Isai 10:9 - Bible azumeina

⁹ Azì ma Kalno-na mi ni d’igi azì ma Karkemis-sâ na d’uo zu? Azì ma Hamat-na mi ni d’igi azì ma Arpat-na na mi d’uo zu? Azì ma Samari-na mi ni d’igi azì ma Damas-sâ na mi d’uo zu?

Isai 10:9 Kruisverwysings

Ad’u Tinda 10:10

Azì ma ngol ma kur leu mambina ni Babel, Erek, Akat ki Kalne; azi pet ni kur ambas sa Sinar-ra.

2 Samuel 8:9

Toi amul ma Hamat-na mi hum ala David mi kus wa yam azigarâ hi Hadadezer-râ pet!

2 Amuleina 16:9

Amul ma Asiri-na mi hum zla mamba, mi i dur ayîna kambas sa Damas-sa, mi hlad’u, mi yo suma kurâ, mi izi magomba Kir, mi tchi Resin ndeyo.

2 Amuleina 17:24

Amul ma Asiri-na mi yoï suma Babilon-na, suma Kuta-na, suma Ava-na, suma Hamat-na ki suma Sefarvayim-ma, mi tchuguzi kur ambas sa Samari-d’a balum Israel-lâ. Azi hlazì ma ngol ma Samari-na, a kak kur azì mat ma nglona pet.

2 Amuleina 18:34

Alo ma Hamat-na ki ma Arpat-na a nga ni lara ge? Alo ma Sefarvayim-ma ki ma Hena-na ki ma Iva-na a nga ni lara ge? Azi sut Samari woi abon ndju? Nga na d’i!

2 Sunda Hamuleinid’a 32:14

Nalo ma lara ma aduk alona handjaf suma abuyon ngolo a dabazi woina, mi ndak á prut sum mama woi abon ba, Alo magina mba mi prud’ugi woi abon nge?

2 Sunda Hamuleinid’a 35:20

Bugol ahle ndazina, kid’a Josiyas mi min gong nga kud’ora hi Ma didinid’a yat ma b’lak keina akulo minda, Neko amul ma Ezipte-na mi i Karkemis avun alum ma Efrat-na á dur ayîna. Josiyas mi nde ngavam á durâ.

Isai 10:8

A dala: Mami suma nglona a ni d’igi amulei suma nglona na d’uo zu?

Isai 17:1

Wana ni zla d’a Ma didina mi dat yam Damas-sa, mi dala: Gola! Damas a mba ndumut aduk azina d’i, wani mba d’i arî djimngil ma b’laka.

Isai 17:3

Ma didin ma ad’engêm kal petna mi dala: Azì ma ad’eng ma ngunguna hi suma Efraim-mina mba mi b’lak keyo, leud’a hi suma Damas-sid’a mba d’i b’lak kei mi. Suma Siri suma a mba arâ a mba ndumuzi ni va d’uo d’igi Israel-lâ na mi.

Isai 33:8

Lovota hurut ni hawa kikid’ik, sa nga mi kal kurut ti. Ma te yamba kad’engina mi but vun ma djinda woyo, mi gol suma glangâsâ is, nga mi he ngol mi sa tu d’i.

Isai 36:19

Alo ma Hamat-na ki ma Arpat-na a nga ni lara ge? Alo ma Sefarvayim-ma mi nga ni lara ge? Azi sut Samari woi abon ndju? Nga na d’i!

Isai 37:11

Ang tang hum zla d’a amulei suma Asiri-na a lat kandaga d’a dinga, a b’lagat teid’a. Ang djib’er ala ang tang mba sud’a zu?

Isai 37:13

Ang wamul ma Hamat-na kamul ma Arpat-na kamul ma Sefarvayim-ma kamul ma Hena-na kamul ma Iva-na, azi nga ni lara ge?

Isai 7:8

kayam Damas nazì ma ngol ma Siri-na, Resin mi te ni kat ndat hol, Samari nazì ma ngol ma Efraim-ma, Peka mi te ni kat ndat hol mi. Ar bizad’a dok karagaya yam vahl, a mba b’lak suma Efraim-ma woyo, a mba ndumuzi andjafâ bugol luo d’a. Le agi tinigi hurugi yam Ma didina d’uo ni, agi ndak á tchologi avorozi d’i.

Jeremi 46:2

Wana ni zla d’a Ma didina mi dat yam Ezipte-na, yam azigar suma hi Faron Neko amul ma Ezipte ma mi nga kaka avun alum ma Efrat-na avo Karkemis-sâ. Ni kua ba, Nebukanezar amul ma Babilon-na mi kus kamu, ni kur biza d’a fid’i d’a Jojakim Josiyas goroma nga mi tamula yam suma Juda-nid’a.

Jeremi 49:23

Wana ni zla d’a a dat yam Damas-sa: Suma Hamat-na ki suma Arpat-na a mbut zulona, kayam azi hum zla d’a de d’a tchod’a, azi tchuk susub’ok. A nga djulul d’igi alum ma ngol ma nga mi tchol b’et tuo na na.

Ezekiyel 47:16

Mba d’i hleï kur azì ma nglo ma Berota-na ki ma Sibrayim-ma suma yam andaga d’a Damas-sa kandaga d’a Hamat-tina, mba d’i hleï kur lovot ta kal kur azì ma ngol ma Haser-Tikon ma go ki hagad’a hi Hauran-ndina.

Habakuk 1:10

A nga las amuleina, a nga san ad’u suma nglona; gulumun ma ad’eng ma d’elezina nga d’i. Azi nga mbu andagad’a ad’um akulo, a nga tup kam á dik azì máma.

Ndumba 34:8

Tchol yam ahina d’a Hor-ra, agi it gak Hamat, agi mbat Sedat.