Isai 10:21 - Bible azumeina

²¹ Suma a arâ a mba mba; gagazi, suma hi Jakob suma a arâ a mba mba ata Alo ma ad’engêm kal petna.

Isai 10:21 Kruisverwysings

Esdras 1:4

Yima lara ma Israel suma a arâ a nga kaka kuana, ar suma kak kur yi mámina a ndjunuzi ki bege d’a hapa, lora, d’uwarâ ki he d’a hawa d’a kur min mazid’id’a á min gong nga kud’ora hAlo ma nga avo Jerusalem-ma.

Isai 19:22

Ma didina mba mi to Ezipte-na; mba mi tozi mi kazi mbuleina, wani mba mi tchilizi mbiliziya. Azi mba hulongî gevemu, mam mba mi humuzi tchen mazid’a, mba mi sud’uzi mi.

Isai 37:31

Suma a sut tei aduk suma Juda suma a mba ar kakina, sideyezi mba mi sir kä aduk andagad’a d’igi aguna na, a mba vut ngola.

Isai 46:3

Agi Israel suma hi Jakob suma aragina, agi humugiya. An hlanek magid’a kan ni kid’a a vagi wirigid’a dei, an hlanek magid’a kan ni ata yima a vud’ugina dei mi.

Isai 55:7

Ar sama asa’atna mi ar lovot mam mba tchod’a woyo, ar sama bei d’ingêrâ mi ar djib’er mam mba tchod’a woi mi, ar azi hulongôzi gen Ma didin ma mi wazi hohowozina, ar azi mbeï gen Alo mei ma nga mi kau á vat hurum mbei kei d’uo na.

Isai 59:20

Ma didina mi dala: Ma wurak yam suma nga mi djï kur Siyon yam suma hi Jakob suma a ar tcho mazid’a woina.

Isai 7:3

Ata yi máma Ma didina mi de mi Isai ala: Ang ve gorongâ Seyar-Jasup, ang i ngaf Ahas avun yima b’irlim ma mbina nga tchola kuana, avun lovot ta i kur asine ma suma a mbus buruna kuana.

Isai 9:13

Kayam ndata, Ma didina mba mi ka yamba kandjaud’a kabo amilaûna ki tchereuna woi aduk Israel-lâ kur bur ma tuna mi.

Isai 9:6

Leu mam mba ted’a mba d’i i avogovok ki b’leng nga halas sa bei dabid’id’a. Mba mi kak yam zlam mba amula hi David-ta, mba mi te yam leu mamba, mba mi tin d’ingêra ki gagazid’a hAlonid’a ki tchetchemba gak didin. Wana ni vama Ma didin ma ad’engêm kal petna mba mi lum ki zlezleû mambina.

Jeremi 50:20

Ma didina mi dala: Kur bur máma, ata yi máma, a mba hal tchilad’a hi Israel-lîd’a, a mba fat ti, a mba hal tchod’a hi suma Juda-nid’a, a mba fat tuo mi. Kayam an mba ni vat hurun ndei yam suma an mba ni arazina.

Wana ni mbaktumba hi Oze-d’a 14:1

Agi Israel-lâ, agi hulongôgï gen Ma didina Alo magina, kayam agi pugugi kä yam tcho magid’a.

Wana ni mbaktumba hi Oze-d’a 6:1

Agi mba dagi ala: Agi mbeyegïya, ei hulongeî gen Ma didina. Mam ma kizagei mbuleinina, mba mi tchiliya, mam ma toina, mba mi djini mbiliya.

Wana ni mbaktumba hi Oze-d’a 7:10

Yam mba ad’enga hi Israel-lîd’a nga d’i le glangâsâ kaziya. Hina pet pî, a hulongî nga gen an Ma didina Alo mazina d’i, a halan nga d’uo mi.

Wana ni mbaktumba hi Oze-d’a 7:16

Azi nga hulongîya, wani nga ni gen an Ma sä akulo ma kal teglesâ d’i, Azi ni d’igi yeû d’a bringîzlinga na, amulei mazina a mba puk kä avun ayî ma durâ, kayam zla d’a de d’a tcho d’a ndavunazid’a. Ni kayam ndata ba, a mbut vama sanda yam andaga d’a Ezipte-d’a.

Sunda hi suma a sunuzinid’a 26:20

Wani an tchi wal zla ndata adjeu mi suma Damas-sâ, mi suma Jerusalem-ma, mi suma Jude-na pet kandjaf suma dingâ mi. An tchazi wala kayam azi mbut huruzi yam tcho mazid’a, a hud’ï gen Alona, a le sunda ndak yam mbut hur mazina.