Isai 1:27 - Bible azumeina

²⁷ Ma didina mba mi prut Siyon ndei ni fata ti tit yam d’ingêrid’a, mam mba mi sut suma kurutna woi ni fata a mbut huruzi yam tcho mazid’id’a mi.

Isai 1:27 Kruisverwysings

Isai 35:10

Ni hina ba, suma Ma didina mi tchuguzi akulona a mba hulongîya, a mba mba kur Siyon ki sawal la bangâna avunaziya, a mba le furîd’a gak didin. A mba le hur ma hapma, a mba aî mi. Hur ma wurana ki zam tad’a a mba kal leyo.

Isai 35:9

Lovot ndata a mba fazlo kua d’i, ambur ma ayî mba mi hlat ti, sa mba mi ngavam kua d’uo mi. Suma Ma didina mi wurak kazina, a mba tit kua ni aziya.

Isai 5:16

Ma didin ma ad’engêm kal petna, a mba suburum yam sariya mam mba ka d’a d’ingêra. Alo ma bei tchod’a ba na mba mi tak tam mbei ala mam mi Ma bei tchod’a ba na yam d’ingêr mamba.

Isai 51:4

Ma didina mi dala: Sum mana, agi humugi djiviya. Agi andjaf mana, agi tinigi humagiya. Ni an ba, nga ni de gata; sariya d’a an nga ni kata mba d’i mbut ni b’od’a hi sumid’a.

Isai 52:3

Ma didina mi dala: A guzugi woi ni hawa na, a mba hulongôgi ni hawa na bei wurak bege kagi ba mi.

Isai 54:14

Ndak mba d’i sira ngingi kur d’ingêra, ndak mba d’i wal lei dei ki djop vuna, kayam ndak mba d’i le mandara va tu d’i. Ndak mba d’i dik mandarâ woyo, kayam mba mi hud’ï gevek go d’i.

Isai 62:12

A mba yagi ala Suma a tinizi irazi vazina, a mba yagi ala Suma Ma didina mi tchuguzi akulona. Ndak Jerusalem, a mba yak ala Azì ma ngol ma a aram mbeina d’uo d’a, wani a mba yak ala Ta a le kat heîd’a.

Isai 63:4

Kayam bur ma sä atchugula nga kurun adjeu dei, biza d’a wurak yam sum manid’a ti mba wa.

Wana ni mbaktumba hi Oze-d’a 2:19

An mba ni tchi simiyê Bäl lei avunat tala ti djib’er yam simiyê alo ma teteng máma d’uo d’angû d’a.

Mise 6:5

Agi sum mana, agi djib’eregi yam zla d’a Balak amul ma Mowap-ma mi ngat kurumba, Baläm Beyor goroma mi hulongôm humba na na ge? Tinï ad’ud’a Sitim dei gak mba Gilgal agi wagi sun nda djivi d’a an Ma didina ni lat ki sed’egid’a.

1 Korente-na 1:30

Wani Alona mi zlabagi wa tu ki Jesus Christ, mi mbut Christ ne meid’a mi. Ni yam Christ ba, ei mbud’i suma d’ingêrâ avok Alona, mi mbud’i suma hAlonina, mi pad’ei woi mi.

2 Korente-na 5:21

Christ ni sama bei tchod’a ba na, wani Alona mi mbud’um tchod’a keya, kayam ei mbud’i suma d’ingêrâ avorom zlapa tu ki mamu.

Wana ni mbaktum mba Paul mi b’irit mi Tit-ta 2:14

Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.