Wana ni mbaktumba hi Oze-d’a 6:8 - Bible azumeina

⁸ Galät nazì ma ngol ma suma kuruma ni suma murud’umbina, kurumî buzuna vam tu.

Wana ni mbaktumba hi Oze-d’a 6:8 Kruisverwysings

2 Samuel 20:8

Kid’a azi mbaza go kahina d’a ngol la Gabawon-ndid’a, Amasa mi mba á d’uguloziya. Jowap mi djin d’i’â yam baru d’a nga tchuka atamba, mbigeu d’a fiyaka nga djinda furum kur aziyad’u. Kid’a mam nga mi tita, ti pat ti nde kä.

2 Samuel 3:27

Kid’a a hulongî Apner avo Hebron-nda, Jowap mi vumï woi avun azina d’igi mi min dum zla d’a gumunda na. Ata yi máma mi tchogom hurum tup. Apner mi mid’a; Jowap mi tchumî yam wiyema Asayel.

1 Amuleina 2:5

David mi dum kua ala: Ang djib’er yam tcho d’a Jowap Seruya gorotna mi landjid’a. Ni sama tchi nglo suma dur ayîna hi Israel-lîna mbàna, nala, Apner Ner goroma ki Amasa Jeter goroma mi. Mi tchazi nata yima ayîna nga d’uo na, mi mba ki buzuna hi suma mi tchazina atamu; tcho ndata ni kamu.

Sawal la giled’a 10:8

Nga mi ngei tam huyok azina, nga mi tchi suma bei zlad’a kazi ba na, iram nga d’i d’us dudurup ata suma hohoud’a.

Sawal la giled’a 141:4

Ang aran an le sun nda tchod’a, d’oze an le sun nda murud’umba zlapa ki suma a nga le sun nda d’ingêra d’uo na d’i. Ang ar an te te mazi ma luna d’i.

Sawal la giled’a 59:2

Alo mana, ang prud’un ndei abo suma a nga halan huneîd’ina, ang ngomon abo man suma djangûna mi.

Jeremi 11:19

Wani an ni d’igi timi ma kukud’ok ma a im ata yima ngatina na. An we nga vunazi ma ndjak ma a ndjagam kan ala: Ei tchi angusâ woi ki vud’umu; ar ei kam mbei yam andagad’a hi suma a nga ki irazina, ar sa mi djib’er yam simiyêm bugol luo d’angû na d’i.

Wana ni mbaktumba hi Oze-d’a 12:11

An de zla manda mi suma djok vuna, an ar ahlena a nde tazi woi irazi teteng, an de zlad’a woi ki d’ogolâ mi suma djok vuna mi.

Wana ni mbaktumba hi Oze-d’a 12:12

Suma Galät-na ni suma tchona. Gagazi, azi tazi a mba mbut ni vama hawana. A nga ngat amuzleina buzuna avo Gilgal burâ ki burâ, wani yi mazi ma ngal ahle suma ngat buzu ma tetengâ mi mbut ni d’igi ahina d’a nga mola hur asinenid’a na.

Wana ni mbaktumba hi Oze-d’a 4:2

Arî gun tad’a, ka zlad’a ki mbut ira, arî tchi tad’a, kula, mizeuna ki murud’umba, a nga tchi matna kam kua kam kua mi.

Wana ni mbaktumba hi Oze-d’a 5:1

Ma didina mi de kua ala: Agi suma ngat buzuna, agi humugiya, agi suma avok Israel-lîna, agi tinigi humagiya, agi suma avo hamulîna, agi humugiya, kayam sariya d’a ka ndata ni kagiya, kayam agi mbud’ugi ni dau ma yam sum manina avo Mispa, agi mbud’ugi nabei d’a gunda kä yam sum manid’a yam ahina d’a Tabor-ra,

Mise 7:2

Sama d’engzeng nga kur ambasa d’i, sama irat nga d’uo mi. Azi pet ni suma a bur suma kä á tchid’ina, nge nge pî nga mi gun dauna kä yam wiyema.

Sunda hi suma a sunuzinid’a 25:3

mi lazi djivid’a, mi ge sunda á mba ki Paul Jerusalem. Azi gun wa tazi á tchum glovod’o.

Josue 21:38

Andjafâ hi Gad-na a hazì ma ngol ma suma a tchi matna a ngei tazi kuana, nala, azì ma Ramot ma kur Galät-na ki yima huyogoma, kazì ma Mahanayim-ma ki yima huyogoma, kazì ma Hesbon-na ki yima huyogoma