Wana ni mbaktumba hi Oze-d’a 7:13 - Bible azumeina

¹³ Ni zla d’a hohoud’a kaziya, kayam azi wal lei dei ki sed’enu; b’laka nga d’i mba kaziya, kayam azi le tchod’a avoronu. An min á sud’uziya, wani azi dan ni zla d’a kad’a.

Wana ni mbaktumba hi Oze-d’a 7:13 Kruisverwysings

Nehemi 1:10

Ami nazungeî mangâ, ami ni sum mang suma ang pad’ami woi kad’eng mang nga kal teglesa kabong ma ad’engîna.

Wana ni mbaktumba hi Job-pa 22:17

Sum ndazina a de mAlona ala: Ang huttcha woi dei ki sed’emiya! Ma ad’engêm kal petna mi ndak á lei me ge?

Sawal la giled’a 106:10

Mi sud’uzi woi abo suma a noyôzina, mi prud’uzi woi abo mazi suma djangûna.

Isai 30:1

Ma didina mi dala: Ni zla d’a hohoud’a yam agi gro suma bei hum vuna ba na. Kayam agi nga lagi sunda yam nga hur ma tcholï nga atan nduo na, agi nga djinigi vunagi yam zla d’a bei an kua ba d’a á tok tchod’a yam ndrat tchod’a.

Isai 30:2

Agi nga igi akoid’a Ezipte bei djobon ndi ba á halagi yima ngeid’a ata Faron, á halagi yima kaka ad’u anguzu Ezipte mi.

Isai 31:1

Ni zla d’a hohoud’a yam suma a nga i Ezipte á hal ndjundina. Azi ni suma a deng tazi yam akulumeinina, ni suma a tin huruzi yam pus ma dur ayîna yam ablau mambina, ni suma a tin huruzi yam suma djang akulumeina ala a ad’enga heyû na. Wani azi ni suma a nga tin irazi yam Ma tin tam irat vat yam Israel-lîna d’uo suma a nga hal Ma didina d’uo mi na.

Isai 41:14

Agi Israel suma hi Jakob-ma, agi suma suma a gologi d’igi ndjuvul ma gorâ na na, agi suma suma a mired’egi kä d’igi ndjuvulâ na na, agi lagi mandar ri! An tan nga ni mba á ndjunugiya! An Ma didin ma tin tan irat vat kagi Israel-lîna, ni dala: An nga ni hle zla magid’a hur abonu.

Isai 43:1

Agi Israel suma hi Jakob-ma, ki tchetchemba, Ma didin ma lagi mi gagina nga mi dagi ala: Agi lagi mandar ri, kayam an wurak kagiya, an yagi ki simiyêgiya, agi ni sum mana mi.

Isai 59:13

Ami lami tchod’a avorongû, ami mbud’ung irangû, ami walami woi dei ki ang Alo mamina, ami dami ni zla d’a asa’ata, ami ni suma so vuna, ami dami ni zla d’a kad’a, ami ni suma guruyômi kä kurumi krovona.

Isai 63:8

Adjeu mi dala: Gagazi, azi ni sum mana, azi ni gro suma bei ka zlad’a ba na. Kayam ndata, mam mi ma sud’uzina.

Jeremi 14:10

Ma didina mi hulong de yam sum ndazina ala: Azi ni suma tcha tatana, azi ni suma a nga ve tazi hina kei d’uo na. An Ma didina tan nga d’i lan djivi kazi d’i, an djib’er yam tchila mazid’a, an mba ni ngobozi yam tcho mazid’a mi.

Jeremi 42:20

Ni agi ba, lobogi tagiya, kayam agi sunun gen Ma didina Alo magina ala: Ang tchen Ma didina Alo mamina yam djivi mamid’a. Ahlena pet suma Ma didina Alo mamina mba mi dangzina, ang vamizi ad’uzi woyo. Ami mba lami sunda kaziya.

Jeremi 51:9

Adjeu ami min á tchilimi Babilon, wani ndat tchil nga d’i. Ki tchetchemba, ei arat teyo, nge nge pî mi i yam ambas mamba, kayam sariya d’a a kattchi kata ti i akulo hur alona, gak ti doï d’ugula.

Jeremi 7:15

An mba ni digigi woi avoron dei d’igi an dik b’oziyogina andjafâ hi Efraim-ma woi na mi.

Hor ma tchina 5:16

Avaval la kamid’a ti tchuk kä woi da’. Ni zla d’a hohoud’a kamiya, kayam ami lami tchod’a.

Ezekiyel 16:23

Salad’a Ma didina mi de kua ala: Bugol sun mak ka asa’ata hina pet wani, ni zla d’a hohoud’a kagu. Gagazi, ni zla d’a hohoud’a kagu!

Ezekiyel 18:2

Ni kayam me ba, agi nga dagi zla d’a d’ogol la wanda yam andaga d’a Israel-la ala: Abuyod’a a te guguzlu d’a bei ned’a, grod’a siyazi mi zleyâ ge?

Ezekiyel 18:25

Agi nga dagi ala: Lovota hi Ma didinid’a nga d’ingêr ri. Agi Israel-lâ, agi humagiya. Ni lovot manda ba, ti nga d’ingêr ruo zu? Ni lovot magid’a ba, ti nga d’ingêr ruo d’ö gi?

Ezekiyel 34:6

Tumiyô mana a nga dau akulo yam ahuniyô suma nglona, akulo yam yima ndingâ mi. Tumiyô mana a b’rau wa woi kur ambasa pet, wani sama mi djib’er kazina nga d’i, sama halazina nga d’uo mi.

Wana ni mbaktumba hi Oze-d’a 11:2

Wani Israel-lâ a wal tazi woi ki an Ma ni yazina, a hahle suma ngat buzuna mi Bäl, a ngal dubang ma his djivid’ina mi fileina mi.

Wana ni mbaktumba hi Oze-d’a 5:7

Azi mbud’un iranu, a vut ni gro suma nga ata yazi d’uo na. Ki tchetchemba, ar tilâ tu a mba b’lagazi ahle mazina woyo.

Wana ni mbaktumba hi Oze-d’a 7:1

Ma didina mi dala: Ata yima an min le sum mana djivid’a an min sut Israel-lîna, tchod’a hi suma Efraim-mid’a ki tchod’a hi suma Samari-nid’a, mba d’i buzuk kei avoronu. Kayam azi ni suma ka zlad’a, suma kula a nga kal avo, suma tchigeta a nga tchola ir palumba á b’lak ahlena mi.

Wana ni mbaktumba hi Oze-d’a 7:3

Azi nga lamulâ tam djivid’a kasa’at mazid’a, a nga le suma avok sumina tazi djivid’a ki zla mazi d’a kad’a mi.

Wana ni mbaktumba hi Oze-d’a 9:12

Le azi nga wul grozina pî, an mba ni yozi woi avok bei a djeng suma. Fata an mba ni wal ki sed’ezid’a ni zla d’a hohoud’a kaziya.

Wana ni mbaktumba hi Oze-d’a 9:17

Alo mana mba mi arazi woyo, kayam azi humum nga vunam mbi. Azi mba b’rau woi aduk andjaf suma yayak.

Jonas 1:10

Ata yi máma mi vazi ad’u zla mamba. Kid’a sum ndazina a hum ala mi ringî woi avok Ma didina d’a, a le mandarâ ngola. A dum ala: Ni kayam me ba, ang le hina ge?

Jonas 1:3

Wani Jonas mi tchol á ring Tarsis woi dei avok Ma didina. Mi i Jafa, mi fe bato d’a i Tarsis-sa, mi wurak beged’a, mi ful kur batod’a ki suma a le sunda kurutna á i Tarsis woi dei avok Ma didina.

Mise 6:12

Suma ndjondjoî suma kur azì mámina huruzi mi ni oîd’a ki murud’umba, suma a nga kaka kuruma a ni suma ka zlad’a, sinazi ti de ni zla d’a mbut ira.

Mise 6:4

Kayam an buzugugï woi kur ambas sa Ezipte-d’a, an wurak kagi kur yima a lagi magomba kuana, an sun Moise azi ki Aron ki Miriyam avorogiya.

Matiye 23:37

Jesus mi de kua ala: Agi suma Jerusalem-ma, agi suma Jerusalem-ma, agi tchagi suma djok vun Alona, agi durugi suma Alona mi sunugizïna kahinad’a mi. Ni yan ga ba, an min á kod’ogi d’igi ahleka nga d’i kot grotna ad’u gigingât na ge? Wani agi nga minigi d’i.

Gat ta a hat á mbàd’id’a 15:15

Agi djib’eregi ala adjeu agi ei ni magomba kur ambas sa Ezipte d’a Ma didina Alo magina mi tchugugï woi akulo kura. Ni kayam ndata ba, an hagi ini vun ma he ma wana wana.

1 Jean 1:10

Le ei dei ala: Ei lei nga tchod’a d’uo ni, ei mbut Alona ni ma ka zlad’a, zla mamba nga kuri d’uo mi.

Vama ndum mbeina 8:13

An gola, an hum dela hagigilau ma pirï akulo kur simetnina nga mi de ki delem akulo ala: Ni zla d’a hohoud’a, ni zla d’a hohoud’a, ni zla d’a hohoud’a yam suma a nga kaka yam andagad’ina, fata malaika suma hindina a bu adif mazid’id’a.