Isai 13:22 - Bible azumeina

²² God’eid’a mba d’i tchi kuru, hâna mba mi kak kur aziyat ma amula. Burut ar go á mbad’a, burut mba mi i avok kuo d’a.

Isai 13:22 Kruisverwysings

Sawal la giled’a 44:19

Ami lami nga hurumi gigrit kang ngi, ami d’ezemi nga woi kur lovot manga d’uo mi.

Isai 14:23

Ma didin ma ad’engêm kal petna mi de kua ala: An mba ni mbud’ut ni yima domina hi tchetchembina ki yima ve mbina mi, an mba ni torot tei kasumat ma b’lak yina.

Isai 25:2

Kayam ang mbut azì ma ngolâ d’igi mola hahinad’id’a na, azì ma ngol ma ad’engâ, ang b’lagam mbeyo, azì ma ad’eng ma ngunguna handjaf suma dingîna, ang b’lagam mbei mi. Sama mba mi hulong mi minim akulona nga d’uo d’a.

Isai 32:14

Kayam a ar azì ma amula kazì ma ngol ma suma a nga le vuna kua gandjauna woyo. Yima ndingâ ki gong nga fiyak ka ndjola, a mba mbut ni domi ma ngeid’a yam koro ma abageina ki iram fafat, a mba mbut ni yima pol d’uwarâ mi.

Isai 34:13

Azlupa mba d’i wul kur azì mat ma ngolâ. Kekerezeuna kaweid’a a mba deî kur azì mat ma ad’eng ma ngunguna, mba d’i mbut ni yima kaka hi hânina, mba d’i mbut ni yima kaka harigetina mi.

Isai 34:14

Azurei suma abageina a mba ngaf hâna kua, mbekmberena mba mi yi tam kua, mba d’i mbut ni yima kaka hi muzuk ma tchonina, mba mi fe yima tuk tama kua mi.

Isai 35:7

Hur ful ma kikid’i’â pî, mba mi mbut apo d’a mbina; ambas sa so d’a gangrasa pî, mba d’i mbut ambas sa lau mbina; yima hâna mi ka domina kuana pî, ped’eud’a ki tchereuna a mba deî kua.

Isai 43:20

Hâna karigeta kazurei suma abageina a mba suburunu, kayam an nga ni ge mbina hur fulâ, an nga ni gäluma yam andaga d’a so d’a gangrasa, kayam man suma an manazina a tche mbina kua.

Jeremi 48:16

B’laka hazì ma Mowap-mid’a, ti ar go á mbad’a, ndak mamba nga d’i mba ka tchetchem mi.

Jeremi 51:33

Ma didin ma ad’engêm kal petna, Alona hi Israel-lîna, mi dala: Babilon ti ni d’igi ambid’ak ma a to awuna kuana na. Ar hina ndjö, yima duta nga mi mba kad’u!

Jeremi 9:11

Ma didina mi dala: An mba ni mbut Jerusalem djona, an mba ni mbud’ut domina hi hânina, an mba ni mbut azì ma nglo ma Juda-na hur ful ma sa nga mi kak kua d’uo na.

Hor ma tchina 4:3

Hâna pî nga mi hapona mi groma á tched’a, wani sum mana a mbut ni djalagauna d’igi ariget ta hur fulîd’a na.

Mise 1:8

Kayam ndata, an Mise mba ni tchiya, an mba ni ge horâ, an mba ni tit asen hawa bei atuguruna, an mba ni er ad’un akulo d’igi hâna na, an mba ni oî d’igi arigeta na mi.

Habakuk 2:3

Kayam zla d’a ndat teid’a mba d’i ndak vun sun mata kur atchogoi mat ta a ngata, ti nga d’i i ata dabi mata, ti mba d’i ba bei led’a d’i. Le yat nga d’i ve pî, ang djubud’u, kayam mba d’i ndak vun sun mata gagazi, mba d’i ba hawa d’i.

Sofoni 2:14

Ades d’uwarâ mba mi tuk tam kuru, andjaf ahle suma abagei suma lara ge pepet zlapa ki bud’ufâ ki tchetchema a mba bur akulo yam agu ma murgulina yam mba djumba, a mba tchi ir fenetred’a wü, agu ma avun gongîyonina mba mi b’lak keyo, agu sedre ma ped’a ngingitna a mba pad’am mbei mi.

Gat ta a hat á mbàd’id’a 32:35

Atchugul la sad’a ni manda; ni an ba mba ni sad’azi yam sun mazi d’a led’a, kur bur ma asezi mi ka azlard’eid’ina. Kayam bur ma ndaka mba kazina mi ar go, dabi mazid’a mba d’i mba kazi atogo zak mi.

2 Pierre 2:3

Yam d’od’ok mazi d’a fe beged’a, a mba mbut abozi ki sed’egi ki zla d’a lop ir mazid’a. Wani Ma kazi sariyad’a kazina mi min tam avok dei kaziya, Ma b’lagazina nga mi bur sen nduo mi.