Isai 12:5 - Bible azumeina

⁵ Agi suburugi Ma didina ki sawala, kayam mi lahle suma kal papana. Ar suma a wazi woi yam andagad’a pet mi.

Isai 12:5 Kruisverwysings

Sawal la giled’a 105:2

Agi hlagizi sawala, agi gilem ki sawala, agi dagi woi yam sun mam mba ndandala mi.

Sawal la giled’a 72:19

Ei gilei simiyêm ma subura gak didin! Ar subur mamba ti oî yam andagad’a pet! Amin! Amin!

Sawal la giled’a 98:1

Wana ni sawal la giled’a. Agi gilegi Ma didina ki sawal la awilid’a, kayam mi lahle suma ndandalâ. Mi sut suma ni ki bigam mba ndjufa, ni kabom ma bei le tchod’a ba na mi.

Buzuk ka Abud’a 15:1

Ata yi máma Moise azi ki Israel-lâ a hle sawal la wanda mi Ma didina, a dala: An mba ni hle sawala á gile Ma didina, kayam me mi tak ad’eng mam mba kal teglesa woi abua. Mi tchuk akulumeina ki suliyozina kä kur alum ma ngolâ.

Buzuk ka Abud’a 15:21

Miriyam ti hulong dazi ala: Agi hlagi sawala á gilegi Ma didina, kayam me mi tak ad’eng mam mba kal teglesa woi abua, mi tchuk akulumeina ki suliyozina kä kur alum ma ngolâ.

Isai 24:14

Suma ad’uzi d’a ara a nga de zlad’a ki delezi akulo, a nga er ad’uzi akulo ki furîd’a, a nga er ad’uzi akulo abo ma fladegena á he ngola mi Ma didina,

Isai 40:9

Agi suma Jerusalem-ma, agi djagagi akulo yam ahina d’a fiyaka, agi suma Siyon-na, agi dagi zlad’a ki delegi akulo kad’engêgi pet, kayam a hagi zla d’a djivid’a abogiya. Ar agi lagi mandarâ á dat tei d’i. Agi dagi mi suma kur azì ma nglo ma Juda-na ala: Gola! Alo magina wana!

Isai 42:10

Agi suma nga tid’igi kur alum ma ngolîna, agi suma nga oîd’a kuruma, agi suma nga kaka yam tilina, ar agi hlagi sawal la awilid’a mi Ma didina, agi hagizi ngola, agi gilegizi avun dabid’a handagad’id’a pet mi.

Isai 42:11

Ar suma hur fulâ ki suma a nga kaka kur azì ma nglonina zlapa kazì ma gurei ma suma Kedar-râ a nga kaka kuana, a er ad’uzi akulo ki furîd’a, ar suma a nga kaka yam ahinad’ina a ayâ, ar suma a nga kaka yam ahinad’a yat ta ked’iwurengina a le furîd’a mi.

Isai 44:23

Ndak akulod’a, ndak ayâ, kayam Ma didina mi le wa va. Ndak andaga d’a ad’ut ta kä yiyika, ndak er ad’uk akulo ki furîd’a. Agi ahuniyôna, agi eregi ad’ugi akulo, agi ayâgiya. Ndak agud’a kagu ma adiga’â pet, agi lagi furîd’a mi. Kayam an Ma didina ni wurak wa yam suma hi Jakob-ma, nga ni tak subur manda woi aduk Israel-lâ mi.

Habakuk 2:14

Kayam andagad’a pet mba d’i oî ki wed’a hi Ma didin ma subura, d’igi mbiyona mi oî kur alum ma ngolâ na.

Malatchi 1:11

Ma didin ma ad’engêm kal petna mi dala: Deîd’a hafatid’a gak nik mata, simiyên nga mi yï aduk andjaf suma, a nga ngalan dubang ma his djivid’ina á suburun simiyênu, a nga mban ahle suma ngat buzu suma nda’â mi, kayam simiyên nga mi yï aduk andjaf suma.

Vama ndum mbeina 15:3

Azi nga hle sawala hi Moise azongâ hAlonid’a ki sawala hi Gor timinid’a ala: Salad’a Alo ma ad’engêm kal petna, sun manga ni sun nda ngol la kal papad’a. Amulâ handjaf sumina, nga hur mangâ ni d’ingêr gagazi.