Wana ni mbaktumba hi Oze-d’a 4:6 - Bible azumeina

⁶ Sum mana a mba puk kä, kayamba a wan nga d’uo d’a. Wani ang tanga wan nga d’uo mi. Kayam ndata, an mining ngi, ang mba kak man ma ngat buzuna d’uo mi. Kayamba ang mar yam gata hi an Alo mangîd’a, an mba ni mar rei yam grongâ mi.

Wana ni mbaktumba hi Oze-d’a 4:6 Kruisverwysings

2 Sunda Hamuleinid’a 15:3

Israel-lâ a le bizad’a ablaud’a bei Alo ma gagazina adigaziya, bei ma ngat buzu ma mi had’azina, bei gat mamba adigazi mi.

Wana ni mbaktumba hi Job-pa 36:12

Wani le azi hum nga d’uo ni, a mba tchazi woi avun ayî ma durâ, a mba bo woi yam bei we mazid’a mi.

Sawal la giled’a 119:139

Hur man ma hata, mi kal wa kanu, kayam man suma djangûna a mar wa woi yam zla manga.

Sawal la giled’a 119:153

Ang wan ndak manda, ang prud’un ndeyo, kayam an mar nga yam gat manga d’i.

Sawal la giled’a 119:61

Dauna hi suma asa’atnina mi vanu, wani an nga ni mar yam gat manga d’i.

Sawal la giled’a 18:27

Sama yed’etna, ang nga tagam yed’et manga, sama nga mi le sun nda ata yat tuo d’ina, ang nga simid’am sun nda ata yat tuo d’a mi.

Zla d’a d’ogolâ 10:21

Zla d’a ndavun sama d’ingêrîd’a nga d’i tak lovota mi suma ablaud’a, wani suma lilid’a a nga bo ni yam bei we mazid’a.

Zla d’a d’ogolâ 19:2

Bei wad’ud’a ni vama tchona yam sana, sama nga mi ve tam kei d’uo na, nga mi nde kur tchod’a.

Isai 1:3

Amuhlâ mi we salama, korona mi we kupma hi salamina mi, wani Israel-lâ a nga wan ndi, sum mana a nga wäd’u zlad’a d’uo mi.

Isai 17:10

Agi Israel-lâ, agi maragi yam Alo ma sud’ugina, agi djib’eregi nga yam ahina magi d’a ad’enga d’i. Kayam ndata, agi pagi nagu ma agi tinigi hurugi kama, agi pagi nandjaf guguzlud’a hi suma dingîd’a.

Isai 27:11

Ata yima abo aguna mi sona, a kuzum mbeyo, aropma a mba a dom akud’a. Sum ndazina ni suma bei wad’ud’a. Kayam ndata, Salazi ma lazina, hurum nga mi hat kazi d’i, ma minizina nga mi wazi hohowozi d’uo mi.

Isai 28:7

Wani azi tazid’a a nga hle titigir abo süm guguzlud’a, a vit tei abo süm ma ayîna. Suma ngat buzuna ki suma djok vuna, a nga hle titigir abo süm ma ayîna mi. Süm guguzlud’a kal kaziya, a vit tei abo süm ma ayîna. Ata yima a nga djok vun Alonina, a nga hle titigir, a nga tcha tata kur sariya mazi d’a kad’a mi.

Isai 29:12

D’oze a mbut ni d’igi mbaktum mba a hat mi sama mi we nga ndumba d’uo na ala: Ang ndumud’u, wani mam mi hulong ded’a ala: An we nga ndumba d’uo na na mi.

Isai 3:12

Ma didina mi dala: Sum mana, gugureina a nga djobogi vunagiya, aropma a nga te kagi mi. Agi sum mana, suma avorogina a nga vid’igi woyo, a tchi lovot ta agi tid’igi kura woi mi.

Isai 45:20

Ma didina mi de kua ala: Agi andjaf suma a prud’ugi woina, agi mbeyegïya, agi hud’ugïya, agi togogïya. Suma a nga zï agu mazi ma a tched’em fileina d’oze suma a nga tchen alo ma ndak á sut sa d’uo na ni suma yazi nga kazi d’uo na.

Isai 5:13

Kayam ndata, Ma didina mi dala: Sum mana a mba yozi magomba, kayam azi nga wad’ud’a d’i. Mazi suma nglona a mba bo abo meid’a, ablau mazid’a mba d’i bo abo vun ma sod’a mi.

Jeremi 2:8

Suma ngat buzuna a de nga ala: Ma didina mi nga ni lara ge d’uo zu? Suma hat gata mi sumina a wan nga d’i, suma pol suma a nga d’engzeng avoron ndi, suma djok vuna a djo’î vun Bäl, a zlap tazi kalo ma teteng ma ndak nga á ndjun sa d’uo na mi.

Jeremi 4:22

Ma didina mi dala: Gagazi, sum mana yazi nga d’i. A wan nga d’i, a ni gro suma lilid’a, suma bei wad’ud’a, a ne heî ná le tchod’a hol, a we nga djivi d’a led’a d’i.

Jeremi 5:21

Agi suma lilid’a, agi suma bei wad’ud’a, agi humugiya. Agi nga ki ira, wani agi nga wagi d’i; agi nga ki humba, wani agi nga humugi d’uo mi.

Ezekiyel 44:23

Azi mba hat sum mana a wal ir ahle suma hawana kahle suma a tinizi irazi vazina, á wal ir ahle suma ndjendjed’a kahle suma yed’etna mi.

Wana ni mbaktumba hi Oze-d’a 13:6

Ata yima an hagi tena ndak yam mei magid’ina, agi hobogiya, agi hlagi yagi akulo. Ni kayam ndata ba, agi maragi kanu.

Wana ni mbaktumba hi Oze-d’a 2:13

An mba ni d’elet furî mata kur vun til matna, kur vun til mat ma ti luwum kur bur ma tilâ mi deî awilina, kur bur mat ma sabatna, kur vun til mat ma lara ge pet ma a ngama mi.

Wana ni mbaktumba hi Oze-d’a 4:1

Agi Israel-lâ, agi humugi zlad’a hi Ma didinid’a. Mi dala: An nga ki zlad’a ki suma a nga kaka kur ambasina, kayam d’engzenga d’oze sumad’a a nga kur ambasa d’i. A wan nga ala an nAlona d’i.

Wana ni mbaktumba hi Oze-d’a 4:12

Sum mana a nga djop zlad’a nata filei agu mazina. Totogo mazid’a nga d’i hulongôzi zla d’a ded’a! Djib’era hi gaulangîd’a ti vid’izi woyo, a nga le gaulangâ, a wal lei dei ki an Alo mazina mi.

Wana ni mbaktumba hi Oze-d’a 4:14

An mba ni mba á ngop grogi suma aropma yam gaulang mazina d’oze grogina amiyôzina yam mizeu mazina d’uo mi. Ni agi ba, an mba ni ngobogiya, kayam agi tagid’a zlabagi karop suma gaulangâ kur gong magi d’a kud’or fileina, agi nga hagi ahle suma ngat buzuna mi fileina ki sed’ezi d’igi suma bei wed’a a nga ring á i kur bad’a na.

Wana ni mbaktumba hi Oze-d’a 5:4

Sun mazid’a nga d’i arazi lovota á hulongî gen an Alo mazina d’i, kayam muzuk ma gaulangâ mi nga adigaziya, kayam azi wan nga an Ma didina d’i.

Wana ni mbaktumba hi Oze-d’a 6:6

Kayam an min ni d’engzenga, nga ni buzu ma ngata d’i; agi wan an Alona kal la agi han ahle suma ngat buzu suma ngalid’a.

Wana ni mbaktumba hi Oze-d’a 7:11

Suma Efraim-ma a mbut ni d’igi gugu d’a yat nga d’uo d’a bei wad’ud’a ba d’a na, a nga yi Ezipte-na, a nga i Asiri mi.

Wana ni mbaktumba hi Oze-d’a 7:9

Andjaf suma dingâ a nga tazi ad’engêziya, wani azi nga we d’i. Abusa nga d’i deî kazi ko, wani azi nga we d’uo mi.

Wana ni mbaktumba hi Oze-d’a 8:1

Ma didina mi dan ala: Oze, ang tin adifa avunangû, kayam ma djangûna nga mi dal akulo yam andagad’a hi an Ma didinid’a d’igi b’aruna na, kayam Israel-lâ a but wa vun man ma djinda woyo, a tchila wa yam gat manda mi.

Wana ni mbaktumba hi Oze-d’a 8:12

An b’irizi gat manda dubu dubu pî, azi golot ni d’igi vama hawa ya’â na.

Wana ni mbaktumba hi Oze-d’a 8:14

Israel-lâ a mar yam an ma lazina, a min azì ma amula. Suma Juda-na a min azì ma nglo ma ad’eng ma ngunguna ablaud’a. Wani an mba ni do azì mazi ma nglo máma akud’a. Akud’a mba d’i ngalazi azì mazi ma djifâ woi mi.

Wana ni mbaktumba hi Oze-d’a 9:17

Alo mana mba mi arazi woyo, kayam azi humum nga vunam mbi. Azi mba b’rau woi aduk andjaf suma yayak.

Matiye 1:6

Obed mi vut Jesse, Jesse mi vut amulâ David mi. David mi vut Salomon katchad’a hi Uri-d’a,

Matiye 15:14

Agi araziya, ni suma a nga ve dungûruna mi ndrozi suma dukina. Le sama duka nga mi ve dungûruna mi ndram ma duka ni, azi djak a mba tchuk kur zula.

Matiye 15:8

Sum ndazina a nga hun ni ki vunazi hawa, wani huruzi woi dei ki sed’enu.

1 Samuel 2:12

Eli groma ni suma zlazi nga d’uo na, a we nga Ma didina d’i.