Isai 13:2 - Bible azumeina

² Ma didina mi dala: Agi hlagi drapo d’a taka akulo yam ahina d’a va nga kat tuo d’a, agi eregi ad’ugi akulo kad’u, agi lagi abogi ala ar a kal avun agre’â hi suma nglonina!

Isai 13:2 Kruisverwysings

Sawal la giled’a 60:4

Ang yir andagad’a, ang wagat teyo, wani ki tchetchemba, ang tozot irat ta waka, kayam nga d’i giged’a.

Isai 10:32

Ini, ini a tchol kä Nop, abozi mi nga zid’a kazi akulo á ngop ahina d’a Siyon-nda, nala, yima nding ma Jerusalem-ma.

Isai 11:12

Mba mi pe drapo d’a taka mandjaf suma ala mam mba mi tok Israel suma a b’rau woina gevemu, mba mi tok andjafâ hi Juda ma b’rau woi yam andagad’a abot ma fid’inina ata yima tuna mi.

Isai 11:15

Ma didina mba mi so vun alum ma ngol ma Ezipte-na woyo, mba mi tin abom yam alum ma Efrat-na, mba mi fom kad’engêmu, mba mi wad’am á walam ad’u kid’iziya. Hina, suma a mba tit hurum kä katuguru mazina aseziya.

Isai 18:3

Agi suma pet suma nga kaka kur duniyad’ina, agi suma nga kak kä yam andagad’ina, agi gologi drapo d’a taka ata yima a pat akulo yam ahuniyônina, agi humugi adifa ata yima a butna.

Isai 19:16

Kur bur máma Ezipte-na a mba mbut ni d’igi aropma na, a mba zlaga, a mba le mandarâ ata yima a mba gol Ma didin ma ad’engêm kal petna mi hlabom kam akulo á ngobozina.

Isai 31:9

Ma didin ma aku mamba nga kur Siyon ma aku mam mba hîhîka nga kur Jerusalem-ma, mi dala: Amul ma Asiri-na mba mi zlak abo mandarâ, mazi suma nglona a mba ring a ar drapo mazid’a kä woi mi.

Isai 5:26

Ma didina mi hle drapo d’a taka akulo mandjaf suma sä dedeina, nga mi yi andjaf suma dedeina taud’a. Gola! Azi nga b’at tazi á mbad’a atogo zazak.

Jeremi 50:2

Agi tchagi wal zla ndata woi aduk andjaf suma, ar suma a humud’u. Agi pagi drapo d’a taka akulo, ar suma a hum zla ndata, agi ngeyet kä d’i. Agi dagi woi kat ala: A hle wa azì ma Babilon-na! Alo ma a yum ala Bel-lâ mi mbut wa zulona, Alo ma a yum ala Mardu’â, a b’lagam wa woyo! Angus ahle mam suma tcheta a mbut wa zulona, filei mama a b’lagam wa woi mi.

Jeremi 50:41

Gola! Suma yam ambas sa abo ma norîd’a a nga djïya. Nandjaf ma ngolâ kamulei suma sib’ik suma a tcholï avun dabid’a handagad’ina.

Jeremi 51:12

Agi pagi drapo d’a taka akulo, agi durugi gulumun ma Babilon-na, agi hagi ad’enga mi ma ndjola, agi tinigi suma ndjola, agi tinigi suma a bur suma kä na. Kayam Ma didina mi nga hurum da’, nga mi ndak vun zla d’a mi dat yam suma a nga kaka Babilon-nid’a.

Jeremi 51:25

Ma didina mi dala: Ndak ahina d’a b’lak yina, an nga ni iza atak á durâ. Ndak ka b’lak suma yam andagad’a peta, an mba ni mat abon ni durugu, an mba ni zud’ugï kä yam ahuniyôna, an mba ni mbud’u’î ahina d’a ngalat teid’a.

Jeremi 51:58

Ma didin ma ad’engêm kal petna mi de kua ala: Gulumun ma ngol ma Babilon ma bubud’a a mba hôm kä woi ki zla tam pet. Vun agrek mat ma fuyogeina a mba ngalam mbei kakud’a. Suma a tchi tazi á le sunda ni hawa na, andjaf suma a kau tazi ni makud’a mi.