Wana ni mbaktumba hi Oze-d’a 6:7 - Bible azumeina

⁷ Agi bud’ugi vun ma djinda kä woi d’igi Adam na. Ni kua ba, agi mbud’um iranu.

Wana ni mbaktumba hi Oze-d’a 6:7 Kruisverwysings

Ad’u Tinda 3:11

Ma didina Alona mi djobom ala: Sama mi dang ala: Angî gandilad’a na ni nge ge? Na ni ang te ni vud’agu ma an dang ala: Ang tum mbuo na zu?

Ad’u Tinda 3:6

Atchad’a ti wala agu máma mi djivid’a á gola, mi djivid’a á ted’a, mi djivid’a kal á wad’ud’a tetet. Kayam ndata, ti mat abod’u, ti ndot vud’agu máma, ti tumu, ti hum mi ndjuvut ma nga ki sed’etna, mi tum mi.

2 Amuleina 17:15

Azi ar gata hAlonid’a ki vun ma djin ma mam djinim kabuyozi ngolona ki ge hum mba mi gazi humazi kad’engid’a woyo. Azi i bugol ahle suma hawa ya’â, azi tazi a mbut tazi vama hawa ya’â mi. Azi tit bugol andjaf suma nguyuzi suma Ma didina mi dazi ala a tit blogozi d’uo na.

Wana ni mbaktumba hi Job-pa 31:33

An ngei nga yam tcho manda kä d’igi suma petna a nga le na, d’oze an ngei nga tcho manda kä kurun nduo mi.

Isai 24:16

Ami nga humumi sawala avun dabid’a handagad’id’a ala: Hei ngola mi Ma d’ingêrâ! Wani an nga ni dala: An ba wa woyo, an ba wa woyo! Ni zla d’a hohoud’a kanu! Suma mbut ira a nga mbut ir suma, suma mbut ira a nga mbut ir suma ngola!

Isai 24:5

Andagad’a ti mbut ndjendjed’a abo suma a nga kaka katna, kayam azi tchila yam gata, a miret vun ma hed’a kä kaseziya, a but vun ma djin ma didin ma a djinim kAlonina woi mi.

Isai 48:8

Wani agi humugi nga d’i, agi min wagi ad’ud’a d’i, agi djib’eregi nga d’uo mi. An wagi agi ni suma mbut ira ki vut magid’a dei, a yagi ala suma tchila yam gata mi.

Jeremi 3:7

An de tan ala: Bugol la a lahle ndazinid’a, a mba hulongî gevenu. Wani azi hulongî nga geven ndi. B’oziyozi suma Juda suma bei d’engzengâ a we mi.

Jeremi 31:32

Vun ma djin máma nga ni d’igi vun ma djin ma an djinim kabuyozi ngolo kur bur ma an vazi abozi ni buzuguzï woi kur ambas sa Ezipte-nid’ina na d’i. Vun ma djin máma, an ni salazina pî, azi bud’um mbeyo. An Ma didina ni de na.

Jeremi 34:18

An mba ni he suma a nga but vun man ma djinda kä suma a nga ndak vun vama azi djin vunazi kam avoron nduo suma a nga ngat gor amuhlâ aduk mbà a kal adigama abo mazi suma djangûna.

Jeremi 5:11

Ma didina mi de kua ala: Israel-lâ ki suma Juda-na a mbud’un iran ngola.

Jeremi 9:6

A nga mbut ir taziya. Ni kayam mbut ir mazid’a ba, a noî á hulongî gevenu.

Wana ni mbaktumba hi Oze-d’a 5:7

Azi mbud’un iranu, a vut ni gro suma nga ata yazi d’uo na. Ki tchetchemba, ar tilâ tu a mba b’lagazi ahle mazina woyo.

Wana ni mbaktumba hi Oze-d’a 8:1

Ma didina mi dan ala: Oze, ang tin adifa avunangû, kayam ma djangûna nga mi dal akulo yam andagad’a hi an Ma didinid’a d’igi b’aruna na, kayam Israel-lâ a but wa vun man ma djinda woyo, a tchila wa yam gat manda mi.

Romê-na 5:14

Wani bugol atchogoid’a hi Adam-mba gak mba ata atchogoid’a hi Moise-sa, matna mi te yam suma; matna mi te yam suma tcho mazid’a ti nga ni d’igi tchila d’a Adam mi tchila yam gata hAlonid’a na d’uo na mi. Adam ni vama taka yam mam ma nga mi mbana.

Gat ta a hat á mbàd’id’a 31:20

Kayam an mba ni kal ki sum ndazina kur ambas sa an hle vunan kat mabuyozi ngolo á hazizid’a, nambas sa ambira ki mbul ayuma a nga sor kä kuad’a. Azi mba te, a mba hoba, a mba d’ora. Bugola, azi mba mbut irazi ata alo ma dingâ á kud’uromu, a mba lan tchod’a, a mba but vun ma djin ma an djinim ki sed’ezina woi mi.

Hebre-na 8:9

Vun ma djin máma nga ni d’igi vun ma djin ma an djinim kabuyozi ngolo kur bur ma an vazi abozi ni buzuguzi woi kur ambas sa Ezipte-d’ina na d’i. Kayam azi tit nga teteu yam vun man ma djinda d’i. Kayam ndata, an Ma didina ni dala: An hazi azigan mi.