Isai 1:1 - Bible azumeina

¹ Mbaktum ndata nga d’i de zla sun nda teteng nga Alona mi ndat tei ir Isai Amot goroma yam leu d’a Juda-d’a kazì ma ngol ma Jerusalem-mid’a. Mi ndumuzi woi ni kur atchogoid’a hi Oziyas ki Jotam ki Ahas ki Ezekiyas amulei suma Juda-nid’a.

Isai 1:1 Kruisverwysings

2 Amuleina 15:1

Kur biza d’a dok mbà yam kid’iziya d’a Jerobowam amul ma Israel-lâ nga mi tamulid’a, Azariya Amasiya goroma mi kak amula yam suma Juda-na.

2 Amuleina 15:13

Kur biza d’a dok hindi yam zlengâ d’a Azariya amul ma Juda-na nga mi tamulid’a, Salum Jabes goroma mi kak amula yam Israel-lâ, mi tamula avo Samari ni tilâ tu go.

2 Amuleina 15:32

Kur biza d’a mbà d’a Peka Remaliya gorom ma amul ma Israel-lâ nga mi tamulid’a, Jotam Azariya goroma mi kak amula yam suma Juda-na.

2 Amuleina 15:7

Azariya mi mit mi i azulei kä ad’u abuyom ngolo. A tozom gevezi kur Azì ma ngolâ hi David-na. Goroma Jotam mi vrak tamula blangâmu.

2 Amuleina 18:1

Kur biza d’a hindi d’a Ose Ela goroma amul ma Israel-lâ nga mi tamulid’a, Ezekiyas Ahas goroma mi kak amula yam suma Juda-na.

2 Amuleina 19:2

Ata yi máma na wat mi sun Eliyakim ma ngol ma yam azì ma amulina ki ma b’ir mbaktumba hamulîna Sepna ki suma nglo suma dedeina hi suma ngat buzunina gen Isai ma djok vun Alona Amot goroma, a tchuk baru d’a dodora atazi mi.

2 Sunda Hamuleinid’a 26:1

Oziyas Amasiya goroma bizamî dogo yam karagaya, suma Juda-na a manam a tinim amula balum abumu.

2 Sunda Hamuleinid’a 26:22

Sunda hi Oziyas sa ara, d’a avoka ki d’a dananda, ma djok vun Alona Isai Amot goroma mi b’irit nga kä.

2 Sunda Hamuleinid’a 27:1

Kid’a Jotam mi kak amulid’a, bizamî dok mbà yam mbà. Mi tamula avo Jerusalem bizad’a dogo yam karagaya. Asum a yat ala Jerusa ni Sadok goromba.

2 Sunda Hamuleinid’a 28:1

Kid’a Ahas mi kak amulid’a, bizamî dok mbà. Mi tamula avo Jerusalem bizad’a dogo yam karagaya. Mi le nga sun nda d’ingêra avok Ma didina d’igi abum ngolo David na d’i.

2 Sunda Hamuleinid’a 29:33

A tin amuzleina irazi vazi mi Ma didina kikis karagaya, aho’â dudubud’a hindi mi.

Sawal la giled’a 89:19

Ma didina, angî mbarei mamid’a, angî ma tin tang irat vat yam suma Israel-lîna, angî amul mamina mi.

Isai 13:1

Wana ni zla d’a sun nda Ma didina mi ndat tei ir Isai Amot goroma yam Babilon-nda:

Isai 2:1

Wana ni zla d’a sun nda Ma didina mi ndat tei ir Isai Amot goroma yam leu d’a Juda-d’a kazì ma ngol ma Jerusalem-mid’a.

Isai 20:2

Kur atchogoi ndata Ma didina mi de zlad’a avun Isai Amot goroma ala: Ang iya, ang i fok baru d’a dodor ra ang djinit furunga katuguru ma ang tchugum asengâ woyo. Isai mi le hina, mi tit bei baruna atamu, bei atuguruna asem mi.

Isai 21:2

Vama tcho ma kal teglesâ mi nde tam mbei iranu. Ma mbut ira nga mi mbut ir suma, ma b’lak yina nga mi b’lak yina mi. Ma didina mi dala: Agi suma Elam-ma, agi igiya! Agi suma Mede-na, agi i nguyugi azina á durâ! An nga ni d’el vun zam tad’a mi.

Isai 37:2

Ata yi máma na wat mi sun ma ngol ma yam azì ma amulina Eliyakim ki ma b’ir mbaktumba hamulîna Sepna ki suma nglo suma ngat buzu suma dedeina gen ma djok vun Alona Isai Amot goroma, a tchuk baru d’a dodora atazi mi.

Isai 38:1

Kur atchogoi ndata Ezekiyas mi ve tugud’eid’a á matna. Ma djok vun Alona Isai Amot goroma mi mba gevemu, mi dum ala: Ezekiyas, Ma didina mi dala: Ang min ahligiyeng ki tchetchemba, kayam ang mit ni mid’a, ang nga tchol akulo d’uo d’a.

Isai 40:9

Agi suma Jerusalem-ma, agi djagagi akulo yam ahina d’a fiyaka, agi suma Siyon-na, agi dagi zlad’a ki delegi akulo kad’engêgi pet, kayam a hagi zla d’a djivid’a abogiya. Ar agi lagi mandarâ á dat tei d’i. Agi dagi mi suma kur azì ma nglo ma Juda-na ala: Gola! Alo magina wana!

Isai 6:1

Kur biza d’a amulâ Oziyas mi mita, an we Ma didina mi nga kaka yam zlamba sä akulo dei. Vun baru mam mba ngola ti oî hur gong nga kud’ora.

Isai 7:1

Kur atchogoid’a hi Ahas Jotam gorom ma Oziyas gorom ngolona amul ma Juda-nid’a, Resin amul ma Siri-na mi i asem tazi ki Peka Remaliya goroma amul ma Israel-lâ á dur ayîna ki suma Jerusalem-ma. Wani azi ndak nga á duruzi d’i.

Jeremi 23:16

Ma didin ma ad’engêm kal petna mi dala: Ar agi humugi zla d’a suma djok vun ndazina a nga djogogizid’a d’i. Azi dagi ni zla d’a hawa yaka, azi dagi ni vama nde tam mbei irazi kur djib’er mazid’ina, nga ni zla d’a ndeï avunan an-nda d’i.

Ezekiyel 1:1

Kur biza d’a dok hindid’a, kur bur ma vahlâ hi til ma fid’ina hi biza ndatina, kid’a an nga aduk suma a yozi magomba avun alum ma Kebar-rîd’a, akulo ti mal leyo, vana mi tcholï ata Alona, mi nde tam mbei iranu.

Wana ni mbaktumba hi Oze-d’a 1:1

Wana ni zla d’a Ma didina mi dat mi Oze Beri goroma kur atchogoid’a hi Jerobowam Jowas goroma amul ma Israel-lîd’a, ni kur atchogoid’a hi Oziyas ki Jotam ki Ahas ki Ezekiyas amulei suma Juda-nid’a mi.

Amos 1:1

Wana ni zlad’a hi Amos ma aduk suma pol d’uwarâ avo Tekowa-nid’a. Ahlena a nde tazi woi iram yam Israel-lâ kur atchogoid’a hi Oziyas amul ma Juda-nid’a katchogoid’a hi Jerobowam Jowas goroma amul ma Israel-lîd’a mi. Ahle suma a nde tazi irama a le ni bizad’a mbà tua ba, andagad’a ti giged’a.

Amos 4:5

Agi hagi vama ngat buzu ma le mersid’a zlapa kangufa, agi tchagi wala, agi dagi woi yam he d’a hawa d’a kur min magid’id’a. Agi Israel-lâ, wana ni vama agi minigizina! An Salad’a Ma didina ni de na.

Mise 1:1

Wana ni zla d’a Ma didina mi dat mi Mise ma Moreset-na kur atchogoid’a hi Jotam ki Ahas ki Ezekiyas amulei suma Juda-nid’a, mi ndum ad’u zla d’a yam azì ma ngol ma Samari-nid’a, ki d’a yam azì ma ngol ma Jerusalem-mid’a woyo.

Nahum 1:1

Wana ni zla d’a a djogot tei yam azì ma ngol ma Ninif-fîd’a, ni zla d’a kur mbaktum mba Alona mi ndat tei mi Nahum ma Elkos-sid’a.

Habakuk 2:2

Ma didina mi hulong dan ala: Ang b’ir zla d’a an nga ni tagangzi woi wanda; ang b’irit kur agu ma tcheta, kayam suma a ndumut atogo zak.

Ndumba 12:6

Mi dazi ala: Agi humugi zla manda djiviya! Ata yima sana mi mbut ma djogon vunana adigagina, an nde tan iramî nde, an dum zlad’a ni kur adïd’a.

Ndumba 24:16

wana ni zlad’a hi an ma ni hum zlad’a hAlonid’ina, hi an ma ni we nga hurâ hi Ma kal teglesâ, hi an ma ni wahle suma Ma ad’engêm kal petna mi ndandji woi irana, kayam mi nde tam mbei iran ata yima an nga ni kud’uroma:

Ndumba 24:4

Wana ni zlad’a hi an ma ni hum zlad’a hAlonid’ina, hi an ma ni wahle suma Ma ad’engêm kal petna mi ndandji woi irana, kayam mi nde tam mbei iran ata yima an nga ni kud’uroma:

Matiye 17:9

Kid’a a tchugï asezi kä woi yam ahinad’id’a, Jesus mi gad’azi ala: Ar agi dagi vama agi wuma mi sa d’i, gak an Gor Sana ni tchol akulo aduk suma matna mbeî tua.

Sunda hi suma a sunuzinid’a 10:17

Kid’a Pierre nga mi djib’er yam vama nde tam mbei irama tua d’a, suma Kornei mi tchuguzï sundina, a djop wa yam azina hi Simon-na, a nga tchola avun agre’â abua.

Sunda hi suma a sunuzinid’a 26:19

Paul mi de kua ala: Kayam ndata, amulâ Agripa, an ndak á so vun vama tcholï akulo nde tam mbei iran na d’i.

2 Korente-na 12:1

Djivid’a an subur tan mi, wani subur tad’a djivi mata nga d’i. Wani ki tchetchemba, an nga ni de ni yam vama Salad’a mi nde tam iran mi tagandji woina.

2 Pierre 1:21

Kayam zla d’a suma djok vun Alona a data ti mba nga nata minda hi sa d’i, wani ni Muzuk ma bei tchod’a ba na ba, mi zud’uzi ni mam á de zla d’a tcholï ata Alonid’a woyo.