Wana ni mbaktumba hi Oze-d’a 7:1 - Bible azumeina

¹ Ma didina mi dala: Ata yima an min le sum mana djivid’a an min sut Israel-lîna, tchod’a hi suma Efraim-mid’a ki tchod’a hi suma Samari-nid’a, mba d’i buzuk kei avoronu. Kayam azi ni suma ka zlad’a, suma kula a nga kal avo, suma tchigeta a nga tchola ir palumba á b’lak ahlena mi.

Wana ni mbaktumba hi Oze-d’a 7:1 Kruisverwysings

Isai 28:1

Wana ni zla d’a hohoud’a yam azì ma ngol ma Samari ma hle tam d’igi avaval la subur ra d’a suma Efraim suma a gurut ki sümina a kulubut kazina d’a. Nazì ma akulo yam yima nding ma avun hor ra tub’ad’a. Ni ma djif mama nga mi ngal wiwilik yam mam suma a nga gurut ki süma d’igi b’o d’a yak keid’a na na.

Isai 59:12

Kayam tchila mamid’a ti zul avorongû, tcho mamid’a nga d’i le glangâsâ kamiya, tcho mamid’a ti nga b’ala kamiya, ami wami tchila mamid’a.

Isai 59:13

Ami lami tchod’a avorongû, ami mbud’ung irangû, ami walami woi dei ki ang Alo mamina, ami dami ni zla d’a asa’ata, ami ni suma so vuna, ami dami ni zla d’a kad’a, ami ni suma guruyômi kä kurumi krovona.

Isai 59:14

Sariya d’a gagazid’a ti nga d’i, d’ingêra ti nga d’uo mi, kayam gagazid’a ti nga aduk suma d’i, d’ingêra ti nga d’uo mi.

Jeremi 51:9

Adjeu ami min á tchilimi Babilon, wani ndat tchil nga d’i. Ki tchetchemba, ei arat teyo, nge nge pî mi i yam ambas mamba, kayam sariya d’a a kattchi kata ti i akulo hur alona, gak ti doï d’ugula.

Ezekiyel 16:46

Wiyek ka ngol la nga kaka yam bigak ka gulad’id’a ni Samari ki grot suma aropma. Wiyek ka gor ra nga kaka yam bigak ka ndjufid’a ni Sodom ki grot suma aropma mi.

Ezekiyel 23:4

Ta ngola a yat ala Ohola, ta gora a yat ala Oholiba. Azi ni mana, a vut gro andjofâ ki gro aropma. Ohola ni Samari, Oholiba ni Jerusalem mi.

Ezekiyel 24:13

Ndak Jerusalem, batrang maka mbud’uk wa ndjendjed’a. An min ala an mbud’uk kei yed’et, wani ndak min ala an mbud’uk kei yed’et ti. Kayam ndata, ndak mba d’i mbut tei yed’et kur ndjendje maka d’i, gak bur ma an tchol kayî mana ka’â.

Wana ni mbaktumba hi Oze-d’a 10:5

Suma Samari-na a mba le mandarâ abo gor amuhl ma yor ma Bet-Aven-na. Suma a mba yor tazi kamu, suma ngat buzuna a mba tchi kam kayam subur mamba dap pei da’.

Wana ni mbaktumba hi Oze-d’a 11:8

Agi suma Efraim-ma, an ndak á aragi woi zu? Agi Israel-lâ, an ndak á noyôgi woi zu? An ndak á le ki sed’egi d’igi an le ki Atma ki Seboyim na zu? Hurun mi b’lak yam zla ndata, hurun mi zal ngola mi.

Wana ni mbaktumba hi Oze-d’a 12:1

Suma Efraim-ma a nguyun kä ki zla d’a kad’a, andjaf suma Israel-lâ a nguyun kä ki mbut ira. Suma Juda-na a nga zlapa ki an Alona tua, a ni suma d’engzengâ avogon an Alo ma bei tchod’a ba na mi.

Wana ni mbaktumba hi Oze-d’a 12:2

Suma Efraim-ma a te ni simetna, a nga tit bugol simet ma abo ma yorogonina. Burâ ki burâ a de ni zla d’a kad’a, a nga hurum ahlena, a djin vunazi ki suma Asiri-na, a nga i ki mbulâ avo Ezipte mi.

Wana ni mbaktumba hi Oze-d’a 4:17

Suma Efraim-ma a zlap tazi ki fileina, agi araziya!

Wana ni mbaktumba hi Oze-d’a 4:2

Arî gun tad’a, ka zlad’a ki mbut ira, arî tchi tad’a, kula, mizeuna ki murud’umba, a nga tchi matna kam kua kam kua mi.

Wana ni mbaktumba hi Oze-d’a 5:1

Ma didina mi de kua ala: Agi suma ngat buzuna, agi humugiya, agi suma avok Israel-lîna, agi tinigi humagiya, agi suma avo hamulîna, agi humugiya, kayam sariya d’a ka ndata ni kagiya, kayam agi mbud’ugi ni dau ma yam sum manina avo Mispa, agi mbud’ugi nabei d’a gunda kä yam sum manid’a yam ahina d’a Tabor-ra,

Wana ni mbaktumba hi Oze-d’a 6:4

Ma didina mi dala: Agi suma Efraim-ma, an lagi ni nana ge? Agi suma Juda-na, an lagi ni nana ge? D’engzeng magid’a ni d’igi amborogei d’a ge yorogod’a na, d’igi mbad’ï d’a ti ge yorogo d’a ti kak ndjö ti gas seid’a na mi.

Wana ni mbaktumba hi Oze-d’a 7:13

Ni zla d’a hohoud’a kaziya, kayam azi wal lei dei ki sed’enu; b’laka nga d’i mba kaziya, kayam azi le tchod’a avoronu. An min á sud’uziya, wani azi dan ni zla d’a kad’a.

Wana ni mbaktumba hi Oze-d’a 8:5

Ma didina mi dala: Agi suma Samari-na, agi togi amuhl magi ma yora woyo, kayam agi zalan hurun ngola. Ni mindja ba, agi mba kagagi suma bei zlad’a kagina ge?

Wana ni mbaktumba hi Oze-d’a 8:9

Azi i Asiri d’igi koro ma abagei ma mi tit vam tuna na. Suma Efraim-ma a wurak suma á ve banad’a ki sed’ezi mi.

Amos 3:10

Ma didina mi dala: Azi nga we lovota á le sun nda ata yata d’i, a nga tok ahle suma a b’ad’azi abo suma kad’enga a hurumuzina kur azì mazi ma amula.

Amos 3:9

Agi tchagi wala akulo yam azì ma amul ma Asdot-na, yam azì ma amul ma Ezipte-na ala: Agi togogi tagi akulo yam yima nding ma Samari-na, agi gologi siwel la gandjaud’a ki murud’um mba a nga lat ata tazid’a.

Amos 8:14

Suma a nga gun tazi kalo ma ka zla ma Samari suma a nga dala: Dan! Ar alo mangâ va mi lum mbuo, d’oze, Ar alo ma Berseba-na va mi lum mbuo mi na, a mba puk kä, a mba tchol akulo bugol luo d’a.

Mise 6:16

Agi hlagi ni zlad’a hamulâ Omri-d’a ki zlad’a hi suma hi Ahap-mid’a, agi tid’igi ni yam d’al mazina. Ni kayam ndata ba, an nga ni mba ki b’laka yam azì magi ma ngolâ, an mba ni mbud’ugi agi suma kuruma vama lasa, agi mba zigi zulona hi sum manina mi.

Matiye 23:37

Jesus mi de kua ala: Agi suma Jerusalem-ma, agi suma Jerusalem-ma, agi tchagi suma djok vun Alona, agi durugi suma Alona mi sunugizïna kahinad’a mi. Ni yan ga ba, an min á kod’ogi d’igi ahleka nga d’i kot grotna ad’u gigingât na ge? Wani agi nga minigi d’i.

Wana ni Zla d’a Djivi d’a Luc mi b’irita 13:34

Agi suma Jerusalem-ma, agi suma Jerusalem-ma, agi tchagi suma djok vun Alona, agi durugi suma Alona mi sunugizïna kahinad’a mi. Ni yan ga ba, an min á kod’ogi d’igi ahleka nga d’i kot grotna ad’u gigingât na ge? Wani agi nga minigi d’i.

Wana ni Zla d’a Djivi d’a Luc mi b’irita 19:42

Mi de mi suma kurâ ala: Ladjï agi wagi ini ala ni vama ndak á mbagi ki b’leng nga halasa ni, ni vama djivina kagiya, wani ki tchetchemba a ngeyem wa iragiya, agi ndak á wum mbi.