Wana ni mbaktumba hi Oze-d’a 9:12 - Bible azumeina

¹² Le azi nga wul grozina pî, an mba ni yozi woi avok bei a djeng suma. Fata an mba ni wal ki sed’ezid’a ni zla d’a hohoud’a kaziya.

Wana ni mbaktumba hi Oze-d’a 9:12 Kruisverwysings

2 Amuleina 17:18

Ata yi máma Ma didina hurum zal ngola yam Israel-lâ, mi digizi woi avoromu. Andjafâ hi Juda-na mi arî mam hol.

2 Amuleina 17:23

Kayam ndata, Ma didina mi digizi woi dei avoromu, mi izi magomba yam andaga d’a Asiri-d’a gak ini d’igi Ma didina mi de woi avun azungeî mam suma djok vuna pet na.

Wana ni mbaktumba hi Job-pa 27:14

Le mi nga ki grona ablaud’a pî, a mba dabazi woi tchid’a ki mbigeu d’a fiyaka avun ayîna, groma a mba hop ki tena d’uo mi.

Jeremi 15:7

Kur azì ma nglo ma lara ma kur ambasina, an sirizi woi d’igi suma a sir awuna na, an dabazi grozina woyo, an dap sum mana woyo, wani azi wal nga ki sun mazi d’a tcho ndata d’i.

Jeremi 6:8

Ndak Jerusalem, ndak hum gat ta an nga ni daksid’a. Le d’uo ni, an mba ni wal lei ki sed’egu, an mba ni mbud’uk djona, an mba ni mbud’uk ambas sa sa mba mi kak kurut tuo d’a mi.

Hor ma tchina 2:20

Ma didina, ang gola, ang we suma ang nga djobozi vunazina! Na ni djivid’a á aropma a mut grozi suma kuruzi suma azi huruzi vazi heîna zu? Na ni djivid’a á tchi suma ngat buzuna ki suma djok vuna kur gonga hi ang Salad’a d’a a tinit irat vata zu?

Hor ma tchina 2:22

Ang yï ahle suma a mbud’un mandarîna kan ata yina pet d’igi suma a yi tazi kur bur ma vun tilâ na. Ma didina, kur bur ma ayî mangâ sama sut nga d’oze sama prut tei nga d’i. Gugurei suma an wuluzi ni le kazi heîna, man ma djangûna mi dabazi woyo.

Wana ni mbaktumba hi Oze-d’a 7:13

Ni zla d’a hohoud’a kaziya, kayam azi wal lei dei ki sed’enu; b’laka nga d’i mba kaziya, kayam azi le tchod’a avoronu. An min á sud’uziya, wani azi dan ni zla d’a kad’a.

Wana ni mbaktumba hi Oze-d’a 9:13

Suma Efraim-ma a nata yima djivina d’igi Tir na, wani a mba he grozina abo ma tchi suma.

Wana ni mbaktumba hi Oze-d’a 9:16

Suma Efraim-ma, a kazi woyo, sideyezi mi so woyo, a mba vut ti. Le azi nga ki grona pî, an mba ni tchazi grozi suma huruzi vazi heîna woyo.

Malatchi 2:12

Sama lara ma mi lahle suma hina nina, Ma didina mba mi pad’am mbei aduk andjafâ hi Jakob-ma ki sum mama pepet; le ni ma nga mi mbam ki vama ngat buzuna he d’a hawad’ina pî, mba mi pad’am mbeyo.

Ndumba 14:34

Agi lagi burâ á d’u ambasa ni dok fid’i, agi mba zigi aneka hi tcho magid’a bizad’a dok fid’i mi; bur ma lara pî ni ngad’a yam bizad’a gagang. Hina wani, agi mba wagi ala ni ndaka á kak djangûna ki sed’enu.

Ndumba 26:65

Kayam Ma didina mi dala: A mba bo woi abagei hur fulâ; sa tu pî mba mi ar ri, ni Kalep Jefune goroma ki Josue Nun goroma hol ba, a mba ara.

Gat ta a hat á mbàd’id’a 28:18

mi grogina, mi andaga magid’a, mi d’uwar magi ma nglona ki d’uwar magi ma gureina mi.

Gat ta a hat á mbàd’id’a 28:32

Grogi suma andjofâ ki grogi suma aropma, a mba yozi a hazi mandjaf suma dingâ kä iragiya. Iragi mba d’i kau abo gol la ala a mba hulongôzi zi ge d’a, wani ad’engêgi mba d’i dap pei abo gola mi.

Gat ta a hat á mbàd’id’a 31:17

Kur bur máma an hurun mba mi zal atazi ngola, an mba ni arazi woyo, an mba ni ngei tan ndei avoroziya. Andjaf suma dingâ a mba tchaziya, ndaka teteng ki hohoud’a a mba mba kaziya. A mba dala: Ni kayamba Ma didina Alo meina mi nga adigei d’uo d’a ba, ndak ndata ti mba kei ni na zu?

Gat ta a hat á mbàd’id’a 32:25

A mba tchazi ki mbigeu d’a fiyaka ir palumba; a mba bo avo hur azina abo mandarâ. Matna mba mi tchi suma pet, azungeîna, yuguneina, momorogeina, ki kem mba tchapona mi.

Suma ka sariyad’a 4:16

Barak mi dik ad’u pusâ ki azigarâ gak a mbaza Haroset-Goyim; a tchi azigarâ hi Sisera-na woi ki mbigeu d’a fiyaka pepet bei sa sut tu ba.

1 Samuel 16:14

Muzu’â hi Ma didinina mi wal lei ki Saul; Ma didina mi sunï muzuk ma tchona nga mi lum ndaka.