Wana ni mbaktumba hi Oze-d’a 8:1 - Bible azumeina

¹ Ma didina mi dan ala: Oze, ang tin adifa avunangû, kayam ma djangûna nga mi dal akulo yam andagad’a hi an Ma didinid’a d’igi b’aruna na, kayam Israel-lâ a but wa vun man ma djinda woyo, a tchila wa yam gat manda mi.

Wana ni mbaktumba hi Oze-d’a 8:1 Kruisverwysings

2 Amuleina 18:27

Wani ma avun ma ngolîna mi dazi ala: Agi djib’eregi ala salana mi sununï ná de zlad’a mamul magina ki agi holu zu? Nga na d’i! Zla ndata ni yam suma a nga tchola akulo yam gulumuna wana pet mi. Ni suma a mba te ini sud’ozi a mba tche ini sumuruzi zlapa ki sed’egina.

Isai 18:3

Agi suma pet suma nga kaka kur duniyad’ina, agi suma nga kak kä yam andagad’ina, agi gologi drapo d’a taka ata yima a pat akulo yam ahuniyônina, agi humugi adifa ata yima a butna.

Isai 24:5

Andagad’a ti mbut ndjendjed’a abo suma a nga kaka katna, kayam azi tchila yam gata, a miret vun ma hed’a kä kaseziya, a but vun ma djin ma didin ma a djinim kAlonina woi mi.

Isai 58:1

Agi eregi ad’ugi akulo, agi bagi d’i, agi eregi ad’ugi akulo d’igi sana mi bu adifa na, agi tagagi sum mana tchila mazid’a, agi tagazi tchod’a hi suma hi Jakob-mid’a mi.

Jeremi 31:32

Vun ma djin máma nga ni d’igi vun ma djin ma an djinim kabuyozi ngolo kur bur ma an vazi abozi ni buzuguzï woi kur ambas sa Ezipte-nid’ina na d’i. Vun ma djin máma, an ni salazina pî, azi bud’um mbeyo. An Ma didina ni de na.

Jeremi 34:18

An mba ni he suma a nga but vun man ma djinda kä suma a nga ndak vun vama azi djin vunazi kam avoron nduo suma a nga ngat gor amuhlâ aduk mbà a kal adigama abo mazi suma djangûna.

Jeremi 4:13

Suma a dala: Gola! Ma djangûna nga mi djï d’igi d’ugul la hleï ndundula na, pus mam ma dur ayîna mi djangî d’igi mbirlimba na, akulumei mama a djang kal b’aruna. Ei baya woi d’a; ni zla d’a hohoud’a keya.

Jeremi 4:5

Agi i dagi zla ndata woi kur ambas sa Juda-d’a, agi gagi hum suma Jerusalem-ma mi, agi dazi ala: Agi bugi adif fa min tad’a kur ambasa, agi dagi zlad’a woi ki delegi akulo ala: Agi togogïya! Ei i kur azì ma nglo ma ad’eng ma ngunguna!

Jeremi 48:40

Ma didina mi dala: Gola! Andjaf suma a mba sir kä yam azì ma Mowap-ma d’igi b’aruna mi b’er gigingâm mbei mi sir kä na.

Jeremi 49:22

Gola! Andjaf suma a mba sir kä yam azì ma Bosra-na d’igi b’aruna mi b’er gigingâm mbei mi sir kä na. Kur bur máma suma gangrang suma Edom-ma, huruzi mba mi b’lak d’igi atcha d’a hurut nga mi tat á vutid’a na.

Jeremi 51:27

Agi pagi drapo d’a taka akulo kur ambasa, agi bugi adifa aduk andjaf suma, agi minigi andjaf suma á durud’u, agi yagï suma kur leu d’a Arat-ta, kur ra Mini-d’a, kur ra Askenas-sa mi. Agi i yagï nglo suma dur ayîna á durud’u, agi aragi akulumeina a pir kurut d’igi djera ti pir na.

Jeremi 6:1

Ma didina mi dala: Agi suma Benjamin-na, agi buzugugi woi avo Jerusalem, agi bugi adifa avo Tekowa, agi pagi drapo d’a taka akulo avo Bet-Hakerem, kayam ndaka ki b’lak ka ngola a tcholï abo ma norâ.

Ezekiyel 11:4

Kayam ndata, ang djogozi vuna. Ang gor sana, ang djok vuna.

Ezekiyel 16:59

Salad’a Ma didina mi dala: Jerusalem, ndak ka gol gun tad’a isa, ndak ka but vun man ma djinda woid’a, an mba ni la’î d’igi ndak le hina mi.

Ezekiyel 17:3

Ang dazi ala: Salad’a Ma didina mi dala: B’aru ma ngol ma gigingâm fiyaka ma hlimid’im fuyogeid’a d’udjod’a tetengâ, mi pir gak mi i Liban, mi ka yam agu sedrena.

Ezekiyel 7:14

A nga bu adifa. Suma pet a min taziya, wani sama mi i á durîna nga d’i, kayam ayî mana mi wet tei yam ablaud’a hi sumid’a pet.

Wana ni mbaktumba hi Oze-d’a 4:6

Sum mana a mba puk kä, kayamba a wan nga d’uo d’a. Wani ang tanga wan nga d’uo mi. Kayam ndata, an mining ngi, ang mba kak man ma ngat buzuna d’uo mi. Kayamba ang mar yam gata hi an Alo mangîd’a, an mba ni mar rei yam grongâ mi.

Wana ni mbaktumba hi Oze-d’a 5:8

Agi bugi adifa avo Gibeya, agi bugi adif fa ngola avo Rama, agi eregi ad’ugi akulo avo Bet-Aven. Agi suma Benjamin-na, agi gologi blogogiya!

Wana ni mbaktumba hi Oze-d’a 6:7

Agi bud’ugi vun ma djinda kä woi d’igi Adam na. Ni kua ba, agi mbud’um iranu.

Wana ni mbaktumba hi Oze-d’a 9:15

Asa’at mazid’a ti nde woi navo Gilgal. Ni kua ba, an noyôzi woyo. An mba ni digizi woi avo hatan yam tcho mazi d’a azi lata, an mba ni le kazi baba d’uo d’a, kayam mazi suma nglo suma avorozina pet a ni suma bei hum vuna ba na.

Joel 2:1

Agi bugi adifa kur Siyon, agi tchagi wulula akulo yam ahina man nda a tinit irat vata. Ar suma a nga kaka yam ambasina pet a zlaga! Kayam burâ hi Ma didinina nga mi djïya, mi ar wa go mi.

Joel 2:15

Agi bugi adifa kur Siyon, agi tchagi wala yam bur ma d’el ta d’a bei te tenid’a, agi yagi tagi á togogi tok ka a tinit irat vata.

Amos 3:6

Le adif fa ayîna ti tchi kur azì ma ngolâ ni, suma a ba bei le mandarâ zu? Na ni ndaka ti mba kur azì ma ngolâ bei Ma didina mi wat tchu?

Amos 8:3

An Salad’a Ma didina nga ni daziya: Kur bur máma sawal la a hlat kur azì ma amulid’a mba d’i mbut ni hor ma tchina. A mba tchuk mad’a suma ablaud’a kä woi ata yina teteng, suma vunazi mba mi seng silil.

Amos 9:1

An we Salad’a mi nga tchola yam yima ngal ahle suma ngat buzuna, mi dala: Agi tumugi agu ma murgulina yam mba djumba, ar agu ma avun gong nga kud’orina mi giged’a! An mba ni kuzuzi yazi woi pet; ad’uzi d’a ara, an mba ni tchazi woyo. Sa tu pî mba mi ndak á ring ngi, sa mba mi sut tu d’uo mi.

Habakuk 1:8

Akulumei mazina a djang kal bolina, ayî mazina kal ngû ma meid’a nga d’i tchum fladegena. Suma djang akulumei mazina a tcholï nata yima deina, a nga pir akulo, a pirî d’igi b’aru ma sir asem kä á ve vanina na.

Sofoni 1:16

Kur bur máma a mba hum tchina hadifa ki siwel la ayîna yam azì ma nglo ma ad’eng ma ngunguna, yam yima ndjol ma fiyak ma akulo deina mi.

Zakari 11:1

Ndak ambas sa Liban-nda, ndak mal lovot maka woyo, ar akud’a ti ngal agu sedre ma’â.

Zakari 9:14

Ma didina mba mi ndeï akulo woi yam sum mama, yeû mamba mba d’i djang d’igi wiled’a halonid’a na, Salad’a Ma didina mba mi bu adifa, mba mi mbeï aduk babar ma ngolâ abo ma sutna.

Matiye 24:28

Ata yima harâ mi nga kuana, ata yi máma, aba’â mba mi tok kua mi.

Gat ta a hat á mbàd’id’a 28:49

Ma didina mba mi tcholï kandjaf ma dei ma sä avun dabid’a handagad’a ma agi nga humum vunam mbuo na. Mba mi sir asem kagi kä d’igi agigilauna mi sir asem yam vama mi vuma na.