Wana ni mbaktumba hi Oze-d’a 5:8 - Bible azumeina

⁸ Agi bugi adifa avo Gibeya, agi bugi adif fa ngola avo Rama, agi eregi ad’ugi akulo avo Bet-Aven. Agi suma Benjamin-na, agi gologi blogogiya!

Wana ni mbaktumba hi Oze-d’a 5:8 Kruisverwysings

2 Samuel 21:6

Kayam ndata, ang hami grom suma andjofâ kid’iziya, ami gabazi akulo avok Ma didina avo Gibeya avo hi Saul amul ma Ma didina mi manama. Amulâ mi dazi ala: An mba ni hagiziya.

1 Amuleina 12:29

Jerobowam mi tin ma hina avo Betel, mi tin ma hina avo Dan mi.

Isai 10:29

A sulugot kä aduk ahinad’a, a dala: Ar ei buri Geba, suma Rama-na a zlaga, suma kur Gibeya d’a hi Saul-la a ringâ.

Jeremi 4:5

Agi i dagi zla ndata woi kur ambas sa Juda-d’a, agi gagi hum suma Jerusalem-ma mi, agi dazi ala: Agi bugi adif fa min tad’a kur ambasa, agi dagi zlad’a woi ki delegi akulo ala: Agi togogïya! Ei i kur azì ma nglo ma ad’eng ma ngunguna!

Jeremi 6:1

Ma didina mi dala: Agi suma Benjamin-na, agi buzugugi woi avo Jerusalem, agi bugi adifa avo Tekowa, agi pagi drapo d’a taka akulo avo Bet-Hakerem, kayam ndaka ki b’lak ka ngola a tcholï abo ma norâ.

Wana ni mbaktumba hi Oze-d’a 10:5

Suma Samari-na a mba le mandarâ abo gor amuhl ma yor ma Bet-Aven-na. Suma a mba yor tazi kamu, suma ngat buzuna a mba tchi kam kayam subur mamba dap pei da’.

Wana ni mbaktumba hi Oze-d’a 4:15

Agi Israel-lâ, le agi hagi tagi á le mizeuna pî, ar suma Juda-na zlad’a vazi d’i, ar agi igi Gilgal li, ar agi igi Bet-Aven ndi, ar agi gunugi tagi ala: Ma didina ni ma bei matna d’uo mi!

Wana ni mbaktumba hi Oze-d’a 8:1

Ma didina mi dan ala: Oze, ang tin adifa avunangû, kayam ma djangûna nga mi dal akulo yam andagad’a hi an Ma didinid’a d’igi b’aruna na, kayam Israel-lâ a but wa vun man ma djinda woyo, a tchila wa yam gat manda mi.

Wana ni mbaktumba hi Oze-d’a 9:9

Agi tub’agagi tagi ki tchod’a d’igi agi lagi adjeu avo Gibeya na, wani Ma didina nga mi djib’er yam tcho magid’a, mba mi ngobogi yam tchila magid’a.

Joel 2:1

Agi bugi adifa kur Siyon, agi tchagi wulula akulo yam ahina man nda a tinit irat vata. Ar suma a nga kaka yam ambasina pet a zlaga! Kayam burâ hi Ma didinina nga mi djïya, mi ar wa go mi.

Joel 2:15

Agi bugi adifa kur Siyon, agi tchagi wala yam bur ma d’el ta d’a bei te tenid’a, agi yagi tagi á togogi tok ka a tinit irat vata.

Amos 3:6

Le adif fa ayîna ti tchi kur azì ma ngolâ ni, suma a ba bei le mandarâ zu? Na ni ndaka ti mba kur azì ma ngolâ bei Ma didina mi wat tchu?

Josue 7:2

Navo Jeriko ba, Josue mi sun suma Aï d’a nga go ki Betel-Aven-nda abo ma yorogona hi Betel-la. Mi dazi ala: Agi i d’ugi ambasa. Sum ndazina a i a d’u Aï,

Suma ka sariyad’a 5:14

Suma hi Efraim suma a kus yam suma Amale’â a tcholï a mba. Suma hi Benjamin-na a zlap ki azigar mazina. Suma hi Makir-râ a sun mazi suma nglona á dur ayîna zlapa ki suma hi Zabulon suma a nga ki totogo d’a tamula abozina.

1 Samuel 15:34

Samuel mi hulong Rama, wani Saul mi hulong Gibeya avo hatamu.

1 Samuel 7:17

Bugol mi hulong Rama avo hatamu, nga mi ka sariyad’a yam Israel suma kur azì mamina mi. Mi min yima ngal ahle suma ngat buzuna mi Ma didina ni kua.

1 Samuel 8:4

Suma nglo suma Israel-lâ pet a tok tazi a i gen Samuel avo Rama,