Isai 10:12 - Bible azumeina

¹² Wani fata Salad’a mi ndak vun sun mamba pet yam ahina d’a Siyon-nda ki d’a Jerusalem-mbid’a, mba mi ngop amul ma Asiri-na yam hur mam ma ngolâ, yam yam mam mba ad’enga mi.

Isai 10:12 Kruisverwysings

2 Amuleina 19:31

Kayam suma a arâ a mba buzugï woi Jerusalem, suma a sut teina a mba buzugï woi yam ahina d’a Siyon-nda. Wana ni vama an Ma didin ma ad’engên kal petna tan ndi lan zlezleû kama.

Sawal la giled’a 18:27

Sama yed’etna, ang nga tagam yed’et manga, sama nga mi le sun nda ata yat tuo d’ina, ang nga simid’am sun nda ata yat tuo d’a mi.

Sawal la giled’a 21:10

Bur ma ang mba tak tang ngei irazina, ang mba mbud’uzi ni d’igi agu ma vakud’a hîhî’â na. Ar Ma didina mi b’lagazi woi kayî mama, ar aku mamba ti ngalazi woi mi.

Sawal la giled’a 76:5

Alo mamina, wile manga ki subur manga a kal ahuniyô suma a nga adjeu dedeina.

Zla d’a d’ogolâ 21:4

Subur tad’a ki yam mba ad’enga a nga tak tchod’a hi suma asa’atnid’a woi d’igi lalamba nga d’i b’o na.

Zla d’a d’ogolâ 30:13

Suma dingâ a nga, ni suma yam mba ad’enga, a nga gol suma ki irazi sod’a woi ngrazang.

Isai 2:11

Suma yam mba ad’enga a mba hulongôzi yazi kä, suma a subur tazina a mba grif kä mi. Ni Ma didina tu ba, a mba suburum kur bur máma.

Isai 2:12

Ma didin ma ad’engêm kal petna mi pat nga burâ tu. Kur bur máma mam mba mi hulong yam sama lara ma mi le yam ad’engina d’oze ma mi subur tama d’oze ma mi hle yam akulona kä.

Isai 24:21

Kur bur máma Ma didina mba mi ngop ahle suma sä akulona, mba mi ngop amulei suma yam andagad’a ka hina mi.

Isai 27:7

Ma didina mi to sum mama ni d’igi mi to suma a tozina na zu? Mi tchi sum mama ni d’igi mi tchi suma a tchazina na zu?

Isai 27:9

Ni hina ba, a mba zlup yam tchod’a hi suma hi Jakob-mid’a. Wani ni vut ta bugol la a zlubuzi yam tcho mazid’id’a: A mba to ahina d’a a min ki yima ngal ahle suma ngat buzuna mi fileina tetenga kä woi d’igi a lut ahinad’a a mbud’ut afuta na, a mba tin vama tcheta teteng malo d’a a yat ala Asera-d’a ki filei afata teteng bugol luo d’a.

Isai 29:14

Kayam ndata, an nga ni zut sum ndazina á le atchap yam ahle man suma yoyouna kahle man suma ndandalâ avogovogo. Ned’a hi mazi suma ned’a mba d’i dap peyo, wed’a hi mazi suma wäd’u ahlenid’a mba d’i vit tei mi.

Isai 33:1

Ni zla d’a hohoud’a yam ang ma b’lak suma dingâ bei sa mi b’lagang ang ba na, yam ang ma nga mbut ir suma dingâ bei sa mi mbud’ung ang irang ba na. Fata abong dap á b’lak suma dingîd’a, a mba b’lagang ang mi. Fata ang ar bei mbut ir sumid’a, a mba mbud’ung ang irang mi.

Isai 37:23

Ang ngulî nge? Ang kra’î nge? Ang er ad’ung akulo a lazî nge? Ang hle yang akulo ni yam nge? Ni an Alo ma tin tan irat vat yam Israel-lîna.

Isai 37:29

Ang nga gurut ki sed’enu. An hum ngul la ang nga ngulunda. Kayam ndata, an mba ni tchong atchinangû, an mba ni tchugung djamad’a avunang mi, an mba ni tanang hulongông avo hatang kur lovot ta ang hlad’ïd’a.

Isai 5:15

Kayam ndata, suma pet a mba mbud’uzi zulona, suma yam mba ad’enga a mba hulongôzi yazi kä mi.

Isai 50:11

Gola! Agi pet suma vagi akud’ina, agi suma ganagi akud’a abogina, agi igi aduk aku d’a bibiliu d’a agi vata. Ahle ndazina a tcholï nabo an ba, a mba kagi wana, agi mba bogi ni kur ndaka na.

Isai 65:7

An mba ni wuragagi yam tcho magid’a ki d’a habuyogi ngolod’a. Kayam a ngal dubang ma his djivid’ina yam ahuniyôna, a mbud’un zulona yam yima ndingâ mi. An mba ni wuragazi ndak memet yam sun mazi d’a azi lat adjeud’a.

Isai 9:9

Derengel ma mi to kä woina, ami mba hulong minim kahina d’a tcheta; diyaga d’a a kat teid’a, ami mba hulong pami agu sedrena blangâd’u!

Jeremi 25:29

Kayam Ma didin ma ad’engêm kal petna mi dala: Gola! An nga ni mba ki ndaka yam azì ma ngol ma a nga tchenen kuana avogo. Agi djib’eregi ala agi mba prud’ugi woi bei ngopä zu? Agi mba prud’ugi woi bei ngopa d’i, kayam an nga ni yi suma durâ yam suma yam andagad’ina pet.

Jeremi 50:18

Ni kayam ndata ba, Ma didin ma ad’engêm kal petna, Alona hi Israel-lîna, mi dala: Gola! An nga ni mba á ngop amul ma Babilon-na kambas mamba d’igi an mba adjeu ni ngop amul ma Asiri-na na mi.

Jeremi 50:32

Ta subur tata mba d’i ka azlard’eid’a, ti puk kä. Sama mba mi tcholot akulona nga d’i. An mba ni do azì mat ma nglona akud’a, mba d’i ngal yima nguyutna woi pet mi.

Ezekiyel 31:10

Ni kayam ndata ba, Ma didina mi dala: Mi wul fiyaka gak yam mbi do d’ugula, mi hle yam akulo yam fiyak mamba.

Ezekiyel 31:14

A le hina ni kayambala agu ma avun mbina ma mi tche mbina heîna, mi wul gak yam mbi do d’ugula d’oze mi subur tam yam fiyak mamba d’uo d’a, kayam aguna pet a lum ná matna d’igi suma na, a mba i kä ad’u andagad’a gen suma a i kä azuleina.

Daniel 11:45

Mam mba mi tin zlub’u mam mba amula aduk alum ma ngol ma Mediterane-na kahina d’a a tinit irat vat kur ambasa yat ma djivi ma kalîd’a. Ata yi máma matna mba mi mba kam atogo dumuzi bei sa mi ndjunum ba.

Daniel 4:37

Ki tchetchemba, an Nebukanezar an nga ni gile amul ma akulona, an nga ni hum ngola, an nga ni suburum mi, kayam sun mamba pet ni gagazid’a, lovot mam mba tita pet ni d’ingêr. Ni ma nga mi hulong suma a subur tazina yazi kä na mi.

Ndumba 24:24

Wani batod’a mba d’i tcholï kur til la Kitim-mba, suma kurutna a mba hulong suma Asiri-na yazi kä, a mba hulong yam andjafâ hi Heber-râ kä mi, wani suma kur bato ndatina a mba b’lak kei mi.

Matiye 12:33

Jesus mi had’azi kua ala: Le aguna mi djivid’a ni, vud’umî djivid’a mi. Wani le aguna mi tchod’a ni, vud’um pî ni tchod’a mi, kayam a waguna ni ki vud’umu.

Matiye 15:19

Kayam vama mi ndeï woi kur sanina, ni djib’er ra tchod’a, tchi matna, mizeuna, e’eûd’a, kula, zla d’a kad’a ki ngula mi.

Gat ta a hat á mbàd’id’a 32:27

Wani an nga ki mandarâ ala mazi suma djangûna a mba lazanu, a mba djib’er ala ni azi ba a le sun nda ndandal ndata, a mba djib’er ala ni an ba ni lat tuo.

1 Pierre 4:17

Kayam yina mba wa da á tin ad’u ka sariyad’a yam suma hAlonina. Le a tin ad’ud’a ni yam eya ni, dabid’a hi suma a he nga gagazid’a yam Zla d’a Djivid’a hAlonid’a d’uo na a mba le ni nana ge?