Isai 1:15 - Bible azumeina

¹⁵ Ata yima agi yogi abogi akulo á tchendina, an nga ni mbut iran ndeyo. Agi nga dugud’ogi tchenda wan pî, an nga ni humugi d’i, kayam abogi mi nga tib’ak ki buzuna.

Isai 1:15 Kruisverwysings

1 Amuleina 8:22

Salomon mi tchol akulo avok yima ngal ahle suma ngat buzuna hi Ma didinina avok ablaud’a hi Israel-lîd’a pet, mi yo abom akulo á tchen Alona,

1 Amuleina 8:54

Kid’a Salomon nga mi tchen Ma didina ki hud’id’a, mi ni grifa kä avok yima ngal ahle suma ngat buzuna, abomî yod’a akulo hur alona. Kid’a vunam dap tchendid’a, mi hulong tchol akulo.

Esdras 9:5

Kur ler ra fladege d’a a ngat ahlena buzuna kuad’a, an tcholï ata yi man ma an mbut tan hohoud’a kuana ki baru mana ki baru man nda ngola haûd’a woi atan pet, an grif kä, an yo abon akulo avok Ma didina Alo mana,

Wana ni mbaktumba hi Job-pa 27:20

Mandarâ mba mi vum atogo d’igi mbiyo ma kusa na, mbirlimba mba d’i hlum andjege dangâla.

Wana ni mbaktumba hi Job-pa 35:13

A er ad’uzi ni hawana, wani Alona nga mi hum mbi. Ma ad’engêm kal petna va ndolom nga tu d’i.

Sawal la giled’a 134:2

Agi yogi abogi akulo yam yima a kud’urom kuana, agi suburugi Ma didina.

Sawal la giled’a 55:1

Ni sawal la gile d’a David mi hlat kadingâ mi hat mi ma ngolâ hi suma hle sawalina.

Sawal la giled’a 66:18

Ladjï an ngom tchod’a kurunu ni, Salad’a mba mi humun ndi.

Buzuk ka Abud’a 9:29

Moise mi hulong dum ala: Ata yima an mba ni nde woi hur azinina, an mba ni yo abon akulo avok Ma didina. Alona mba mi ar bei breîd’a, mogoina ad’um mba d’i ka mi. Ata yi máma ang mba wala andagad’a doli nabo Ma didina.

Zla d’a d’ogolâ 1:28

Ata yi máma agi mba yanu, wani an mba mi humugi d’i; agi mba halanu, wani agi mba fan nduo mi.

Zla d’a d’ogolâ 6:17

Hle yam mba akulod’a, zla d’a kad’a, tchi d’a tchi suma bei zlad’a kazinid’a,

Isai 4:4

Ma didina mba mi mbus ndjendjed’a harop suma Jerusalem-ma woyo, mba mi mbus buzu ma djang ngei kur Siyon-na woi ki simet ma mbud’uzi d’ingêr ma mbud’uzi yed’et mi na.

Isai 45:15

Ang Alona hi Israel-lîna, angî ma sut suma. Gagazi, angî Alo ma nga ngeid’ina.

Isai 58:4

Agi d’elegi tagi bei te tena ná tchi tuguyod’a, agi yalagi tagi ná tumugi tagi mi! Agi d’elegi tagi bei te tena ni d’igi d’el ta d’a ini kur bur ma wanid’a na tala an humugi delegi sä akulo d’a d’i.

Isai 58:7

agi b’rawagi te magina ki suma meid’a tchazina, agi vagi suma hou suma a nga ki yima kaka d’uo na avo hatagi mi. Le agi wagi sana gandilad’a ni, agi zlubum baruna atamu, agi hagi azigagi mi simiyêgi d’uo mi.

Isai 64:7

Wani Ma didina, angî Abumiya. Ami ni lubu ma ab’lorina, angî ma minimina, ami pet ni sun nda ang lat kabonga.

Isai 8:17

An tin hurun ni yam Ma didin ma ngei iram mbei avok suma hi Jakob-mina, an deng tan natam mi.

Jeremi 11:11

Ni kayam ndata ba, Ma didina mi dala: Gola! An nga ni mba ki ndaka kaziya, ni ndak ka azi mba buzuk kei kurut tuo d’a. Azi mba tchi kanu, wani an mba ni humuzi d’i.

Jeremi 14:12

Le a d’el tazi bei te tena pî, an mba ni hum tchi mazi ma hohoud’a d’i. Le a han he d’a hawa d’a ngala ki he d’a hawa d’a afuta pî, an mba ni vat abozi d’i. Kayam an min dabazi woi kayî ma durâ ki baktarad’a ki tugud’ei d’a tcho d’a tchi matna mi.

Jeremi 4:31

Kayam an nga ni hum del la tchina d’igi atcha d’a nde vutid’a na, an hum tchina d’igi atcha d’a ti vut vut ta weid’a ti tchi abo tat ta ted’id’a na. Ni del gor wei d’a Siyon nda nga d’i zam tat ti mat abot ti dala: An nga kur djop vuna, an nga ni puk kä abo suma tchi suma d’a.

Ezekiyel 11:6

Agi oyôgi hur azì ma ngol ma wana ki mad’a suma, agi oyôgi ir palumba woi ki mad’a suma mi.

Ezekiyel 14:3

Ang gor sana, sum ndazina a tin huruzi ni yam filei mazi ma nga mi zud’uzi á le tchod’ina. An mba ni arazi á djobon zlad’a zu?

Ezekiyel 39:23

Ma didina mi dan kua ala: Andjaf suma a mba wala Israel-lâ a izi magomba ni yam tcho mazid’a, ni yam tit mazi d’a bei d’ingêr ra avoronda mi. Kayam ndata, an mbud’uzi huyogonu, an hazi woi abo mazi suma djangûna á tchazi woi pet avun ayî ma durâ.

Wana ni mbaktumba hi Oze-d’a 5:6

Azi mba i ki tumiyô mazina kamuzlei mazina á halan an Ma didina, wani azi mba fan ndi, kayam an wal tan ndei dei ki sed’eziya.

Mise 3:4

Kayam ndata, fata agi tchigi yam Ma didinid’a, mam mba mi hulongôgi humba d’i, mba mi hagi azigam ata yi máma yam sun nda tcho d’a agi lata.

Zakari 7:13

an Ma didin ma ad’engên kal petna ni dala: Kayamba azi humun nga d’uo ata yima an yazinid’a, fata azi yan ala an ndjunuziya d’a, an nga ni humuzi d’uo mi.

Matiye 23:13

Jesus mi de kua ala: Ni zla d’a hohoud’a kagi agi suma hat gata ki Fariziyê suma lop ira. Agi suma nga dugugi vun leu d’a akulod’a woi avok sumina, agi tagid’a nga kalagi kua d’i, wani agi nga ar suma a min kal kuana á kal kua d’uo mi. [

Matiye 6:7

Ata yima agi nga tchenegi Alonina, ar agi zulugi zlad’a kua d’igi andjaf suma bei wAlona a nga le na d’i, kayam azi djib’er ala ni yam zla mazi d’a zula ba, Alona mba mi humuziya.

Jean 9:31

Ei wei ala Alona nga mi hum sama tchona d’i. Wani le sama lara pî ma nga mi kud’or Alona nga mi le minda hAlonid’a mi na ni, Alona nga mi humumu.

1 Timote 2:8

Kayam ndata, an min ala andjofâ a tchen Alona ata yina pet, a yo abozi akulo á tchen Alona ki hur ma djivina, bei ayîna, bei tuguyod’a mi.