Isai 1:8 - Bible azumeina

⁸ Jerusalem ti arî vat tu d’igi zlub’u d’a aduk asine ma guguzlud’id’a na d’oze d’igi paga d’a a pat aduk asine ma kurdunid’a na d’oze d’igi azì ma ngol ma a nguyum akulo á durîna na.

Isai 1:8 Kruisverwysings

Wana ni mbaktumba hi Job-pa 27:18

Mi min aziyamî d’igi ma hi vivingîna na, d’igi guruna hi sama mi ngom asinenina na.

Sawal la giled’a 9:14

Ma didina, ang wan hohowonu, ang we ndak ka man suma djangûna a nga ndaganda, ang prud’un ndei abo matna,

Isai 1:7

Ambas magi ti mbut hur fulâ, aziyagi ma nglona a ngalam mbeyo. Andjaf suma dingâ a mba a b’lagagi ahle suma yam andaga magid’ina kä iragiya, va mi ar nga kat ti. Wana ni b’lak ka d’i tcholï ata andjaf suma dingîd’a.

Isai 1:9

Ladjï Ma didin ma ad’engêm kal petna mi ngomei ad’ui d’a ar nded’a d’uo ni, ei mbud’i wa ni d’igi Sodom na, ei mbud’i wa ni d’igi Gomor na mi.

Isai 10:32

Ini, ini a tchol kä Nop, abozi mi nga zid’a kazi akulo á ngop ahina d’a Siyon-nda, nala, yima nding ma Jerusalem-ma.

Isai 29:3

An mba ni nguyung ki kang mana d’uhl, an mba ni nguyung kahle suma fuyogei suma ndjola ata yina teteng, an mba ni mbu andaga akulo ad’ung nguyung ngei d’uhl mi.

Isai 30:17

Ata ngopa hi sama tunid’a, suma dubu a mba ringâ, ata ngopa hi suma vahlîd’a, agi mba ringîgi gak agi mba aragi ni d’igi agu ma fiyak ma ar tchola akulo yam ahinad’a vam tuna na, d’igi vama tak ma yam yima ndingîna na mi.

Isai 37:22

Ki tchetchemba, ang hum zla d’a mi dat kamba ala: Ang Sanakerip, azì ma ngol ma Siyon-na mi golong is, mi san ad’ungû, Jerusalem mba djifâ ti hle yat tei ad’ungû.

Isai 37:4

Amul ma Asiri-na mi sunï mam ma avun ma ngolîna á ngul Alo ma bei matna. Dam Ma didina Alo mangâ mi hum wa ngul ndata pet, dam mba mi ngobom yam zla d’a mam humuta kla. Ki tchetchemba, ang tchen Ma didina yam mam suma a arâ.

Isai 4:4

Ma didina mba mi mbus ndjendjed’a harop suma Jerusalem-ma woyo, mba mi mbus buzu ma djang ngei kur Siyon-na woi ki simet ma mbud’uzi d’ingêr ma mbud’uzi yed’et mi na.

Isai 49:21

Ndak mba d’i de kuruk ala: Ni nge ba, mi vud’uk gro ndazina ge? Kayam grona a dap peyo, an ni gendreged’a, a i ki sed’en magomba, a digin ndeyo. Ni nge wuluzi ge? An arî van tu. Sum ndazina a tcholï ni lara ge?

Isai 62:11

Gola! Ma didina nga mi de zla ndata woi yam andagad’a pet ala: Agi dagi mi suma Siyon-na ala: Gola! Magi ma suta nga mi djï ki wurak mamba abomu. Gola! Wurak ka yam sun mambid’a nga abom mi.

Isai 8:8

mba mi kal yam ambas sa Juda-d’a, mba mi sulul lei avunamu, mba mi hle yina gak mbang keleng ta. Ang Emanuel, ndja d’a mi ndja abom mbei tetenga, mba mi oî yam ambas manga.

Jeremi 4:17

Ma didina mi de kua ala: Gola! A ngui wa Jerusalem d’uhl d’igi suma a ngom asinenina na, kayam ndat ti humun nga vunan ndi.

Jeremi 6:2

Ndak Siyon nda djif fa kal teglesa, an mba ni b’lagak keyo!

Hor ma tchina 2:1

Alë! Ni nana ba, Salad’a kur ayî mama mi zlup gor wei d’a Siyon-nda kä ki d’ugula ge? Mi geï subura hi Israel-lîd’a akulo dei gak ti nde kä yam andagad’a. Kur ayî mama mi djib’er nga d’ala ndat ni vama d’igal asema d’a d’i.

Hor ma tchina 2:6

Mi hô kangâ mama woi kad’enga d’igi kangâ ma a gum yam asinenina na, mi b’lak yi mam ma toka woyo. Ma didina mi zut suma kur Siyon-na á mar yam tok ka vun tilâ ki bur ma sabatna. Kur hur mam ma zala, mi hamulâ ki ma ngat buzuna abo suma á lazi ndaka.

Zakari 2:10

Ma didina mi dala: Agi suma Siyon-na, agi eregi ad’ugi akulo lagi furîd’a, kayam an nga ni djïza á kak adigagiya.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Jean 12:15

Agi suma Siyon-na, agi lagi mandar ri. Gola! Amul magina nga mi djïya, mi nga kak kä yam gor korona.