Isai 1:11 - Bible azumeina

¹¹ Ma didina mi dala: Va mi ndolon kahle magi suma ngat buzu suma ablauna ni me ge? An ndak wa abo gamlâ ma agi handji vama ngat buzu ma ngalina, abo mbul amuzleina mi. Tan nga d’i lan djivid’a yam buzu amuzlei d’oze yam buzu tumiyô d’oze yam buzu mbekmbere d’i.

Isai 1:11 Kruisverwysings

Sawal la giled’a 40:6

Ma didina Alo mana, sun mang nga nglo d’a kal tegles sa ang lat kamid’a ki nga hur mang ma ang ngam kamina a zul ablaud’a heî. Sama d’igi ang na na nga d’i! An min de woi kazi kua, an min tchi wala woi kaziya, wani azi kal ablaud’a heî, an ndak á vazi ad’uzi woi pet ti.

Sawal la giled’a 50:8

Ni yam ahle magi suma ngat buzuna ba, an nga ni ngobogi d’i, kayam agi nga han he d’a hawa magi d’a ngala teteu.

Sawal la giled’a 51:16

Alo mana, Alo man ma suta, ang vat hurung ngei kan yam sama an tchuma, ar an de woi yam d’ingêr manga.

Zla d’a d’ogolâ 15:8

Vama ngat buzuna hi suma asa’atnina ni vama ndjendjed’a ir Ma didina, wani tam nga d’i lum djivid’a yam tchenda hi suma d’ingêrîd’a.

Zla d’a d’ogolâ 21:27

Vama ngat buzuna hi suma asa’atnina ni vama ndjendjed’a, ni vama ndjendje ma kalâ ata yima azi mbam ki djib’er ra tchod’ina mi.

Zla d’a d’ogolâ 21:3

Tit ta yam d’ingêra ki gagazid’id’a ni vama le Ma didina tam djivid’a kal ahle suma ngat buzunina.

Isai 58:2

Burâ pet azi nga halanu, a min á we lovot manda d’igi andjaf suma a nga tit yam d’ingêra suma a nga wal lei ki gat ta Alo mazina mi tinizizid’a d’uo na na, a nga halan ala an tinizi gat ta d’ingêra, azi min ala an hud’ï geveziya.

Isai 66:3

Sama ngat amuhlîna mi tchi ni sana mi, sama mi ngat timina vama ngat buzunina mi tumî azik adina mi, sama mi he he d’a hawad’a afutina mi vo ni buzuwa kozongâ woi mi, sama ngal dubang ma his djivid’a á ge humbina, mi kud’orî fileina mi. Sum ndazina pet ni suma tazi nga d’i lazi djivid’a kur lovot mazid’ina, ni suma tazi nga d’i lazi djivid’a kur sun mazi d’a ndjendje ndatina mi.

Jeremi 6:20

Ni djiviya me ba, a mban ki dubang ma his djivid’a ma Seba-na, ki dubang ma his djivid’a ma yam ambas sa deid’ina ge? He d’a hawa mazi d’a ngala nga d’i lan tan djivi d’i, ahle mazi suma ngat buzuna tan nga d’i lan djivi kazi d’uo mi.

Jeremi 7:21

Ma didin ma ad’engêm kal petna mi dala: Agi tchugugi he d’a hawa magi d’a ngala kahle magi suma ngat buzuna kam kua, agi mud’ugiziya.

Wana ni mbaktumba hi Oze-d’a 6:6

Kayam an min ni d’engzenga, nga ni buzu ma ngata d’i; agi wan an Alona kal la agi han ahle suma ngat buzu suma ngalid’a.

Wana ni mbaktumba hi Oze-d’a 8:13

Azi nga ngat ahle suma azi nga handjina, a nga mud’uzi hliwiziya. Wani an Ma didina tan nga d’i lan djivid’a kazi d’i, an nga ni djib’er yam tcho mazid’a, an mba ni mba, ni ngobozi yam tcho mazid’a mi. Azi mba hulong Ezipte.

Amos 4:5

Agi hagi vama ngat buzu ma le mersid’a zlapa kangufa, agi tchagi wala, agi dagi woi yam he d’a hawa d’a kur min magid’id’a. Agi Israel-lâ, wana ni vama agi minigizina! An Salad’a Ma didina ni de na.

Amos 5:21

Ma didina mi dala: An noî vun til magina, an golom is mi, tan nga d’i lan djivi yam vun til magina d’uo mi.

Amos 5:22

Ata yima agi nga mbandï ahle suma ngat buzu suma ngala ki he d’a hawa d’a afutina, an nga ni vazi abogi d’i. Ata yima agi nga mbandï ki gro amuzlei suma d’orâ ahle suma ngat buzu suma ngalina, an nga ni golozi ki iran nduo ko.

Mise 6:7

Ma didina mi min ni gamlâ ma dudubuna d’oze mbul ma mi djang d’igi mbiyo aluma na na zu? Ei hei ni gurei suma a vut avo’â vama ngat buzu ma ngala yam tchila meid’a ki tcho meid’a zu?

Wana ni mbaktumba hi Aze-d’a 2:14

Ata yi máma Aze mi hulong dazi ala: Ma didina mi dala: Andjaf suma a nga kaka yam ambas sa wandina ni hina dedege; sun nda azi nga lat kabozid’a ni hina dedege mi. Vama azi nga handji ata yima ngat buzunina ni vama ndjendjed’a iranu.

Zakari 7:5

Ang de mi suma yam ambas sa wandina ki suma ngat buzuna mi ala: Ata yima agi nga tchigi d’elegi tagi bei te tena kur til ma vahlâ kur til ma kid’iziyana gak ini biza d’a dok kid’iziyana, ná lan tan djivid’a zu?

Malatchi 1:10

Ma didin ma ad’engêm kal petna mi dala: Agiya, ni nge adigagi ba, mba mi duk vun gong man nda kud’ora akulo tala agi ngalagi akud’a yam yi man ma ngal ahle suma ngat buzuna hawa yak kuo d’a ge? Tan nga d’i lan djivid’a kagi d’i. An min ve he d’a hawa magid’a abogi d’i.

Matiye 22:4

Mi sun azungeî suma dingâ kua, mi dazi ala: Agi i dagi mi suma an yazina ala: An min wa te mana da’, an ngat wa amuzleina kahok man suma d’orâ; ahlena pet a min wa. Agi mbeyegï ata yima tela.

Matiye 9:13

Wani agi igiya, agi i had’agi ad’u zla d’a a b’irit kur mbaktumba hAlonid’a ala: Alona mi dala: An min ni we hohowa suma, nga ni buzu ma ngata d’uo d’a, kayam an mba ná yi suma d’ingêrâ d’i, wani ná yi suma tchona.

1 Samuel 15:22

Samuel mi dum ala: Na ni Ma didina tam mbi lum djivid’a yam he d’a hawa d’a ngala ki vama ngat buzuna kal ge yam mba kä ad’u zla mambid’a zu? Nga na d’i! Wani ge yam mba kä d’a kal ahle suma ngat buzuna; hum vun Alona kal ahok suma mbul suma a ngad’amzina.