Isai 1:9 - Bible azumeina

⁹ Ladjï Ma didin ma ad’engêm kal petna mi ngomei ad’ui d’a ar nded’a d’uo ni, ei mbud’i wa ni d’igi Sodom na, ei mbud’i wa ni d’igi Gomor na mi.

Isai 1:9 Kruisverwysings

Ad’u Tinda 18:26

Ma didina mi hulong dum ala: Le an fe suma d’ingêrâ kur azì ma Sodom-ma dok vazlû ni, an mba ni vat hurun ndei yam azì máma yam sum ndazina.

Ad’u Tinda 18:32

Abraham mi hulong dum kua ala: Salana, ar hurung zal li, an nga ni dang zlad’a kua; le ang fe suma d’ingêrâ dogo mi na? Ma didina mi hulong dum ala: Yam suma dogona, an mba ni b’lagam mbi.

Ad’u Tinda 19:24

Ma didina nde mi yagï sufred’a kakud’a ei akulo yam Sodom ki Gomor.

1 Amuleina 19:18

Wani an mba ni ngom Israel-lâ kan dudubu kid’iziya suma a grif nga kä avok alo ma a yum ala Bäl-lâ á kud’urom mbuo na.

2 Amuleina 19:4

Amul ma Asiri-na mi sunï mam ma avun ma ngolîna á ngul Alo ma bei matna. Dam Ma didina Alo mangâ mi hum wa ngul ndata pet, dam mba mi ngobom yam zla d’a mam humuta kla. Ki tchetchemba, ang tchen Ma didina yam mam suma a arâ.

Isai 1:8

Jerusalem ti arî vat tu d’igi zlub’u d’a aduk asine ma guguzlud’id’a na d’oze d’igi paga d’a a pat aduk asine ma kurdunid’a na d’oze d’igi azì ma ngol ma a nguyum akulo á durîna na.

Isai 11:11

Kur bur máma Ma didina mba mi mat abom kua yam á mbàd’a á prut mam suma ad’uzi mba d’i ar abo suma Asiri-na, abo suma Ezipte-na, abo suma Patros-sâ, abo suma Etiyopi-na, abo suma Elam-ma, abo suma Sinar-râ, abo suma Hamat-na, abo suma a nga kaka yam tila halum ma ngolîd’a woi mi.

Isai 11:16

Mba mi mal lovota avok mam suma a mba ar abo suma Asiri-nina d’igi mi mal lovota woi yam tu avok Israel-lâ kur bur ma mi buzuguzï woi kur ambas sa Ezipte-d’ina na.

Isai 17:6

Ma didina Alona hi Israel-lîna mi dala: Israel-lâ a mba arî d’igi hele ma suma a tchuma d’oze d’igi agu olif ma suma a tchum ki agigleuna mi ar akulo ata aguwam mbà d’oze hindi d’oze fid’i d’oze vahl ata aboma na.

Isai 24:13

Zla ndata mba d’i mba kur ambasa aduk suma ni d’igi a tchi vud’agu olifâ na, d’igi sana mi tchi helena balum guguzlu d’a a d’ud’ut teid’a na mi.

Isai 24:6

Kayam ndata, andagad’a ti b’lak kei abo vun ma ged’a hAlonina. Suma a nga kaka kurutna a hlaneka hi tcho mazid’id’a kaziya. Kayam ndata, a dap peyo, a arî akid’eid’a ngiyeû go.

Isai 37:4

Amul ma Asiri-na mi sunï mam ma avun ma ngolîna á ngul Alo ma bei matna. Dam Ma didina Alo mangâ mi hum wa ngul ndata pet, dam mba mi ngobom yam zla d’a mam humuta kla. Ki tchetchemba, ang tchen Ma didina yam mam suma a arâ.

Isai 46:3

Agi Israel suma hi Jakob suma aragina, agi humugiya. An hlanek magid’a kan ni kid’a a vagi wirigid’a dei, an hlanek magid’a kan ni ata yima a vud’ugina dei mi.

Isai 6:13

Le ma dogona mi ar adigazi pî, mba mi kalî aduk akud’a, wani ni d’igi agu terebêna d’oze agu sena sideyezi mi hud’ur ata yima a kazi woi kuana na. Nala, sidiyem mba mi vut nandjaf ma yed’etna.

Isai 65:8

Ma didina mi dala: Ata yima guguzlud’a nga bei ned’a ata adezet tua na, suma a nga dala a b’lagat tei d’i, kayam vama djivina mi nga kua. An mba ni le kazungeî mana ni hina mi, an mba ni dabazi woi pet ti.

Jeremi 23:14

Wani an we sun nda ndjendje d’a kala nga aduk suma djok vun suma Jerusalem-ma. A nga le mizeuna, a nga tit ni kur zla d’a kad’a, a nga had’enga mi suma asa’atna, a nga ar lovota mi sa tu á hulongî woi kur sun mam mba asa’ata d’i. Azi pet a mbut iran ni d’igi suma Sodom-ma na, suma a nga kaka avo Jerusalem-ma a mbut iran ni d’igi suma Gomor-râ na mi.

Jeremi 42:2

a de mi ma djok vun Alona Jeremi ala: Ar ang hum tchen mami d’a hud’a. Ang tchen Ma didina Alo mangâ yam djivid’a hi ami suma aramina pet. Kayam avok ami nablaud’a, wani ki tchetchemba, ami arami nakid’eid’a d’igi ang we ki irang ini na.

Jeremi 50:20

Ma didina mi dala: Kur bur máma, ata yi máma, a mba hal tchilad’a hi Israel-lîd’a, a mba fat ti, a mba hal tchod’a hi suma Juda-nid’a, a mba fat tuo mi. Kayam an mba ni vat hurun ndei yam suma an mba ni arazina.

Hor ma tchina 3:22

Djivi d’a tetenga hi Ma didinid’a nga d’i dap pi, we hohou mamba ti dap nga d’uo tua mi.

Hor ma tchina 4:6

Tchod’a hi sum manid’a, ti ngola kal tchod’a hi Sodom mba a b’lagat tei atogo hina zak bei sa mi tin abom atat ba d’a.

Ezekiyel 14:22

suma a mba ar kurutna a mba mba ki gro andjofâ ki gro aropma. Gola! A mba buzugï woi a mbeï gevegi kur magomba. Agi mba gologi tit mazid’a ki sun mazi d’a led’a, hurugi mba mi b’leng yam ndak ka an mbat yam Jerusalem-mba, yam ahlena pet suma an mbattchi katna mi.

Ezekiyel 6:8

Wani fata an mba ni ndjoyôgi woi yam ambasa tetenga, an mba ni sut suma dingâ adigagiya. Ni suma a mba sut avun ayî ma durâ aduk andjaf sumina.

Joel 2:32

Ata yi máma sama lara pî ma mba mi yi Ma didina á ndjunuma, mba mi fe suta, kayam a mba fe yima ngeid’a yam ahina d’a Siyon-nda avo Jerusalem yam suma a mba sutna d’igi Ma didina mi de na. Ni suma mam mba mi yazi á sutina.

Amos 4:11

An b’lagagi woi d’igi an b’lak Sodom ki Gomor rei na, agi sud’ugi ni d’igi sana mi tanï vana woi aduk akud’a na. Hina pet pî, agi hulongôgï nga geven ndi. An Ma didina ni de na.

Habakuk 3:2

Ma didina, an hum zla d’a ang data, Ma didina, mandarâ van heî abo sun mang nga led’a. Ang le sun manga kur atchogoi mamid’a d’igi ang lat adjeu na; kur atchogoi mamid’a ang tagat tei mi suma. Le hurung zal pî, ar ang djib’er yam we hohou mang nga kamid’a.

Sofoni 2:9

Kayam ndata, an ma bei matna Ma didin ma ad’engên kal petna, Alona hi Israel-lîna, ni dala: Mowap mba d’i mbut ni d’igi Sodom na, Amon mba d’i mbut ni d’igi Gomor na. Yazi mba mi se kekerezeuna, mba mi mbut ni zul la a djugot ndjuvuna kuad’a, mba mi arî djona ki iram fafat. Sum mana ad’uzi d’a ara a mba hurumuziya, andjaf man suma a mba ar nde na a mba hlambas mazid’a mi.

Matiye 7:14

Kayam lovot ta i kur arid’id’a tad’enga heî, vun agre’â mi ni mbed’et mi, suma fatna a nakid’eid’a mi.

Romê-na 9:27

Isai mi de ki delem akulo yam Israel-lâ ala: Ndumba hi gro Israel-lîd’a, ti le ni d’igi les ma avun alum ma ngolîna na pî, nad’uzi d’a ara ba, a mba fe suta.

Romê-na 9:29

D’igi Isai mi de adjeu na ala: Ladjï Ma didin ma ad’engêm kal petna mi arei andjavei hina nde d’uo ni, ei mbud’i wa ni d’igi Sodom na, ei mbud’i wa ni d’igi Gomor na mi.

Gat ta a hat á mbàd’id’a 29:23

a mba we sama zar awu kat ti, va mba mi deî kat ti, asu mba mi d’uf kat tuo mi, mba d’i hle tat ni d’igi Sodom, Gomor, Atma ki Seboyim suma Ma didina mi b’lagazi woi kur ayî mama ki hur mam ma zalina na.

2 Pierre 2:6

Alona mi ka sariyad’a yam azì ma Sodom-ma ki ma Gomor-râ, mi ngalam mbei kakud’a, kayam mi arî vama simata mi suma a min le tchod’ina.

Vama ndum mbeina 11:8

Mad’azi mba mi ar akulo hur azì ma ngolâ, ata yima a b’al Salazina akulo ata aguna kuana. Azì máma a yum ki d’ogolâ ala Sodom mboze Ezipte.