Isai 10:1 - Bible azumeina

¹ Ni zla d’a hohoud’a yam suma a nga he vun ma ata yam mbuo na, yam suma a nga tin gat ta d’ingêr ruo d’a

Isai 10:1 Kruisverwysings

1 Amuleina 21:13

Suma asa’at suma mbà ndazina a mba tchol avok Nabot, a nde tchugum zlad’a kam avok suma pet ala: Nabot, ang ngul Alona, ang ngul amulâ! Ata yi máma sumazina a i ki sed’em mbei bugol azina, a durum kahinad’a baba, a tchumu.

Sawal la giled’a 58:2

Na ni gagazid’a yat ngei kä zu? Agi suma nglona, agi nga dagi gagazid’a woi zu? Agi nga kagi sariyad’a yam suma ata yat tchu?

Buzuk ka Abud’a 23:3

ar agi wagi sama houd’a hohowom ata yima ka sariyad’a d’uo mi.

Buzuk ka Abud’a 23:6

Le sama houd’a mi mba ki sariya mamba avorogiya ni, agi kamzi tchod’a d’i.

Isai 3:11

Wani ni zla d’a hohoud’a yam sama asa’atna! Mam mba mi fe ndaka, kayam a mba wuragam yam sun nda mam tam mi lat kabomba.

Isai 3:14

Nga mi ka sariyad’a yam mam suma nglona, yam suma avok sumina, nga mi dala: Agi b’lagagi guguzlud’a woyo, ahle suma agi hurumuzi abo suma houd’ina a nga avo hatagi mi.

Isai 5:11

Ni zla d’a hohoud’a yam suma a buzuk yorogo tcholol á hal süm ma ayîna suma a hir ad’uzi kä avunam gak andjege dangâla a gurut tei ki sed’ema.

Isai 5:18

Ni zla d’a hohoud’a yam suma a nga tan tchod’a ki ziyona suma a nga tan tcho d’a led’a d’igi amuzleina a tan pusâ na na.

Isai 5:23

Azi nga pat zlad’a woi yam sama zlad’a kama á fe bege d’a mbut ira, a nga mbut zlad’a hi sama d’ingêrîd’a tchod’a mi.

Isai 5:8

Ni zla d’a hohoud’a yam suma a nga nga ad’u azina woi avogovok suma a nga vasinena avogovok gak sa nga mi fe yina hina nde d’uo na tala azi fe yima kaka kur ambasa ni azi go d’a.

Isai 59:13

Ami lami tchod’a avorongû, ami mbud’ung irangû, ami walami woi dei ki ang Alo mamina, ami dami ni zla d’a asa’ata, ami ni suma so vuna, ami dami ni zla d’a kad’a, ami ni suma guruyômi kä kurumi krovona.

Isai 59:4

Agi nga kalagi yam tagi ata lovod’ot ti, agi nga dagi zlad’a ki gagazid’a d’i, agi tinigi hurugi ni yam ahle suma hawa ya’â, agi dagi ni zla d’a kad’a, agi nga vagi wir ra tchod’a, agi vud’ugi ni murud’umba.

Jeremi 22:13

Ni zla d’a hohoud’a yam sama mi min aziyam ki bege d’a mbut ira ma nga mi min gongîyona yam tazi akulo kulo ki lovod’ot tuo ma nga mi ar ndrama mi lum sunda hawa bei mi wuragam bege mambina.

Amos 2:7

a nga miret yam suma kid’aka kä, a nga hum zlad’a hi suma houd’id’a ata yima ka sariyad’a d’i. Gora kabum a nga zlap yam gor atcha d’a tud’a á b’lagan simiyên ma bei tchod’a ba na woyo.

Mise 6:16

Agi hlagi ni zlad’a hamulâ Omri-d’a ki zlad’a hi suma hi Ahap-mid’a, agi tid’igi ni yam d’al mazina. Ni kayam ndata ba, an nga ni mba ki b’laka yam azì magi ma ngolâ, an mba ni mbud’ugi agi suma kuruma vama lasa, agi mba zigi zulona hi sum manina mi.

Habakuk 2:12

Ni zla d’a hohoud’a yam sama mi min aziyam kahlena hi suma mi tchazina, ma gäd’u aziyam ki mat ma tchid’ina.

Habakuk 2:15

Ni zla d’a hohoud’a yam sama mi he vama tche ma ayî ma tchona mi ndrama d’igi süma na na, tala mi gurut gurut ba mam mi wum gandila mamba na.

Habakuk 2:19

Ni zla d’a hohoud’a yam sama nga mi de magu ma a tuwalama ala: Ang tchol akulo na yam ma nga mi de mahina d’a a tuwalata ala: Ndak zlid’a na mi. Na ni a mba had’am zu? A gulud’uzi ni ki lora ki dorona mi, wani a nga muzuk ki.

Habakuk 2:6

Sum ndazina a mba mbud’umî vama lasa ki vama ndala mi d’uo zu? Azi mba dala: Ni zla d’a hohoud’a yam sama tok ahlena hi ndromina, ni zla d’a hohoud’a yam sama nga mi tok godjined’a kama; mba mi le hina ni gak mindja ge?

Habakuk 2:9

Ni zla d’a hohoud’a yam sama nga mi tok bege d’a mbut ira á mbut tam ad’engina, á sut tam mbei kur bur ma ndaka mba kama.

Matiye 11:21

Mi dazi ala: Ni zla d’a hohoud’a kagi agi suma Korazin-na. Ni zla d’a hohoud’a kagi agi suma Betsaida-na. Kayam an ladjï sun nda ndandal la wanda aduk suma Tir-râ ki suma Sidon-na d’igi an lat adigagi agi na ni, azi mbut wa huruzi dedei, a tchuk wa baru d’a dodora ki butna kazi mi.

Matiye 23:23

Ni zla d’a hohoud’a kagi agi suma hat gata ki Fariziyê suma lop ira, kayam agi nga hagi dim d’utna, nala, mêta ki aneta ki kumina. Agi aragi ahle suma kal tegles kur gatina woi ta, nala, d’ingêra ki we hohowa suma ki d’engzenga. Djivid’a agi lagi ahle ndazina bei ar suma hiuna woi mi.

Matiye 23:27

Ni zla d’a hohoud’a kagi agi suma hat gata ki Fariziyê suma lop ira, kayam agi ni d’igi asu d’a a gulud’ut hapid’a na. Ti djifa abu á gola, wani krovo ni oîd’a kaso’â hi suma matnina kahle suma tchimba pet mi.

Matiye 23:29

Jesus mi de kua ala: Ni zla d’a hohoud’a kagi agi suma hat gata ki Fariziyê suma lop ira, kayam agi nga minigi asud’a hi suma djok vun Alonid’a, agi minigi yam asud’a hi suma d’ingêrîd’a djifa mi. Agi nga dagi ala:

Matiye 26:24

An Gor Sana nga ni i á matna d’igi a b’ir kan kur mbaktumba hAlonid’a na. Wani ni zla d’a hohoud’a yam sama kol ma mba mi han an Gor Sana abo sumina. Sa máma ladjï a vud’um mbuo pî ni, hotei.

Wana ni Zla d’a Djivi d’a Luc mi b’irita 11:52

Ni zla d’a hohoud’a kagi agi suma hat gata, kayam agi hlagi vun lakled’a hi ned’id’a woyo. Agi tagi nga kalagi kua d’i, wani suma a min á kal kuana, agi nga d’eleziya.

Jean 19:6

Kid’a nglo suma ngat buzuna ki suma a ngom yina a wumba, a de ki delezi akulo ala: B’alam akulo ata aguna, b’alam akulo ata aguna. Pilat mi dazi ala: Agi tagi vagiziya, agi b’alagizi akulo, kayam an fe nga zla kam mbi.

Jean 9:22

Simiyêm a de hina ni kayamba azi nga le mandara Juif-fâ, kayam Juif-fâ a ndjak vunazi avok ala le sama de woi ala Jesus ni Mesi-yu na ni, a mba digim mbei kur gong mazi d’a toka.

Jude 1:11

Ni zla d’a hohoud’a kaziya, kayam a hle ni lovota hi Kain-nda, a he tazi yam d’od’oka hi beged’id’a d’igi Baläm na, a ba woyo, kayam azi le yam mba ad’enga d’igi Kore na.