Isai 1:7 - Bible azumeina

⁷ Ambas magi ti mbut hur fulâ, aziyagi ma nglona a ngalam mbeyo. Andjaf suma dingâ a mba a b’lagagi ahle suma yam andaga magid’ina kä iragiya, va mi ar nga kat ti. Wana ni b’lak ka d’i tcholï ata andjaf suma dingîd’a.

Isai 1:7 Kruisverwysings

2 Sunda Hamuleinid’a 28:5

Kayam ndata, Ma didina Alo mama mi hum abo amul ma Siri-na. Suma Siri-na a kus kamu, a yo sum mama ablaud’a, a i ki sed’ezi Damas. Mi hum abo amul ma Israel-lâ mi, mi kus kam kus sa ngola.

Sawal la giled’a 107:34

mi mbut ambas sa tub’ad’a ambas sa himbirâ, kayam asa’ata hi suma kurutnid’a.

Sawal la giled’a 107:39

Wani ata yima suma hAlonina a feî a dodong kä abo sun nda magomba ki djop vuna ki kid’eî irina,

Sawal la giled’a 109:11

Ar sama mi he beged’a mi suma ki mbinina, mi hurumum ahle mama kad’enga, ar angoyogeina a hurum ahle suma mi fe ndaka ki sed’ezina!

Isai 1:8

Jerusalem ti arî vat tu d’igi zlub’u d’a aduk asine ma guguzlud’id’a na d’oze d’igi paga d’a a pat aduk asine ma kurdunid’a na d’oze d’igi azì ma ngol ma a nguyum akulo á durîna na.

Isai 3:8

Gagazi, azì ma Jerusalem-ma mi b’lak keyo, leu d’a Juda-d’a ti puka mi. Kayam zla mazi d’a ded’a ki sun mazid’a a kak djangûna ki Ma didina, a nga ngulum avunam mi.

Isai 34:9

Toliyon nda Edom-mba mba d’i mbut ni d’igi dubangâ na; andaga mat ta gugud’upa mba d’i mbut d’igi sufred’a na mi; andaga mata mba d’i mbut ni d’igi dubang ma nga mi ngalâ na.

Isai 49:19

Yi mak ma a b’lagam mbei ma ar hawa papana na, kandaga mak ka b’lak keid’a mba d’i kid’ak suma á kaka. Wani suma a b’lagak keina a mba wal lei dei ki sed’ek mi.

Isai 5:17

Tumiyôna a mba te hur azì ma ngol ma b’lak keina d’igi yi mazi ma tena na, b’ogei suma gureina a mba hal te mazina kua á d’or tazi mi.

Isai 5:9

Wana ni vama Ma didin ma ad’engêm kal petna mi ndandji woina: Gagazi, azì ma ablau máma mba mi b’lak keyo, azì ma nglo ma djif máma, a mba fe sama kak kurum mbuo mi.

Isai 6:11

Ata yi máma an djobom ala: Salad’a, ni mindja ba, ang mba ar ahle ndazina ge? Mi hulong dan ala: Gak azì ma ngolâ mi b’lak kei kakazeî bei fe sa kurum ba, azina mi ar hawa kolohong, ambasa ti mbut ni hur fulâ mbeî.

Isai 60:15

Gagazi, a arak keyo, a noyôk kei mi. Sa nga mi kal avo hatak ki. Wani ki tchetchemba, an nga ni mbud’uk vama subura burâ ki burâ, an nga ni mbud’uk vama furîd’a kur atchogoi d’a lara ge pet mi.

Isai 62:8

Ma didina mi gun tam kabom ma ndjufâ ki bigam mba sib’ika ala: An mba ni ar mak suma djangûna a mba tawu ma’â d’uo d’a, an mba ni ar andjaf suma dingâ grozina a mba tche süm guguzlu d’a ndak zumuta d’uo mi.

Isai 64:10

Gong mami d’a kud’or ra a tinit irat vat ta subur ra abuyomi ngolo a gileng kuad’a, ti mbut wa vama a ngalam kakud’ina, ahle suma ami lami kazi heîna a b’lak wa woi mi.

Isai 9:18

Abo ayîna hi Ma didin ma ad’engêm kal petnina, ambasa ti vakud’a, abo ayîna hi Ma didinina, suma a mbut ni vam tena hakud’ina, sa nga mi keng wiyem mbei d’uo mi.

Isai 9:5

Kayam mba d’i vud’i gorâ, Alona mba mi hei gorâ. Mba mi tinim á te yamba, mba mi yum ala Ma suma a le atchap kama, Ma de d’alâ, Alo ma ad’engêm kal petna, Abu d’a didinda, Amulâ hi halasina.

Jeremi 2:15

A nga tozi breîd’a d’igi gro azlona mi to breîd’a na, a b’lagazi ambas mazi d’a woyo, a mbud’uzi mandarâ, a b’lagazi azì mazi ma nglona woyo, sama kak kua nga d’uo mi.

Jeremi 4:7

Gola! Azlona mi nde woi kur domi mama. Ma b’lak andjaf suma mi nde wa woi avo hatam á b’lak suma, nga mi djï á b’lak ambas magid’a woyo, á to azì magi ma nglona kä woi ndjandjap, a mba fe sama kak kur ri.

Jeremi 44:6

Ayî mana ki hur man ma zal ma gugulu’â a wet teyo, a ngal azì ma nglo ma Juda-na ki ir palum mba Jerusalem-mba suma a mbut ini ni djona ki fula d’igi a nga wazi ini na na.

Jeremi 6:8

Ndak Jerusalem, ndak hum gat ta an nga ni daksid’a. Le d’uo ni, an mba ni wal lei ki sed’egu, an mba ni mbud’uk djona, an mba ni mbud’uk ambas sa sa mba mi kak kurut tuo d’a mi.

Jeremi 7:34

An mba ni seng vun suma kur azì ma nglo ma Juda-na ki vun suma ir palum mba Jerusalem-mbina. A mba hum del sawal la furîd’a d’oze sawal la hur ma hapma d’oze sawala hi gor azong ma vatchad’a awilina d’oze sawala hi gor wei d’a teleta d’uo mi, kayam ambasa mba d’i b’lak keyo.

Hor ma tchina 5:2

Djo mamina a hum wa mandjaf ma dingâ, a he wa aziyami mi suma ami wazi nga d’uo na.

Ezekiyel 25:4

Ni kayam zla ndata ba, an nga ni hagi woi abo suma abo ma yorogonina. Azi mba ge kangâ mazina kur ambas magid’a, azi mba min yi mazi ma kaka adigagiya. Ni azi ba, a mba te vud’agu magina, a mba tche ambir magid’a mi.

Ezekiyel 30:12

An mba ni so abo alum ma Nil ma tetengâ woyo, an mba ni hambasa woi abo suma asa’atna, an mba ni zut ambasa abo suma dingâ a mba arat djona kahle suma kurutna. An Ma didina ni de na.

Wana ni mbaktumba hi Oze-d’a 7:9

Andjaf suma dingâ a nga tazi ad’engêziya, wani azi nga we d’i. Abusa nga d’i deî kazi ko, wani azi nga we d’uo mi.

Wana ni mbaktumba hi Oze-d’a 8:7

Kayam agi zaragi ni simetna, agi mba dud’ugi ni babarâ! Agi mba fagi yam awu d’i, agi mba fagi afuta kua d’uo mi. Le mi le irâ pî, andjaf suma dingâ a mba dud’umî aziya.

Sunda hi suma hi Levi-nid’a 26:33

An mba ni ndjoyôgi woi vivreng kayî ma durâ; ambas magid’a mba d’i mbut nambas sa abageid’a, azì magi ma nglona mba mi arî djona mi.

Sunda hi suma hi Levi-nid’a 26:34

Ata yi máma ambasa mba d’i mbut awilid’a yam biza mat ta sabat ta tuk tad’a ata yima lara ma ndat mba d’i ar djonina, ata yima agi sä kur ambasa hi magi suma djangûnid’ina. Ata yi máma ambasa mba d’i tuk tad’u, ti mba d’i mbut awilid’a yam biza mat ta sabat ta tuk tad’a.

Mise 5:11

An mba ni dap magi suma kumana woyo, a mba fe sama mi djop ki tchitchiud’ina avo hatagi d’uo mi.

Mise 6:13

Ni kayam ndata ba, an mba ni togi ki ndaka, an mba ni b’lagagi woi yam tcho magid’a mi.

Gat ta a hat á mbàd’id’a 28:33

Andjaf suma agi wazi nga yagi tu d’uo na, a mba tawu magina, a mba tahle suma agi mba fazina, a mba djobogi vunagi burâ ki burâ, a mba mired’egi kä kasezi mi.

Gat ta a hat á mbàd’id’a 28:43

Angoyogei suma a mba kak adigagina, a mba i avogovogo, a mba kalagi kad’enga, wani agi mba dadagagi woi bugolo.

Gat ta a hat á mbàd’id’a 29:23

a mba we sama zar awu kat ti, va mba mi deî kat ti, asu mba mi d’uf kat tuo mi, mba d’i hle tat ni d’igi Sodom, Gomor, Atma ki Seboyim suma Ma didina mi b’lagazi woi kur ayî mama ki hur mam ma zalina na.