Isai 11:11 - Bible azumeina

¹¹ Kur bur máma Ma didina mba mi mat abom kua yam á mbàd’a á prut mam suma ad’uzi mba d’i ar abo suma Asiri-na, abo suma Ezipte-na, abo suma Patros-sâ, abo suma Etiyopi-na, abo suma Elam-ma, abo suma Sinar-râ, abo suma Hamat-na, abo suma a nga kaka yam tila halum ma ngolîd’a woi mi.

Isai 11:11 Kruisverwysings

Ad’u Tinda 10:10

Azì ma ngol ma kur leu mambina ni Babel, Erek, Akat ki Kalne; azi pet ni kur ambas sa Sinar-ra.

Ad’u Tinda 10:22

Sem groma ba wana: Elam, Asur, Arpaksat, Lut ki Aram.

Ad’u Tinda 11:2

Wani azi i irazi abo ma yorogona, azi fe yima djivi ma abo tam tuna yam andaga d’a Sinar-ra, azi kak kua.

Ad’u Tinda 14:1

Wani kur atchogoi ndata, Amrafel amul ma Sinar-râ, Ariyok amul ma Elasar-râ, Kedorlaomer amul ma Elam-ma ki Tidal amul ma Goyim-ma,

Ad’u Tinda 2:13

Alum ma mbàna a yum ala Gihon, ni ma ngui ambas sa Kus-sina.

2 Amuleina 17:24

Amul ma Asiri-na mi yoï suma Babilon-na, suma Kuta-na, suma Ava-na, suma Hamat-na ki suma Sefarvayim-ma, mi tchuguzi kur ambas sa Samari-d’a balum Israel-lâ. Azi hlazì ma ngol ma Samari-na, a kak kur azì mat ma nglona pet.

Ester 10:1

Amulâ Asuwerus mi tin tara yam suma kur ambasina, yam suma kur tilina mi.

Sawal la giled’a 68:22

Gagazi, Alona mba mi wak yam mam suma djangûna woyo, mba mi wak asok yam sama nga mi i avogovok kur tcho mambina woyo.

Isai 1:9

Ladjï Ma didin ma ad’engêm kal petna mi ngomei ad’ui d’a ar nded’a d’uo ni, ei mbud’i wa ni d’igi Sodom na, ei mbud’i wa ni d’igi Gomor na mi.

Isai 10:20

Kur bur máma Israel suma a arâ, nala suma hi Jakob suma a sutna, a mba ar bei deng tazi ata ma tozina, wani a mba deng tazi ki hur ma tinda yam Ma didin ma tin tam irat vat yam Israel-lîna.

Isai 10:9

Azì ma Kalno-na mi ni d’igi azì ma Karkemis-sâ na d’uo zu? Azì ma Hamat-na mi ni d’igi azì ma Arpat-na na mi d’uo zu? Azì ma Samari-na mi ni d’igi azì ma Damas-sâ na mi d’uo zu?

Isai 11:16

Mba mi mal lovota avok mam suma a mba ar abo suma Asiri-nina d’igi mi mal lovota woi yam tu avok Israel-lâ kur bur ma mi buzuguzï woi kur ambas sa Ezipte-d’ina na.

Isai 19:21

Ata yi máma Ma didina mba mi we Ezipte-na, Ezipte-na a mba we Ma didina, a mba kud’urom kahle suma ngat buzuna ki he d’a hawad’a, a mba hle vunazi mi Ma didina, a mba ndak vun vun mazi ma hled’a mi.

Isai 19:22

Ma didina mba mi to Ezipte-na; mba mi tozi mi kazi mbuleina, wani mba mi tchilizi mbiliziya. Azi mba hulongî gevemu, mam mba mi humuzi tchen mazid’a, mba mi sud’uzi mi.

Isai 21:2

Vama tcho ma kal teglesâ mi nde tam mbei iranu. Ma mbut ira nga mi mbut ir suma, ma b’lak yina nga mi b’lak yina mi. Ma didina mi dala: Agi suma Elam-ma, agi igiya! Agi suma Mede-na, agi i nguyugi azina á durâ! An nga ni d’el vun zam tad’a mi.

Isai 22:6

Agi suma Elam-ma, agi yogi yeûd’a kakulud’u, suma a nga kur pus ma dur ayîna ki suma djang akulumeina a nga i avogovogo. Azigar suma Kir-râ a buzuk mboriyo mazina woi abu mi.

Isai 24:15

a dala: Agi suma abo ma yorogona, agi suburugi Ma didina; agi suma avun alum ma ngolîna, agi suburugi simiyê Ma didina Alona hi Israel-lîna.

Isai 37:31

Suma a sut tei aduk suma Juda suma a mba ar kakina, sideyezi mba mi sir kä aduk andagad’a d’igi aguna na, a mba vut ngola.

Isai 42:10

Agi suma nga tid’igi kur alum ma ngolîna, agi suma nga oîd’a kuruma, agi suma nga kaka yam tilina, ar agi hlagi sawal la awilid’a mi Ma didina, agi hagizi ngola, agi gilegizi avun dabid’a handagad’id’a pet mi.

Isai 42:12

Ar suma a nga kaka yam tilina a gile Ma didina, a de woi yam subur mamba mi.

Isai 42:4

Mba mi mbut amangeîd’a d’i, tam mba d’i tchuk lus suo gak mba mi tin sariyad’a yam andagad’a. Suma a nga kaka yam tilina a mba humum gat mamba mi.

Isai 45:14

Ma didina mi dala: Agi Israel-lâ, fed’a hi suma Ezipte-nid’a ki beged’a hi suma Etiyopi-nid’a ki d’a hi suma Sabe suma fuyogeinid’a mba d’i kalï avo hatagiya, mba d’i arî magid’a mi. A mba tit blogogi ki kindjingâ aseziya, a mba dagi zlad’a ki hud’a ala: Alona navo hatagi tu, ma ding nga d’i.

Isai 49:12

Gola! Suma sä deina a nga djïya. Gola! Suma dingâ ni suma abo ma norâ, suma dingâ ni suma abo ma fladegena, suma dingâ ni suma a tcholï yam ambas sa Sinim-mbina mi.

Isai 66:19

Ma didina mi dala: An mba ni le vama taka adigaziya, an mba ni sun mazi suma a arâ ata andjaf suma, nala, mi suma Tarsis-sâ, mi suma Pul-lâ, mi suma Lut suma we yet yeûd’a heîna, mi suma Tubal-lâ, mi suma Javan-na, mi suma a nga kaka yam tila ata yima dei suma a humun nga zlan yazi tu d’uo suma a we nga subur manda d’uo na. Azi mba de zla subur manda woi aduk andjaf suma mi.

Jeremi 25:25

An hum mamulei suma Zimri-na, mamulei suma Elam-ma kamulei suma Mede-na pet mi.

Jeremi 31:10

Agi andjaf suma, agi humugi zlad’a hi Ma didinid’a, agi i dagi zla ndata woi mi suma a nga kaka yam tila ata yima dedeinina, agi dazi ala: Ma didin ma mi ndjoî Israel-lâ woina, nga mi togozïya, nga mi ngomozi d’igi ma pola mi ngom tumiyô mama na.

Jeremi 44:1

Ma didina mi de zlad’a mi Jeremi yam Juif-fâ pet suma a nga kaka yam ambas sa Ezipte-d’a suma a nga kaka kur azì ma nglo ma Mikdol ki Tapanes ki Nof ki ma Patros-sâ, mi dala:

Jeremi 49:23

Wana ni zla d’a a dat yam Damas-sa: Suma Hamat-na ki suma Arpat-na a mbut zulona, kayam azi hum zla d’a de d’a tchod’a, azi tchuk susub’ok. A nga djulul d’igi alum ma ngol ma nga mi tchol b’et tuo na na.

Ezekiyel 27:6

A min prau mangâ ni kagu sen ma Basan-na, a min bang mangâ ni kagu ma kur til la Kitim-mba ma a gulud’um ki sï ahlo’îna.

Ezekiyel 29:14

An mba mi hulongî Ezipte suma a yozi magombina, an mba ni mbazi yam ambas sa Patros sa a vud’uzi kuad’a. Ni kua ba, a mba tin ad’u leu d’a gora.

Ezekiyel 30:14

An mba ni ar azì ma Patros-sâ djona, an mba ni do akud’a ata azì ma Sowan-na, an mba ni ka sariyad’a yam azì ma No-na mi.

Ezekiyel 32:24

Gola! Amul ma Elam-ma mi nga kua ki azigar mama. Asud’a hi azigar mam suma a tchazi avun ayînina pet ti ngui asu mamba. Azi ni suma bei ngat bayâd’ina, azi ni suma a mbut suma a nga kaka ki irazi yam andagad’ina mandarâ adjeuna. Azi mbut zulona zlapa ki suma ding suma a i kä azuleina.

Ezekiyel 38:8

Bugol bizad’a ablaud’a, an mba ni sirang kur sun mang nga led’a. Kur atchogoi ndata ang mba kal kur ambas sa Israel-la. Suma a nga kaka kuana ni suma a sud’ï woi avun ayî ma durîna, ni suma a buzugï woi aduk andjaf suma tetengâ, ni suma a tok a hulong kaka yam ahuniyô suma Israel suma a mbut djona adjeuna, ni suma a nga kaka kua ki halasina mi.

Daniel 1:2

Salad’a mi he Jojakim abo Nebukanezar, mi bongôm lovota á yo ahle suma a nga kur gong nga kud’ora hAlonid’ina nde. Mi yo suma dingâ magomba, mi izi kur ambas sa Babilon-nda, mi tchuk ahle suma mi yozï hurumbina kur gong nga ngom ahlena kur gong nga kud’ora halo mamid’a.

Daniel 11:18

Bugola, mba mi mbut iram yam suma kur tilina, mba mi yo andagad’a ablaud’a, gak grangâ hi suma dingîna mba mi d’elem avun sun mam mba zulo ndata; sun mam mba zulo ndata mba d’i hulong kamu.

Daniel 8:2

Vama an wum ata yima vana nde tam mbei irana ba wana: Kid’a an nga ni gol vama nde tam mbei irana tua d’a, an gol wani, an navo Sus kur azì ma ngol ma kur andaga d’a Elam-mbina, ata yima an nga ni gol vama nde tam mbei irana tua na. Gol wani, an navun alum ma Ulai-na.

Wana ni mbaktumba hi Oze-d’a 11:10

Agi mba tid’igi bugol an Ma didina. An mba ni tchi d’igi azlona na. Gagazi, an mba ni tchi d’igi azlona na, grona a mba tcholï abo ma fladegena ki zlaka, a mba.

Wana ni mbaktumba hi Oze-d’a 11:11

An Ma didina nga ni dagiya! A mba tcholï Ezipte d’igi aleina mi pir na, a mba tcholï Asiri d’igi gugud’a ti pir na. An mba ni kagazi yam andaga mazid’a mi.

Mise 7:12

Kur bur máma sum magina a mba tcholï Asiri ki Ezipte, a mba tcholï avun alum ma Nil-lâ, avun alum ma Efrat-na, avun alum ma ngolâ, yam ahuniyôna mi, a mba mba gevegiya.

Sofoni 2:11

Ma didina mba mi mbut ni vama mandarâ kaziya, kayam mba mi dap alo ma yam andagad’ina woi pet. Andjaf ma kur tilina pet, nge nge pî mba mi grif kä avorom yam andaga mamba, ata yam ma kaka mi.

Zakari 5:11

Mi hulong dan ala: A i ni ki sed’em Mesopotami ata yima azi mba minim gong mamba kuana. Le a min wa gonga ni, azi mba tinim kua.

Zakari 8:7

An Ma didin ma ad’engên kal petna nga ni dagiya: an mba ni sut man suma a izi magomba abo ma yorogona kabo ma fladegenina.

Zakari 9:2

Ti mba yam suma kur Hamat ta hagad’a ki Damas-sina. Suma Tir-râ ki suma Sidon sumala a ni suma ned’a heyû na pî, ti mba kazi mi.

Romê-na 11:15

Le keng nga a kengêzi woid’a zlap suma kur duniyad’a kAlona ni, fata Alona mi hulongôzïd’a ni nana ge? Ni d’igi suma a tchol akulo karid’a aduk suma matnina na.

Romê-na 11:26

Ni hina ba, andjaf Israel-lâ pet a mba fe suta d’igi mbaktumba hAlonid’a ti de na ala: Ma sut suma mba mi ndeï ni kur Siyon. Mam mba mi pat ahle suma a nga ata yazi d’uo na woi aduk andjafâ hi Jakob-ma.

2 Korente-na 3:16

Wani d’igi mbaktumba hAlonid’a ti de na ala: Sama hulong mi mba gen Ma didinina, baru d’a ka ir ndata a hlat wa woi iramu.

Gat ta a hat á mbàd’id’a 9:29

Hina pet pî, azi ni mang suma ang tazi djonina, ni suma ang buzuguzï woi avo Ezipte ki sib’ik mang nga kal teglesa ki bigang nga nga zid’a kang akulo zid’ina.