Isai 12:4 - Bible azumeina

⁴ Kur bur máma agi mba dagi ala: Agi gilegi Ma didina, agi dagi woi yam simiyêmu, agi tagam sun mam mba nglo d’a mam lata woi aduk andjaf suma. Ar agi wagi ala simiyêmî Ma kal papana.

Isai 12:4 Kruisverwysings

1 Sunda Hamuleinid’a 16:8

Agi gilegi Ma didina, agi dagi woi yam ngol mamba, agi tagam sun mamba woi aduk andjaf suma dingâ mi.

1 Sunda Hamuleinid’a 29:11

Ma didina, ngola, sib’ika, subura, wiled’a ki yam mba ted’a ni mangâ! Gagazi, akulod’a kandagad’a pet azi ni mangâ, kayam angî ma te yamba, angî ma akulo yam ahlena petna.

Nehemi 9:5

Bugola, suma hi Levi-na Josue, Kadamiyel, Bani, Hasapneya, Serebiya, Hodiya, Sebaniya ki Petahiya a dazi ki delezi akulo ala: Agi tchologi akulo! Ar agi gilegi Ma didina Alo magina kur atchogoid’a katchogoid’a gak didin. A de kua ala: Ar ami gileng simiyêng ma subur ma kal lei yam subura ki giled’a petna.

Sawal la giled’a 105:1

Agi gilegi Ma didina, agi dagi woi yam ngol mamba, agi tagam sun mamba woi aduk andjaf suma dingâ mi.

Sawal la giled’a 107:22

Ar a he vama ngat buzu ma le mersid’a mi Ma didina, ar a de woi yam sun mam mba mi lata ki delezi akulo ki furîd’a.

Sawal la giled’a 113:5

Ni nge ba, mi hle tam d’igi Ma didina Alo meina na ge? Yam ma kaka mi sä nakulo.

Sawal la giled’a 148:13

Ar agi pet gilegi simiyê Ma didina, kayam simiyêm mam tu ni ma kal petna; subur mamba nga d’i te yam andagad’a kakulod’a mi.

Sawal la giled’a 18:46

Andjaf suma dingâ a tchuk susub’ok, azi mba buzuk kei ki mandarâ kur gulumun mazi ma ad’eng ma ngunguna.

Sawal la giled’a 21:13

Ang mba yed’ezi ki yeû manga. Kayam ndata, azi mba hang huyogozi á ringâ.

Sawal la giled’a 22:31

Andjavazi mba mi lum sunda, mba mi de zla Salad’a woi mandjavazi ma kur atchogoi d’a nga d’i mbad’ina.

Sawal la giled’a 34:3

An mba ni subur tan yam Ma didina; agi suma lulumana, agi humunu, agi lagi furîd’a mi.

Sawal la giled’a 40:5

Sama nga mi le furîd’ina ni sama deng tam ata Ma didinina; nga mi zlap ki suma subur tazina d’oze suma ka zlad’a d’uo mi.

Sawal la giled’a 46:10

Nga mi d’el vun ayîna gak avun dabid’a handagad’id’a, nga mi kus yeûd’a kasapa woyo, nga mi ngal pus ma dur ayîna woi mi.

Sawal la giled’a 57:5

An nga aduk suma tcho suma d’igi azlona na na, azi ni d’igi amburei suma a mut sumina na; siyazi mi ni feta d’igi asapa ki yeûd’a na; sinazi d’i te ni d’igi mbigeu d’a fiyaka na.

Sawal la giled’a 68:5

Agi hlagi sawala mAlona, agi gilem simiyêmu, agi minigi lovota mi ma nga kaka yam d’ugulina; simiyêm ala Ma didina, agi lagi furîd’a avoromu.

Sawal la giled’a 73:28

Wani vama lan tan furîd’ina, ni d’ala an hut go geveng ang Alona d’a. Salad’a, Ma didina, an tin hurun ni kayam ang á de zla sun nda ang lata woi pet.

Sawal la giled’a 9:11

Ma didina, suma a wang simiyêngâ, a nga deng tazi atangû, kayam ang nga ar suma a halangâ woi d’i.

Sawal la giled’a 96:3

Agi dagi woi yam subur mamba avok andjaf suma pet, agi tagagi sun mam mba ndandala woi avok suma pet mi.

Sawal la giled’a 97:9

Kayam ang Ma didina, angî ma sä akulo ma kal tegles ma yam andagad’a petna, ang kal alona pet akulo mi.

Buzuk ka Abud’a 15:2

Ma didina nad’eng manda; ni mam ba, an ni gilemu. Ni ma sud’una; NAlo mana, an mba ni suburumu. Mam mi Alona habuna, an mba ni hum ngola.

Buzuk ka Abud’a 33:19

Ma didina mi de mi Moise ala: An mba ni tagang djivi manda woi avorong pet, an mba ni yang simiyên an Ma didina woyo, an mba ni ve sumad’a ki sama an min vum sumad’ina, an mba ni we hohowa sama an min wum hohowoma mi.

Isai 12:1

Kur bur máma ang mba dala: Ma didina, an nga ni gilengû, kayam hurung zal kanu, wani hurung vat tei kanu, ang b’lengên hurun mi.

Isai 2:11

Suma yam mba ad’enga a mba hulongôzi yazi kä, suma a subur tazina a mba grif kä mi. Ni Ma didina tu ba, a mba suburum kur bur máma.

Isai 2:17

Suma yam mba ad’enga a mba hulongôzi yazi kä, suma a subur tazina a mba grif kä mi. Ni Ma didina tu ba, a mba suburum kur bur máma.

Isai 24:15

a dala: Agi suma abo ma yorogona, agi suburugi Ma didina; agi suma avun alum ma ngolîna, agi suburugi simiyê Ma didina Alona hi Israel-lîna.

Isai 25:1

Ma didina, angî Alo mana, an nga ni gilengû, an nga ni suburung simiyêngû, kayam ang lahle suma atchapma. Nga hur mang ma ang ngam dedeina, ang ndagam wa memet!

Isai 26:8

Gagazi, Ma didina, ami tinimi hurumi ni kayam angû. Lovot mang nga ang tagata ni d’a d’ingêra. Ami nga yangû, ami nga tchenengû. Wana ni djib’er ra kurumi d’a ami minita.

Isai 33:5

Ma didina ni ma suma a nga hum ngolina, kayam yam ma kaka mi sä nakulo, mi oî Siyon ki d’ingêra ki gagazid’a mi.

Isai 42:12

Ar suma a nga kaka yam tilina a gile Ma didina, a de woi yam subur mamba mi.

Isai 48:20

Agi buzugugi woi avo Babilon, agi ringîgi woi aduk suma Kalde-na. Agi dagi woi ki delegi akulo ki aîd’a, agi tchagi wal zla ndata woyo, agi dagizi zlat teyo, dagizi zlat tei avun dabid’a handagad’id’a, agi dagi ala: Ma didina mi wurak wa yam azungeî mam suma hi Jakob-ma.

Isai 66:19

Ma didina mi dala: An mba ni le vama taka adigaziya, an mba ni sun mazi suma a arâ ata andjaf suma, nala, mi suma Tarsis-sâ, mi suma Pul-lâ, mi suma Lut suma we yet yeûd’a heîna, mi suma Tubal-lâ, mi suma Javan-na, mi suma a nga kaka yam tila ata yima dei suma a humun nga zlan yazi tu d’uo suma a we nga subur manda d’uo na. Azi mba de zla subur manda woi aduk andjaf suma mi.

Jeremi 50:2

Agi tchagi wal zla ndata woi aduk andjaf suma, ar suma a humud’u. Agi pagi drapo d’a taka akulo, ar suma a hum zla ndata, agi ngeyet kä d’i. Agi dagi woi kat ala: A hle wa azì ma Babilon-na! Alo ma a yum ala Bel-lâ mi mbut wa zulona, Alo ma a yum ala Mardu’â, a b’lagam wa woyo! Angus ahle mam suma tcheta a mbut wa zulona, filei mama a b’lagam wa woi mi.

Malatchi 1:11

Ma didin ma ad’engêm kal petna mi dala: Deîd’a hafatid’a gak nik mata, simiyên nga mi yï aduk andjaf suma, a nga ngalan dubang ma his djivid’ina á suburun simiyênu, a nga mban ahle suma ngat buzu suma nda’â mi, kayam simiyên nga mi yï aduk andjaf suma.

Jean 17:26

An tagizi simiyêngû, an mba tagazizi kua, kayam o d’a ang lat kanda, ti kak kuruziya, an kak kuruzi mi.