Isai 1:2 - Bible azumeina

² Ndak akulod’a, ndak huma, ndak andagad’a, ndak tin humak hum mi, kayam Ma didina nga mi de zlad’a. Mi dala: An ngom gugureina, an wuluzi a djeng nglod’a, Wani a tchol huneîd’a ki sed’enu.

Isai 1:2 Kruisverwysings

2 Amuleina 21:22

Mi tit nga kur lovota hi Ma didinid’a d’i, wani mi ar Ma didina Alona habuyom ngolona woyo.

Sawal la giled’a 49:1

Ni sawal la Kore groma a hlat a hat mi ma ngolâ hi suma hle sawalina.

Sawal la giled’a 50:4

Nga mi yi akulod’a kandagad’a á le glangâsâ kayam mam ka sariyad’a yam sum mama.

Isai 30:1

Ma didina mi dala: Ni zla d’a hohoud’a yam agi gro suma bei hum vuna ba na. Kayam agi nga lagi sunda yam nga hur ma tcholï nga atan nduo na, agi nga djinigi vunagi yam zla d’a bei an kua ba d’a á tok tchod’a yam ndrat tchod’a.

Isai 30:9

Kayam sum ndazina a ni suma bei hum vuna, a ni gro suma ka zlad’a, a ni gro suma a nga hum gata hi an Ma didinid’a d’uo na mi.

Isai 31:6

Agi Israel-lâ, agi hulongôgï gen ma agi aram mbei ki iragi fafatna.

Isai 34:1

Agi andjaf suma, agi hud’ï go á humba agi suma, agi tinigi humagiya. Ar andagad’a kahle suma kurutna pet a huma, ar duniyad’a kahle suma a nga kurutna pet a hum mi.

Isai 63:16

Kayam angî Abumiya. Abraham mi wami nga d’i, Israel ko mi wami nga d’ala ami ni na d’a d’uo mi. Ni ang Ma didina tu ba, nAbumiya, ni ang ma yang kad’u tinda dedei ala Mami ma sutä na.

Isai 65:2

An nga ni mat abon burâ ki burâ mandjaf suma bei hum vuna, ni suma a nga tit hur lovot mazi d’a tchod’a yam djib’er mazid’ina.

Jeremi 13:15

Agi humugiya, agi tinigi humagiya, agi lagi yam mba ad’enga d’i, kayam Ma didina nga mi dagi zlad’a.

Jeremi 22:29

Ndak andagad’a, ndak andagad’a, ndak andagad’a, ndak hum zla d’a Ma didina mi data.

Jeremi 3:22

Agi suma bei hum vuna, agi hulongôgïya, an mba ni sud’ugi woi kur tcha tata magid’a. Israel-lâ a hulong dum ala: Ami nga imiza gevengû, kayam angî Ma didina Alo mamina.

Jeremi 31:9

Azi mba mba ki tchina. An mba ni b’lengêzi huruziya, an mba ni i ki sed’ezi avun toliyon nda mbina ki lovot ta papana d’a azi mba puk kä kua d’uo d’a. Kayam an ni Israel Abumu, Efraim ni goron ma ngolâ mi.

Jeremi 6:19

Agi suma yam andagad’ina pet, agi humugiya! Gola! An nga ni mba ki ndaka yam sum ndazina. Ni wurak ka yam djib’er mazid’id’a, kayam a tin nga humazi yam zla manda d’i, a gol gat manda is mi.

Ezekiyel 24:3

Ang de zla d’a d’ogol la wanda mandjaf ma bei hum vunina, ang dazi ala: Salad’a Ma didina nga mi dagiya: Agi tinigi deina akua, agi vogi mbina kurumu,

Ezekiyel 36:4

Kayam ndata, agi ahuniyô suma Israel-lâ, agi humugi zla d’a an Salad’a Ma didina ni data. An Salad’a Ma didina ni de mahuniyôna, mi yima ndingâ, mi toliyonda, mi hora, mi yima b’lak kei mi mbut djonina, mazì ma nglo ma a aram mbei ma mi mbut vama hurumba ki vama sanda mandjaf suma ding suma a nguyumina ala:

Amos 3:1

Agi Israel-lâ, agi andjaf ma an buzugumi woi yam ambas sa Ezipte-d’ina, agi humugi zla d’a an dagizid’a.

Mise 1:1

Wana ni zla d’a Ma didina mi dat mi Mise ma Moreset-na kur atchogoid’a hi Jotam ki Ahas ki Ezekiyas amulei suma Juda-nid’a, mi ndum ad’u zla d’a yam azì ma ngol ma Samari-nid’a, ki d’a yam azì ma ngol ma Jerusalem-mid’a woyo.

Mise 1:2

Agi suma pet, agi humugiya! Ndak andagad’a kahle suma kuru’â pet, agi tinigi humagiya! Salad’a Ma didina nga mi deï zlad’a ata yam ma kak ma mi tinim iram vama á vagi ki zlad’a.

Mise 3:8

Wani an nga ni fad’enga kayam Muzu’â hi Ma didinina mi nga kurunu, mi han ve tad’a á ka sariya d’a d’ingêra, á tak suma hi Jakob-ma tchila mazid’a, á tak Israel-lâ tcho mazid’a mi.

Malatchi 1:6

Ma didin ma ad’engêm kal petna, mi de mi suma ngat buzuna ala: Gorâ nga mi hu abumu, azongâ nga mi hu salama mi. Wani le an nabugiya ni, hu manda nara mi ge? Le an ni Salagina ni, ge yam mba kä avoronda nga ni lara? Agi nga lazan simiyênu, wani agi nga dagi ala: Ami nga lazang simiyêngî ki me ge?

Sunda hi suma a sunuzinid’a 4:20

Wani ami ndak á arami bei de zlad’a yam vama ami wamizina ki vama ami humumizina d’uo mi.

Gat ta a hat á mbàd’id’a 1:31

Agi tagi wagiya, abagei hur fulâ mi zigi d’igi sana mi zi goroma na, kur tit magi d’a fiyaka gak mi mbagi ata yima ka hina.

Gat ta a hat á mbàd’id’a 30:19

An nga ni dagi ini, akulod’a kandagad’a ni glangâs mana, an tinigi arid’a ki matna irazi vazi avorogi wana, b’e vuna ki ge vuna irazi vazi avorogi wan mi. Agi managi arid’a kayambala agi kandjavagi kagagi ki arid’a d’a.

Gat ta a hat á mbàd’id’a 32:1

Ndak akulod’a, ndak tin humak ndak hum zla d’a an nga ni data. Ndak andagad’a, ndak hum zla d’a ndavunanda.

Gat ta a hat á mbàd’id’a 4:26

an nga ni dagi zlad’a, akulod’a kandagad’a ni glangâs mana ini kagi ala agi mba bogi woi atogo zak kur ambas sa agi nga i kalagi kur sä abo alum ma Jurdê-na woi hid’a, agi mba tagi tatâ d’i, kayam agi mba dabagi woi pet.