Wana ni mbaktumba hi Oze-d’a 8:7 - Bible azumeina

⁷ Kayam agi zaragi ni simetna, agi mba dud’ugi ni babarâ! Agi mba fagi yam awu d’i, agi mba fagi afuta kua d’uo mi. Le mi le irâ pî, andjaf suma dingâ a mba dud’umî aziya.

Wana ni mbaktumba hi Oze-d’a 8:7 Kruisverwysings

Ad’u Tinda 41:23

Bugola, awu ma ding ma mogo ma bei irâ kid’iziya mi tchuk kei ata akei d’a tud’a mi. Mi so woi abo simet ma abo ma yorogonina.

2 Amuleina 15:19

Pul amul ma Asiri-na mi mba á dur ayîna kandaga d’a Israel-la, wani Menahem mi hum kawei ma hapma tonna dok hindi á ndjunum á siram ad’u amul mamba kä ngingring.

2 Amuleina 15:29

Kur atchogoi d’a Peka amul ma Israel-lâ nga mi tamulid’a, Tiglat-Pileser amul ma Asiri-na, mi mba mi hlazì ma Ijon-na, Abel-Bet-Mäka, Janowa, Kedes, Hasor kambas sa Galät-ta ki d’a Galile-d’a kandaga d’a Neftali-d’a pet. Mi yo suma kuruzina pet, mi izi Asiri.

Wana ni mbaktumba hi Job-pa 4:8

An wala suma a nga zum sun nda ata yat tuo d’ina, ki suma a nga zar ndakina a nga dud’uzi vud’uziya.

Zla d’a d’ogolâ 22:8

Sama nga mi zar zla d’a kad’ina mba mi dut ni ndaka, totogo mam mbala ni hur mam ma zala d’a mba d’i kus seyo.

Ma tchi wala 5:16

Kak mam mba yam andagad’a ka hid’a pet ni kur nduvunda ki tchina ki hur ma zala ki ndaka mi.

Isai 17:11

Kur bur ma agi pagizina, agi gat kangâna kad’u. Tcha yorogod’a guguzlu magid’a ti b’o, wani agi nga fagi vama dut kua d’i. Wana ni ndak ka bei fat kumat ba d’a.

Isai 55:2

Ni kayam me ba, agi wuragagi beged’a yam vama ala nga ni vama tena d’uo na ge? Ni kayam me ba, agi nga kawagi tagi yam vama nga mi hop sa d’uo na ge? Agi humunu, agi mba tagi vama djivina. agi mba d’orogi kahle suma mbul suma sor kä djudjuguna.

Isai 66:15

Gola! Ma didina nga mi djï aduk akud’a, pus mam ma dur ayîna mi djangî d’igi mbirlimba na. Mi mbut ayî mam ma bibiliuna ni vama yo akud’a, mi mbut ngop mamba ni d’igi sin akud’a na mi.

Jeremi 12:13

Agi zaragi gemena, wani agi dud’ugi naweid’a; agi hagi tagi ndaka, wani agi nga fagi va kua d’i. Zulona mba mi lagi yam dut magi ndata, abo ayî ma bibiliuna hi an Ma didinina.

Hor ma tchina 5:2

Djo mamina a hum wa mandjaf ma dingâ, a he wa aziyami mi suma ami wazi nga d’uo na.

Wana ni mbaktumba hi Oze-d’a 2:9

Mba d’i hal lovota á i bugol buniyôtna, wani mba d’i fazi d’i; mba d’i halaziya, wani mba d’i fazi d’uo mi. Ata yi máma mba d’i dala: Djivid’a an hulong ad’u ndjuvun ma avo’â; adjeu an ki furîd’a kal la inid’a.

Wana ni mbaktumba hi Oze-d’a 7:9

Andjaf suma dingâ a nga tazi ad’engêziya, wani azi nga we d’i. Abusa nga d’i deî kazi ko, wani azi nga we d’uo mi.

Wana ni mbaktumba hi Oze-d’a 9:16

Suma Efraim-ma, a kazi woyo, sideyezi mi so woyo, a mba vut ti. Le azi nga ki grona pî, an mba ni tchazi grozi suma huruzi vazi heîna woyo.

Nahum 1:3

Ma didina nga mi mbut ayîna atogo d’i, ni ma ad’engêm kal heîna, nga mi ar sama zlad’a kama bei ngopa d’i. Nga mi tit aduk mbirlimba, aduk babarâ, d’ugula ni gugum ma ad’u asema mi.

Wana ni mbaktumba hi Aze-d’a 1:6

Agi nga zumugi ngola, wani agi nga dud’ugi akid’eid’a; agi nga tagiya, wani agi nga hobogi d’i; agi nga tchagiya, wani nga vagi laud’a d’i; agi nga tchugugi baruna atagiya, wani tagi nga d’i ve d’ut ti. Sama le sunda nga mi ve bege mamba, wani nga d’i ndagam mbi.

Galat-na 6:7

Ar agi lobogi tagi d’i, kayam sana mi ndak á las Alona d’i. Kayam vama sana mi zarama, mba mi fed’emî mamu.

Galat-na 6:8

Kayam sama zar yam minda hi sa mam ma adjeunid’a, mba mi fet ni vuta hi sa mam ma adjeunid’a, ni matna. Wani sama mi zar yam minda hi Muzu’â hAlonina, mba mi fet nari d’a didinda.

Gat ta a hat á mbàd’id’a 28:33

Andjaf suma agi wazi nga yagi tu d’uo na, a mba tawu magina, a mba tahle suma agi mba fazina, a mba djobogi vunagi burâ ki burâ, a mba mired’egi kä kasezi mi.