Wana ni mbaktumba hi Oze-d’a 6:10 - Bible azumeina

¹⁰ An we vama tcho ma ndjendjed’a aduk Israel-lâ. Ni kua ba, suma Efraim-ma a nga le gaulangâ, Israel-lâ a mbut ndjendjed’a mi!

Wana ni mbaktumba hi Oze-d’a 6:10 Kruisverwysings

1 Amuleina 12:8

Wani amulâ mi ar d’al ma suma nglona a dumzina woi ta, mi i djop nazungeî suma a nga kaka gevem suma mam wul ki sed’ezina.

1 Amuleina 15:30

Ahle ndazina a le hina pet, kayam Jerobowam mi le tchod’a, mi zut Israel-lâ á le tchod’a. Wana ni vama zal hur Ma didina Alona hi Israel-lâ ngolina.

2 Amuleina 17:7

Ndak ndata ti mba yam Israel-lâ, kayam azi le tchod’a avok Ma didina Alo mazi ma pad’azï woi yam andaga d’a Ezipte-d’a abo amulâ Faron-na, a kud’or alo ma ding ma tetengâ mi.

Jeremi 18:13

Kayam ndata, Ma didin mi dala: Agi djobogi aduk andjaf suma, ni nge ba, mi hum nga ahle suma hina na yam tu d’uo ge? Israel-lâ a le vama ndjendje ma kalâ.

Jeremi 23:14

Wani an we sun nda ndjendje d’a kala nga aduk suma djok vun suma Jerusalem-ma. A nga le mizeuna, a nga tit ni kur zla d’a kad’a, a nga had’enga mi suma asa’atna, a nga ar lovota mi sa tu á hulongî woi kur sun mam mba asa’ata d’i. Azi pet a mbut iran ni d’igi suma Sodom-ma na, suma a nga kaka avo Jerusalem-ma a mbut iran ni d’igi suma Gomor-râ na mi.

Jeremi 3:6

Kur atchogoid’a hi Josiyas-sa Ma didina mi dan ala: Ang we vama Israel suma a tcha tatana a luma zu? A i yam ahina d’a lara ge d’a fuyogeid’a, ad’u agu ma angus ma lara a mbut tazi gaulangâ.

Ezekiyel 23:5

Ohola tala ni manda d’a ti mbut tat gaulangâ, e’eû mat ta yam buniyôt suma Asiri-nid’a ti kal kad’u.

Ezekiyel 23:7

Ohola ti he tat mi suma gangrang suma Asiri-na. Ata yima lara nga d’i ve sama dingâ adigaziya, nga d’i mbut tat ndjendjed’a á tuwal filei mazina.

Wana ni mbaktumba hi Oze-d’a 4:11

Gaulangâ ki süm guguzlu d’a adjeud’a ki d’a awilid’a a b’lak sum mana woyo.

Wana ni mbaktumba hi Oze-d’a 4:12

Sum mana a nga djop zlad’a nata filei agu mazina. Totogo mazid’a nga d’i hulongôzi zla d’a ded’a! Djib’era hi gaulangîd’a ti vid’izi woyo, a nga le gaulangâ, a wal lei dei ki an Alo mazina mi.

Wana ni mbaktumba hi Oze-d’a 4:17

Suma Efraim-ma a zlap tazi ki fileina, agi araziya!

Wana ni mbaktumba hi Oze-d’a 5:3

An we suma Efraim-ma, Israel-lâ a nga vita iran nduo mi. Wani ki tchetchemba, agi suma Efraim-ma, agi mbud’ugi tagi gaulangâ, Israel-lâ a mbut tazi ndjendjed’a mi.