

Isai 19:1

Wana ni zla d’a a dat yam Ezipte-nid’a: Gola! Ma didina mi djak akulo yam d’ugul la djang heîd’a, nga mi djï avo Ezipte. Alona hi Ezipte-na pet nga mi zlak avoromu, Ezipte-na huruzi mi ka mbina mi.

Isai 37:27

Suma kuruma ad’engêzi ndak á tchol avorong ngi. A le mandarâ ngola, a mungôr mi. Azi mbut ni d’igi asu ma abageina na, azi mbut ni d’igi asu ma d’uf awilina na, azi ni d’igi asu ma deî yam gongîyona akulo ma so woi bei mi djeng ba na na mi.

Isai 51:20

Gro’â a nga seîd’a kä ir palum mba lara ge pet, a nga hle tazi hina b’enek kuo d’igi alafâ mi ve ki abeid’a na, abo ayîna hi Ma didinina, abo ngopa hAlo ma’îd’a.

Jeremi 50:43

Amul ma Babilon-na mi hum zla ndata, abom mi mbut amangeîna kekeb’e, mi nga mi tcha tata d’igi atcha d’a ti nde vutid’a na.

Jeremi 51:30

Suma dur suma Babilon-na a ar bei dur ayîna, a ar kaka kur azì ma ad’eng ma ngunguna. Mazi suma gangrangâ a mbut amangeîd’a, a mbut ni d’igi aropma na. Suma djangûna a nga dozi aziyazi akud’a, a kus kawei mam ma murgulina woi mi.

Ezekiyel 21:12

Le a djobong ala ni kayam me ba ang zam tang na ge ni, ang hulong dazi ala: Zla d’a tchod’a nga d’i mba, hur suma pet mba mi ka mbina, abo suma pet mba mi mbut amangeîd’a, muzu’â hi sumina pet mba mi b’leng titiling, guguf suma pet mba mi zlak kekebe. Gola! Zla ndata nga d’i djïya, ti mba wa da’. An Salad’a Ma didina ni de na.

Ezekiyel 21:7

Ang gor sana, ang mbut irang yam Jerusalem, ang tchi wala mi yima a tinim iram vama, ang djok vuna mandagad’a hi Israel-lîd’a.

Ezekiyel 7:17

Abozi pet mba mi mbut amangeîd’a kekeb’e, guguvazi mba mi zlak kekeb’e mi.

Nahum 1:6

Ni nge ba, mba mi tchol avorom ata yima hurum zalâ ge? Ni nge ba, mba mi tchol avok ayî mam ma bibiliuna ge? Hur mam ma zala nga mi ngal d’igi akud’a na, nga mi to ahuniyôna woyo.

Nahum 2:10

Agi hurumugi bege d’a hapa, agi hurumugi lora, kayam ndjondjoî d’a bei dabid’a ti nga, ndjondjoîd’a hahle suma guzuzi kal tegles suma tetengâ a nga mi.

Nahum 2:11

A hurum ahlena, a b’lak ahlena, a ar nga va tu d’i. Vunadigazi nga d’i tumuzi hihir, guguvazi nga mi zlak kikib’i, ad’engêzi d’i nga d’i, irazi d’i tchuk susub’ok mi.

Josue 2:11

Ata yima ami humumi zla ndatina, ad’engêmi nga d’uo d’a. Nge nge pî hurum ka mbina avorogiya, kayam Ma didina Alo magina nAlo ma sä kur akulod’ina ni Ma yam andagad’a ka hina mi.