Isai 10:3 - Bible azumeina

³ Agi mba lagi ni nana kur bur ma ndaka mba d’i mba ki b’lak ka mba d’i tcholï ata yima deinid’a ge? Agi mba ringîgi ni gen nge á fagi ndjunda ge? Agi mba aragi ndjondjoî magid’a ni lara ge?

Isai 10:3 Kruisverwysings

Ad’u Tinda 31:1

Wani Jakob mi hum zlad’a hi Laban groma d’a a nga dala: Jakob mi yo ahlena habuina pet; mi mbut sama ndjondjoîna ni kayam abuya d’a.

2 Amuleina 7:15

Wani suma amulâ sunuzina, a i blogozi gak avun alum ma Jurdê-na, wani azi fe baruna tchuka kä hur lovota ngola kahle suma suma Siri-na a tchuguzi woi abo aneka á ringâ atogona. Suma amulâ sunuzina a hulongî a de zla ndata mamulâ.

Wana ni mbaktumba hi Job-pa 31:14

fata Alona mi tchol akulod’a, an mba ni le ni nana ge? Fata mi mbad’a, an mba ni hulongôm ded’a nana ge?

Zla d’a d’ogolâ 11:4

Ndjondjoîd’a nga d’i le va ki sa kur bur ma ayîna d’i, wani d’ingêra nga d’i prut sana woi avun matna.

Isai 13:6

Agi yorogi tagiya, kayam burâ hi Ma didinina mi ar wa go, nga mi mba ni d’igi b’lak ka ti tcholï ata Ma ad’engêm kal petnid’a na.

Isai 17:4

Kur bur máma Israel-lâ a mba mang ngeyo, hliwizi ma d’orâ mba mi id’a.

Isai 20:6

Kur bur máma suma a nga kaka avun alum ma ngolîna a mba dala: Wana ni suma ei tini huri kazina ni suma ei nga ngeyei tei atazi á ndjuni á sud’i woi abo amul ma Asiri-nina! Ki tchetchemba, ei mba sud’i tei woi ni nana ge?

Isai 26:14

Suma matna a nga hulong kak ki irazi d’uo d’a, suma a bona a nga hulong tchol akulo d’uo mi. Ang mba, ang dabazi wa woyo, ang b’lak djib’er ra suma a djib’eret kazid’a woi pet mi.

Isai 26:21

Kayam Ma didina mi nde woi ata yam ma kaka á ngop suma yam andagad’ina yam tcho mazid’a. Andagad’a mba d’i ar yam buzuna hi suma a tchazina woi pid’agi, mba d’i ngei suma a tchazina kä d’uo d’a.

Isai 28:20

D’igi zla d’a d’ogola de na ala: Azanga mi gid’enga, sana mi ndak á mat tam mbei kam mbi; borogona mi fiyaka keû, sana mi ndak á zlubum kam mbuo mi.

Isai 29:6

Ma didin ma ad’engêm kal petna mba mi mba á ndjun kangî ki breîd’a halonid’a. Andagad’a mba d’i yir ki siwel la kal teglesa ki babar ma bibi’â ki sin aku d’a mba d’i ngal ahlena woid’a.

Isai 30:16

Agi nga dagi ala: Hawa yak! Ami mba djangâmi kakulumeina! Gagazi, agi mba djangâgi kakulumeina, wani ná ringâ! Agi nga dagi ala: Akulumei mamina a djang heî, wani suma a mba digigina, akulumei mazina a mba djang kal tua d’ei!

Isai 30:5

azi pet a mba mbut zulona abo suma a ndak á le vama djivi ki sed’ezi d’uo na, d’oze á ndjunuzi d’oze le vama ding tu kazi d’uo na, wani a mba mbut ni vama mi mangâzi woina.

Isai 30:7

mi Ezipte suma ndjun mazid’a ni d’igi simetna d’oze vama hawa ya’â na na. Ni kayam ndata ba, an yazi ala Rahap, nala, suma abozi nga mi hle á le va d’uo na.

Isai 33:14

Suma le tchod’a a nga le mandarâ kur Siyon, suma a nga le sun nda ata yat tuo d’ina a nga zlak mi. A nga de tazi ala: Ni nge adigei ba, mi ndak á kak go kaku d’a nga d’i ngal bibiliu ndata ge? Ni nge adigei ba, mi ndak á kak go kaku d’a hîhîk ka didin ndata ge?

Isai 39:3

Bugola, Isai ma djok vun Alona mi mba gen amulâ Ezekiyas, mi dum ala: Sum ndazina a dangâ na ge? A tcholï ni lara ge? Ezekiyas mi hulong dum ala: A tcholï ni yam andaga d’a Babilon-nda ata yima deina, a mba geven wana.

Isai 5:14

Kayam ndata, yima azuleina mi ngo nga hohorom mbeyo, mi ngo nga vunam mbei hagak mi. Ata yi máma suma nglona kablau d’a kur azì ma ngol ma Jerusalem-mid’a ki vun mazi ma gandjau ma luna a mba tchuk kä kuru.

Isai 5:26

Ma didina mi hle drapo d’a taka akulo mandjaf suma sä dedeina, nga mi yi andjaf suma dedeina taud’a. Gola! Azi nga b’at tazi á mbad’a atogo zazak.

Jeremi 22:7

An nga ni mba ki suma b’lak yina kagiya. Ni suma a min tazi kahle mazi suma sïnina. A mba kagi agu sedre magi ma djivina kä woyo, a mba tchugum aduk akud’a.

Jeremi 4:30

Ndak Jerusalem mba b’lak keid’a, ndak mba le ni nana? Ndak mba d’i tchuk baru d’a hleud’a atagu, ndak mba d’i tchuk ahle suma lora atagu, ndak mba d’i ndal irak kahle suma djifâ, ndak mba d’i min tak hina pet pî, ni hawa hina. Buniyô’â a mba golok is, a hala’î á tchid’a d’ö.

Jeremi 5:31

Suma djok vuna a nga djok vun ma ka zlad’a, suma ngat buzuna a nga te yamba kad’eng mazid’a, sum mana a min ala ahle ndazina a le hina mi. Wani dabid’a hahle ndazinid’a agi mba lagi ni nana ge?

Jeremi 9:9

An mba ni mba á ngobozi yam zla ndata d’uo zu? An mba ni sä atchugula kandjaf ma hina na mi d’uo zu? An Ma didina ni de na.

Wana ni mbaktumba hi Oze-d’a 5:13

Suma Efraim-ma a we tugud’ei mazid’a, suma Juda-na a we mbil mazina. Suma Efraim-ma a ge sunda ata amul ma ngol ma Asiri-na. Wani amul máma mi nga kad’enga á sud’uzi d’oze a hazi kumana yam mbil mazina d’uo mi.

Wana ni mbaktumba hi Oze-d’a 9:5

Agi mba lagi ni nana kur bur ma vun til ma a ngama, kur bur ma vun tilâ hi Ma didinina ge?

Wana ni mbaktumba hi Oze-d’a 9:7

Bur ma Ma didina mba mi mba á ngobogina nga mi djïya. Gagazi, bur ma hlatchugula nga mi djïya. Agi Israel-lâ, agi mba wagiziya. Agi nga dagi ala: Ma djok vun Alona mi ni lilid’a, sama Muzu’â nga mi zud’uma ni sama yam nga d’uo na. Tcho magi d’a bei dap ndumba ki murud’um magid’a a kal ngola heî.

Amos 5:19

Mba mi mbut ni d’igi sama ring avok azlona mi ngaf ki ursîna na, d’oze mi kal avo hatam mi gabom yam gulumun mama guguina mi ed’ema na mi!

Mise 7:4

Sama djivi ma adigazina mi ni d’igi kekerezeuna na, sama irat ma adigazi ma kalâ mi tchod’a kal azlupa haweid’id’a. Bur ma a ngobogi kua ma magi suma ndjol suma djok vuna a de zlad’a kama, mi mba wa da’, ki tchetchemba, a nga kur tcha d’a tatad’a.

Sofoni 1:18

Bege mazi d’a hap poze lor mazid’a mba d’i prud’uzi woi kur bur ma ayî ma bibiliuna hi Ma didinina d’i. Mba mi ngal andagad’a woi ki zla tat pet kayî mam ma aku ma bibiliuna. Ma didina mba mi b’lak suma yam andagad’a woi kur bur máma. Ni vama mandarâ!

Wana ni Zla d’a Djivi d’a Luc mi b’irita 19:44

Azi mba b’lagagi woi ki sum magina pet, a mba ar ahina yam ndrat akulo d’i, kayam me agi wagi nga bur ma Alona mi mba á ndjunugina d’i.

Gat ta a hat á mbàd’id’a 28:49

Ma didina mba mi tcholï kandjaf ma dei ma sä avun dabid’a handagad’a ma agi nga humum vunam mbuo na. Mba mi sir asem kagi kä d’igi agigilauna mi sir asem yam vama mi vuma na.

1 Pierre 2:12

Ar agi tid’igi d’ingêr aduk suma bei wAlona. Le azi nga tchugugi zlad’a kagi d’igi agi ni suma tchona na pî, azi mba we sun magi d’a djivid’a. Hina wani, azi mba subur Alona kur bur ma mam mba mi mba kuana.