Wana ni mbaktumba hi Oze-d’a 7:14 - Bible azumeina

¹⁴ Ata yima azi nga yana, a nga yan ki hur ma tuna d’i, wani azi nga tchi kur azang mazina, azi nga ze tazi d’igi suma bei wanina na á fe gemena, á fe guguzlud’a mi. wani azi nga son vunanu.

Wana ni mbaktumba hi Oze-d’a 7:14 Kruisverwysings

Buzuk ka Abud’a 32:6

Tcha ndjivin yorogo tcholol, azi tchol a hahle suma ngat buzu suma ngala kahle suma ngat buzu suma zlap darigïd’a, a kak kä á ted’a, á tched’a. Bugola, a tchol akulo á luna.

Isai 29:13

Salad’a mi dala: Ata yima sum ndazina a nga hud’ï gevena, a suburun ni ki vunaziya. Wani huruzi ni woi dei ki sed’enu. Le d’a a nga lan mandaranda ni yam vun ma hed’a hi suma ma a had’azizina.

Isai 52:5

Ki tchetchemba, an le ni nana ge? A i wa sum mana magomba ni hawana. Suma a te kazi kad’engina a nga de zlad’a ki delezi akulo. Kur bur ma lara ge pet a nga lazan simiyênu.

Isai 65:14

Gola! Azungeî mana a mba hle sawala ki furîd’a kuruzi krovo, wani agi mba tchigi abo tagi d’a ted’a kurugi krovo, agi mba tchigi tchi ma hohoud’a, agi mba tchugugi susub’ok mi.

Jeremi 12:2

Ang pazi ni angû. Sideyezi nga mi sir kä, a nga wula, a nga vud’a, a nga yang simiyêng ki vunazi burâ ki burâ, wani huruzi woi dei ki sed’engû.

Jeremi 3:10

Hina pet pî, b’oziyozi suma Juda suma bei d’engzengâ a hulongî nga geven ki hur ma tuna d’i. An Ma didina ni de na.

Hor ma tchina 2:18

Ndak Jerusalem, ndak i gen Salad’a, ndak tchiya, ndak zam tagu. Ar simi ma’â mi djang kä d’igi toliyonda na andjege ki faleya, ar ndak tuk tak ki, ar ndak ba tchi ma’â d’uo mi.

Wana ni mbaktumba hi Oze-d’a 13:16

Suma Samari-na zlad’a mba d’i vaziya, kayam a kak djangûna kAlo mazina. A mba tchazi avun ayîna, a mba ndjirebezi grozi suma gureina woyo, amiyôzi suma wirâ, a mba zazi huruzi woi mi.

Wana ni mbaktumba hi Oze-d’a 13:6

Ata yima an hagi tena ndak yam mei magid’ina, agi hobogiya, agi hlagi yagi akulo. Ni kayam ndata ba, agi maragi kanu.

Wana ni mbaktumba hi Oze-d’a 13:9

Agi Israel-lâ, agi b’lagagi woi ni kayamba agi kagagi djangûna ki an ma ni ndjunuginid’a.

Wana ni mbaktumba hi Oze-d’a 3:1

Ma didina mi dan kua ala: Ang i veï atcha d’a banatna nga mi le kat heî d’a nga d’i le mizeunid’a, ang le kat d’igi an Ma didina nga ni le yam Israel-lâ na. Azi nga mbut irazi yam alo ma dingâ, a nga le d’od’oka yam woî guguzlu ma a hum mi fileinina, wan pî an nga ni le kaziya.

Wana ni mbaktumba hi Oze-d’a 8:2

Azi nga tchi kan ala: Alo mamina, ami Israel-lâ, ami wangû.

Amos 2:8

A nga bur kä gen yima ngal ahle suma ngat buzu ma lara ge yam baru d’a suma houd’a a nga dengêzizid’a, a nga tche süm guguzlud’a kur gonga halo mazinid’a ki bege d’a a kat yam suma ata lovod’ot tuo d’a.

Amos 8:3

An Salad’a Ma didina nga ni daziya: Kur bur máma sawal la a hlat kur azì ma amulid’a mba d’i mbut ni hor ma tchina. A mba tchuk mad’a suma ablaud’a kä woi ata yina teteng, suma vunazi mba mi seng silil.

Mise 2:11

Wani le sama ka zlad’a mi mba mi djok vuna ala: An nga ni dagi zlad’a yam süm guguzlud’a yam süm ma ayîna mi ni, sa máma mba mi arî ma djok vuna hi sum ndazinina.

Zakari 7:5

Ang de mi suma yam ambas sa wandina ki suma ngat buzuna mi ala: Ata yima agi nga tchigi d’elegi tagi bei te tena kur til ma vahlâ kur til ma kid’iziyana gak ini biza d’a dok kid’iziyana, ná lan tan djivid’a zu?

Romê-na 16:18

Kayam suma hina na a le ni sunda hi Christ Saleinid’a d’i, wani ni yam huruzi go. Ki zla mazi d’a de d’a djivid’a ki vunazi ma mbulâ a nga mbut hur suma bei ned’ina kä.

Filip-ma 3:19

Sum ndazina, dabi mazid’a ni bad’a, alo mazina ni hayaziya. Azi nga subur tazi yam ahle mazi suma zulona, djib’er mazid’a ni yam ahle suma yam andagad’a ka hina go.

Jacques 4:3

Agi nga tchenegiya, agi nga fagi va d’i, kayam agi nga tchenegi ki tchen nda irata d’i, kayam agi minim ná ndak vun minda hi hliwigid’a.

Jacques 5:1

Agi suma ndjondjoîna, ki tchetchemba, agi humugiya. Agi tchigi ki yor tad’a yam zla d’a hohou d’a nga d’i mba kagid’a.

Suma ka sariyad’a 9:27

A buzuk a i abagei a dut vut guguzlu mazid’a, a mired’ed’u, a lü vun tilâ, a tchuk kur gonga halo mazinid’a, a nga te, a nga tche, a nga de zla d’a tchod’a yam Abimelek.