Wana ni mbaktumba hi Oze-d’a 7:5 - Bible azumeina

⁵ Kur bur ma vun tilâ hamul mazinina, suma nglo suma avok suma a nga mbut tugud’eid’a abo süm guguzlud’a, amulâ nga mi ve suma las suma abozi akulo mi.

Wana ni mbaktumba hi Oze-d’a 7:5 Kruisverwysings

Ad’u Tinda 40:20

Kid’a bur ma hindina ndaka, ni bur ma vuta hi Faron-na. Faron mi le te ma luna mi mam suma sunda pet. Mam ndeï ma ngolâ hi suma a hum sümina ki ma ngolâ hi suma a lum avungônina woi kur dangeina.

1 Amuleina 13:4

Ata yima Jerobowam mi hum zla d’a de d’a tcho d’a sana hAlonina mi dat yam yima ngal ahle suma ngat buzu ma Betel-lâ hina d’a, mi mat abom akulo yam yima ngal ahle suma ngat buzuna, mi de ki delem akulo ala: Agi vagi sa máma! Wani abom arza sod’a ata yi máma, mi tche mogod’a, nga mi hulongî kä atam mbi.

Sawal la giled’a 1:1

Sama nga mi tit yam d’alâ hi suma asa’atna d’uo, ma nga mi tchol ki suma tchila yam gata hi Ma didinid’a d’uo, ma nga mi kak zlapa darigïd’a ki suma las Alona d’uo, ma hurum ve gata hi Ma didinid’a, nga mi dugud’ot ndumba andjege ki faleina, mi le furîd’a.

Sawal la giled’a 69:12

An tchuk dodora atanu, wani an mbut ni va mazi ma lasa.

Zla d’a d’ogolâ 13:20

Sama tit ki suma ned’ina mba mi mbut ni sama ned’a, wani sama mi te ki suma lilid’ina mba mi nde kur tchod’a.

Zla d’a d’ogolâ 20:1

Süm guguzlud’a ni vama las suma, süm ma ayîna heîna nga mi mba ki batranga mi. Sama mi he tam yam süma á tched’ina nga mi wäd’u zla d’i.

Isai 28:1

Wana ni zla d’a hohoud’a yam azì ma ngol ma Samari ma hle tam d’igi avaval la subur ra d’a suma Efraim suma a gurut ki sümina a kulubut kazina d’a. Nazì ma akulo yam yima nding ma avun hor ra tub’ad’a. Ni ma djif mama nga mi ngal wiwilik yam mam suma a nga gurut ki süma d’igi b’o d’a yak keid’a na na.

Isai 28:14

Kayam ndata, agi suma las suma, agi suma nga tagi yam suma Jerusalem-mina, ar agi humugi zlad’a hi Ma didinid’a.

Daniel 5:23

Wani ang hle yang akulo avok Alo ma sä akulona, ang yo kop ma a tinim iram vam ma kur gong mam mba kud’orina, ang ki mang suma nglona, amiyôngâ kamiyông suma gureina, agi tchagi ki süm guguzlud’a. Bugola, ang gile alo ma a lumî ki kawei ma hapma, ki lora, ki ma kawei ma hleuna, ki ma kawei ma wurana, kaguna kahinad’a suma a nga we d’i, a nga hum mbi, a nga wad’ud’a d’uo mi na. Ang subur nga Alo ma muzuk manga ki sun mang nga led’a pet nga aboma d’i.

Wana ni mbaktumba hi Oze-d’a 7:3

Azi nga lamulâ tam djivid’a kasa’at mazid’a, a nga le suma avok sumina tazi djivid’a ki zla mazi d’a kad’a mi.

Matiye 14:6

Kid’a Herot mi le tena yam bur mam ma vutid’a, Herodiyas gorota ti nde lü ndjongâ woi avok suma mi yazï yam tenina. Herot tam lum djivid’a heî yam ndjong matna.

Marik 6:21

Bur ma Herodiyas ti fe lovotina, ni bur ma Herot bur mam ma vuta nda’â. Mi yi mam suma nglona azi ki nglo suma dur ayîna ki suma nglo suma Galile-na ata te ma luna.

Efes-sâ 5:18

Ar agi gurud’ugi ki süma tala mi igi kur tit ta batranga d’a d’i. Wani agi oyôgi ni ki Muzu’â hAlonina.